Swydd Wag -- Aelodau - Addysg a Gwella Iechyd Cymru (Y Gymraeg yn ddymunol)
Manylion y swydd
Rôl y corff
Ym mis Ebrill 2018, bydd corff statudol newydd yn dod i fodolaeth yn GIG Cymru. Bydd Addysg a Gwella Iechyd Cymru (AaGIC) yn gweithio ochr yn ochr â Byrddau ac Ymddiriedolaethau Iechyd a hwn fydd yr unfed aelod ar ddeg o deulu GIG Cymru.
Cyhoeddwyd datganiad ysgrifenedig manwl gan Ysgrifennydd y Cabinet dros Iechyd, Llesiant a Chwaraeon ym mis Gorffennaf 2017 a oedd yn rhoi manylion bras statws, swyddogaethau'r corff newydd:
• Comisiynu addysg broffesiynol yn y sector iechyd yn y meysydd hynny y cytunwyd arnynt gan Lywodraeth Cymru, a'i goruchwylio.
• Bod yn gyfrifol am gymorth ariannol a ddarperir gan Lywodraeth Cymru i fyfyrwyr sy'n dilyn addysg broffesiynol yn y sector iechyd.
• Bod yn gyfrifol am gyllid ar gyfer sefydliadau sy'n cefnogi hyfforddiant ac addysg o'r fath, gan gynnwys byrddau iechyd a gwasanaethau cyflenwi nad ydynt yn perthyn i'r GIG.
• Cynllunio ar gyfer anghenion y gweithlu yn y sector iechyd.
• Cadw gwybodaeth am y gweithlu, a datblygu'r wybodaeth honno.
• Cynllunio swyddogaethau sefydliadol a phennu'r disgwyliadau ar gyfer Datblygiad Proffesiynol Parhaus i weithwyr proffesiynol ar draws GIG Cymru.
• Rhoi arweiniad i'r gweithlu iechyd a'i ddatblygu.
• Hyrwyddo gyrfaoedd ym maes iechyd ac ehangu mynediad i'r proffesiynau iechyd.
• Gwella'r gweithlu a Datblygu Sefydliadol.
Diben ffurfio AaGIC yw cynnig gwerth ychwanegol sylweddol i ddarparu gofal i gleifion drwy roi addysg a chymorth gwella i gyrff iechyd. Er enghraifft, disgwylir i'r corff newydd gynnig dull cenedlaethol o ddatblygu arweiniad yn y GIG yng Nghymru, gan annog mwy o symudedd ymhlith staff ar draws GIG Cymru wrth i'r galwadau newid.
Bydd Addysg a Gwella Iechyd Cymru yn gweithio gyda GIG Cymru i arwain dull gwell a strategol i gynllunio a chomisiynu gweithlu'r dyfodol. Bydd AaGIC yn ystyried pob rhan o'r sector iechyd yn ei waith, gan sicrhau bod y cynllunio'n cael ei wneud mewn modd integredig ar draws cyflenwyr cyhoeddus a phreifat yn ogystal â phartneriaid allweddol fel gofal cymdeithasol. Bydd hefyd yn cydnabod gwerth yr holl bobl broffesiynol yn y sector, gan weithio i ddarparu safonau uwch o ran hyfforddiant a sgiliau i bob myfyriwr neu hyfforddai.
Disgwylir hefyd i AaGIC ddatblygu, dros amser, arbenigedd sylweddol mewn gwybodaeth am y gweithlu a ffurf ein gweithlu, gan gynnig arweiniad i gyrff iechyd eraill, yn ogystal â chyngor ar gynllunio swyddogaethau a thimau i sicrhau'r perfformiad gorau posibl. Bydd AaGIC yn cydweithio'n agos â chyrff partner megis CCAUC a Gofal Cymdeithasol Cymru yn y meysydd gwaith perthnasol i ddatblygu safbwynt integredig o anghenion y gweithlu nawr ac yn y dyfodol, ar draws y maes iechyd a’r maes gofal cymdeithasol. Bydd hyn yn cynnwys cymorth a datblygiad parhaus o ran cyfleoedd gyrfa ar y cyd i weithwyr yn y ddau sector.
