Swydd Wag -- Aelodau i’r Cynghorau Iechyd Cymuned ledled Cymru
Manylion y swydd
Rôl y corff
Cefndir
Mae Cynghorau Iechyd Cymuned yn gyfrifol am gynrychioli buddiannau cleifion a'r cyhoedd yn annibynnol a diduedd er mwyn dylanwadu ar y ffordd y caiff gwasanaethau iechyd cenedlaethol eu cynllunio a'u darparu yng Nghymru, a gwella hyn. Gwirfoddolwyr lleol yw aelodau’r Cynghorau, sy’n gweithredu fel llygaid a chlustiau cleifion a’r cyhoedd, gwrando ar farn pobl am y gwasanaeth iechyd, cynorthwyo pobl sy’n dymuno gwneud cwyn am y gwasanaeth iechyd a gweithio gyda’r gwasanaeth iechyd i wella ansawdd gofal i gleifion.
Cynghorau Iechyd Cymuned - strwythur sefydliadol
Mae saith Cyngor o'r fath yng Nghymru, pob un yn gyfrifol am ardal ddaearyddol benodol. Mae'r ardaloedd daearyddol hyn yn cyd-fynd â'r saith Bwrdd Iechyd Lleol sy'n gyfrifol am lunio a darparu gwasanaethau'r GIG yn yr ardal honno (gweler atodiadau D ac E).
Caiff pob Cyngor ei gefnogi gan dîm bach o staff cyflogedig, yn ogystal ag aelodau awdurdod lleol, y trydydd sector a gwirfoddolwyr. Mae Bwrdd Cynghorau Iechyd Cymuned Cymru yn goruchwylio’r saith Cyngor.
Gyda’r Cynghorau’n cynrychioli lleisiau cleifion yn eu hardal leol, mae’r Bwrdd yn cynrychioli llais y cleifion a’r cyhoedd ar lefel genedlaethol. Y Bwrdd sy’n gosod y safonau cenedlaethol y mae'n rhaid i'r Cynghorau eu cyrraedd, ac mae’n rhaid iddo ddarparu cyngor, canllawiau a chymorth. Mae hefyd yn gyfrifol am fonitro a rheoli eu perfformiad.
Mae Cynghorau Iechyd Cymuned Cymru:
- yn gwrando'n barhaus ar yr hyn sydd gan unigolion a'r gymuned i'w ddweud am eu GIG
- yn llais i'r cyhoedd drwy hysbysu arweinwyr a rheolwyr y GIG am yr hyn y mae pobl ei eisiau a sut gellir gwella pethau
- yn meithrin perthynas dda â gwasanaethau lleol y GIG
- yn ymgynghori'n uniongyrchol â'r cyhoedd ynghylch materion penodol; a throsglwyddo barn y cyhoedd i'r GIG a Llywodraeth Cymru
- yn rhoi help, cyngor a chymorth i bobl sydd am leisio pryder ynghylch gwasanaethau'r GIG.
Beth mae aelodau'r Cynghorau Iechyd Cymuned yn ei wneud?
Mae rhai o weithgareddau'r Cynghorau, megis cefnogi unigolion i leisio pryder, yn cael eu gwneud gan staff y Cynghorau. Rôl aelodau'r Cynghorau yw cynnig safbwynt y cyhoedd. Gall aelodau ymwneud â'r gweithgareddau canlynol:
- ymweld â gwasanaethau iechyd lleol a chraffu arnynt, gan gynnwys:
- ymweld â meddygfeydd, clinigau ac ysbytai a gwrando ar farn a phrofiadau cleifion, gofalwyr a staff
- bod yn rhan o bwyllgorau a gweithgorau sydd wedi'u sefydlu i fonitro ac adolygu perfformiad y GIG
- darllen a rhoi sylwadau ar amrywiaeth eang o ddogfennau'r GIG.
- ymgysylltu'n barhau â'r cymunedau maent yn eu cynrychioli a'r rheini sy'n darparu'r gwasanaethau iechyd yn y cymunedau hynny.
- cynrychioli buddion cleifion a'r cyhoedd o ran cynllunio a chytuno ar newidiadau i wasanaethau'r GIG.
Disgrifiad o'r swydd
Beth mae aelodau'n ei wneud?
- Siarad â chleifion a'r cyhoedd a'u hannog i rannu eu sylwadau a'u profiadau o wasanaethau'r GIG
- Adrodd sylwadau a phrofiadau'r cleifion a'r cyhoedd mewn ffordd glir a chytbwys
- Cynrychioli safbwynt y cleifion a'r cyhoedd mewn cyfarfodydd gyda'r rhai sy'n cynllunio a darparu gwasanaethau'r GIG
- Edrych ar gynlluniau a chynigion lleol i newid gwasanaethau
Sgiliau yn y Gymraeg
Manyleb y person
Er mwyn cael eich ystyried, rhaid ichi allu dangos bod gennych y priodoleddau, y sgiliau a'r profiad i fodloni pob un o'r meini prawf hanfodol ar gyfer penodi.
Nid oes angen i aelodau fod yn arbenigwyr ar waith y GIG. Rydym yn chwilio am unigolion o bob cefndir sydd â diddordeb gwirioneddol mewn helpu eu cymunedau lleol i wella'r gwasanaethau y mae'r GIG yn eu darparu.
Mae’n rhaid i ymgeiswyr arddangos dealltwriaeth glir o’r canlynol, ac ymrwymiad iddynt:
- materion cydraddoldeb ac herio arferion sy’n gwahaniaethu; a
- ‘Saith Egwyddor Bywyd Cyhoeddus’ Nolan. Mae dolen gyswllt isod:
https://www.gov.uk/government/publications/the-7-principles-of-public-life
Disgwylir i aelodau’r Cyngor Iechyd Cymuned gadw at God Ymddygiad ar gyfer aelodau’r Cyngor Iechyd Cymuned. Mae’r Cod yn ymwneud â materion fel gwerthoedd y Cyngor Iechyd Cymuned, ymddygiad personol, cyfrinachedd a chyfle cyfartal. Mae dolen gyswllt isod:
http://www.wales.nhs.uk/sitesplus/documents/899/2019%20Code%20of%20Conduct%20Procedure%20welsh.pdf
Meini Prawf Hanfodol
Bydd angen i aelodau ddangos:
- Diddordeb gwirioneddol mewn gwrando ar eraill a sgiliau cymdeithasol cryf iawn
- gallu I gynrychioli eraill mewn ffordd gytbwys
- gallu i uniaethu â phobl o wahanol gefndiroedd
- gallu i weithio'n effeithiol fel rhan odîm
Y Gymraeg
Mae'r gallu i gyfathrebu drwy gyfrwng y Gymraeg yn ddymunol ond nid yw'n hanfodol ar gyfer y swyddi hyn. Fodd bynnag, mae disgwyl i bob ymgeisydd ddangos eu bod yn deall natur ddwyieithog Cymru ac egwyddorion Strategaeth Llywodraeth Cymru ar gyfer Iechyd a Gwasanaethau Cymdeithasol, Mwy na Geiriau. Mae hyn yn cynnwys, yn benodol:
- Pwysigrwydd darparu gwasanaethau dwyieithog rhagorol yn y sector iechyd;
- Peidio â thrin y Gymraeg yn llai ffafriol na'r Saesneg;
- Hyrwyddo cyfleoedd i ddefnyddio’r Gymraeg drwy egwyddor y cynnig rhagweithiol.
Dyddiadau cyfweliadau
Dyddiad cau
Gwybodaeth ychwanegol
Nodwch ein bod yn ceisio penodi aelodau i’r holl ardaloedd Cyngor Iechyd Cymuned yng Nghymru, ar wahân i Gyngor Iechyd Cymuned Caerdydd a’r Fro lle nad oes sedd wag ar hyn o bryd. Ond, gall fod cyfleoedd i fod yn aelod cyfetholedig (sydd ddim yn pleidleisio) o Gyngor Iechyd Cymuned Caerdydd a’r Fro. Gall unigolion sydd â diddordeb mewn bod yn aelod cyfetholedig gysylltu â Chyngor Iechyd Cymuned Caerdydd a’r Fro yn uniongyrchol ar 02920 750112.
Noswuch, mae rhai pobl nad ydynt yn gymwys i fod yn aelod o Gyngor Iechyd Cymuned. Mae’r rhain yn cynnwys:
- Pobl sydd wedi eu cael yn euog o drosedd yn ystod y 5 mlynedd diwethaf ac sydd wedi treulio cyfnod o 3 mis neu fwy yn y carchar (yn ddedfryd ohiriedig ai peidio)
- Methdalwyr heb eu rhyddhau
- Pobl sydd wedi'u diswyddo o waith cyflogedig gyda'r gwasanaeth iechyd (ar wahân i ddileu swydd) neu sydd wedi'u diswyddo o benodiad cyhoeddus yn y gwasanaeth iechyd
- Cadeiryddion, aelodau, cyfarwyddwyr neu weithwyr cyflogedig corff gwasanaeth iechyd sy’n gwneud penderfyniadau sy’n effeithio ar bobl sy’n byw yn yr un ardal â’r Cyngor Iechyd Cymuned
- Aelodau Cyngor arall
- Ymarferwyr Meddygol Cyffredinol neu Ymarferwyr Deintyddol Cyffredinol, Fferyllwyr Cofrestredig, Optometryddion Cofrestredig neu Optegwyr Cyflenwi Cofrestredig, Bydwragedd neu Nyrsys Cofrestredig sy'n gweithio yn yr un ardal â'r Cyngor Iechyd Cymuned
- Pobl sy'n ymgeisio i fod yn Aelod neu sydd eisoes yn Aelod o Gynulliad Cenedlaethol Cymru, Tŷ'r Cyffredin a/neu Senedd Ewrop.
8 mlynedd yw'r cyfnod hwyaf o wasanaeth ar Gyngor Iechyd Cymuned.
Manylion Cyswllt:
I gael rhagor o wybodaeth am y broses ddethol, cysylltwch â:
Tîm Penodiadau Cyhoeddus
E-bost: penodiadaucyhoeddus@llyw.cymru
I gael rhagor o wybodaeth am rôl yr aelod annibynnol, cysylltwch â Phennaeth Profiad y Claf Llywodraeth Cymru: ( 03000 253967 neu Rhian.williams5@llyw.cymru mailto: Os oes angen rhagor o gymorth arnoch i wneud cais am y swydd hon, cysylltwch â Thîm Penodiadau Cyhoeddus Llywodraeth Cymru (manylion uchod).
I gael rhagor o wybodaeth am Benodiadau Cyhoeddus yng Nghymru, ewch i www.llyw.cymru/penodiadaucyhoeddus
Sut i wneud cais
I wneud cais am y swydd hon, cliciwch ar y botwm ‘Gwneud cais’ isod. Y tro gyntaf i chi wneud cais am swydd, fe fydd angen i chi lenwi ffurflen gofrestru ar gyfer system ceisiadau ar-lein Llywodraeth Cymru. Dim ond unwaith sydd angen i chi gofrestru, a thrwy wneud hynny, byddwch yn gallu dilyn hynt eich cais, ac unrhyw geisiadau eraill rydych yn eu hanfon, trwy eich cyfrif.
Unwaith i chi gofrestru, fe fyddwch yn gallu cael mynediad at y ffurflen gais. I wneud cais, fe fydd angen i chi gyflwyno dwy ddogfen ategol, sef dogfen sy’n amlinellu sut mae’ch gwybodaeth, sgiliau a’ch profiad yn bodloni gofynion y rôl, sydd wedi’u nodi yn y wybodaeth i ymgeiswyr. Ni ddylai’r ddogfen hon fod yn fwy na dwy dudalen A4. Mae’n bosib caiff eich cais ei wrthod os ydych chi’n mynd dros y terfyn hwn. Yr ail ddogfen fydd angen i chi ei gyflwyno yw CV llawn, cyfredol. Dylech lanlwytho’r ddwy ddogfen ar y dudalen ‘Rhesymau dros ymgeisio’ yn y ffurflen gais ar-lein.
Yn eich cais, fe fydd hefyd angen i chi ddarparu manylion unrhyw weithgareddau sydd wedi eich sydd wedi eich cynorthwyo i ddatblygu sgiliau fyddai’n ddefnyddiol mewn penodiad cyhoeddus, a rhestri’r sefydliadau yr oeddech yn gweithredu ar eu rhan. Rydym hefyd angen gwybod am unrhyw weithgareddau gwleidyddol rydych wedi eu gwneud yn y 5 mlynedd ddiwethaf.
Byddwn yn argymell i chi gofrestru am gyfrif ac agor y ffurflen gais cyn gynted â phosib er mwyn i chi gael golwg dros strwythur y ffurflen gais, cyn i chi gychwyn paratoi eich tystiolaeth. Does dim rhaid i chi gwblhau’r ffurflen gais i gyd mewn un tro. Gallwch gadw’ch atebion, a mewngofnodi ac allgofnodi yn ôl yr angen, tan eich bod yn barod i anfon eich cais - i wneud hyn, dilynwch y cyfarwyddiadau yn y ffurflen gais.
I gwblhau cais yn y Gymraeg, gwnewch yn siŵr eich bod yn pwyso ‘Gwneud cais’ isod ar y dudalen hon (yn hytrach na phwyso ‘Apply’ ar y dudalen Saesneg).
Os oes angen rhagor o gymorth arnoch chi i wneud cais am y rôl hon, cysylltwch â Tĩm Penodiadau Cyhoeddus, Llywodraeth Cymru ar e-bost i PenodiadauCyhoeddus@llyw.cymru.
Am ragor o wybodaeth ynghylch Penodiadau Cyhoeddus yng Nghymru, ewch i www.llyw.cymru/penodiadaucyhoeddus
Mae'r swydd hon ar gau i ymgeiswyr.