Yn hanfodol, bydd y corff newydd hefyd yn cael y dasg o arwain ein gwaith i hyrwyddo'r gwasanaeth iechyd yng Nghymru fel dewis cyntaf o ran gyrfa, ar draws pob swyddogaeth ac ar draws yr holl amrywiaeth yng Nghymru.
Llywodraethu
Bydd Llywodraeth Cymru yn sefydlu AaGIC fel Awdurdod Iechyd Arbennig gan ddefnyddio pwerau a bennir yn Neddf y Gwasanaeth Iechyd Gwladol (Cymru) 2006. Caiff deddfwriaeth ei chyflwyno dros y misoedd nesaf i ganiatáu inni sefydlu'r corff. Mae hyn yn golygu y bydd yn endid cwbl ar wahân gyda'i Fwrdd annibynnol ei hun. Bydd ei Brif Weithredwr yn eistedd ochr yn ochr â Phrif Weithredwyr eraill ar Fwrdd Gweithredol GIG Cymru. Bydd gwaith a chyllideb y sefydliad yn cael eu pennu drwy gyfarwyddydau a llythyr cylch gwaith blynyddol oddi wrth Lywodraeth Cymru.
Bydd cyfansoddiad Bwrdd AaGIC yn ddeuddeg o ran ei nifer, gyda saith o Aelodau Annibynnol, gan gynnwys y Cadeirydd a phum aelod o'r Tîm Gweithredol, gan gynnwys y Prif Weithredwr. Er mwyn cyfyngu ar y posibilrwydd o orfod recriwtio'r holl Aelodau Annibynnol yr un pryd yn y dyfodol, mae'n fwriad cynnig swydd am naill ai ddwy flynedd neu bedair blynedd. Bydd hyn yn caniatáu cyfnod graddedig yn y swydd ac yn rheoli'r posibilrwydd o golli gwybodaeth a sgiliau.
Er na fydd rôl yr Is-gadeirydd yn rôl statudol, bydd y rheoliadau'n caniatáu i aelodau AaGIC benodi Is-gadeirydd. Os dewisant wneud hynny, gall aelodau'r Bwrdd benodi Is-gadeirydd o blith yr Aelodau Annibynnol. Bydd rôl yr Is-gadeirydd yn denu taliad cydnabyddiaeth uwch am gynnydd sylweddol mewn diwrnodau bob mis.
Mae Dr Chris Jones wedi'i benodi'n Gadeirydd interim o 1 Hydref ymlaen, i arwain y broses o sefydlu AaGIC, yn amodol ar ewyllys y Cynulliad Cenedlaethol mewn perthynas â’r ddeddfwriaeth y mae sydd ei hangen i sefydlu AaGIC. Swydd am gyfnod cyfyngedig o 12 mis yw hon, gyda'r broses o recriwtio'r Cadeirydd yn dechrau yn haf 2018.
Bydd AaGIC wedi ymrwymo i sicrhau bod amrywiaeth lawn Cymru a'i chymunedau'n cael ei hadlewyrchu yn ei chynlluniau a'u cyflawni. I sicrhau hyn, bwriedir i aelodaeth y Bwrdd adlewyrchu hyn.
Bydd Llywodraeth Cymru yn dechrau cyn bo hir ar y broses o recriwtio aelodau ar gyfer y Prif Weithredwr newydd. Bydd hyn yn caniatáu i drefniadau llywodraethu gael eu sefydlu cyn i'r sefydliad newydd ddechrau ar ei waith yng nghyfarfod cyntaf y Bwrdd. Disgwylir mai ar ddechrau Chwefror 2018 y bydd hynny.
Disgrifiad o'r swydd
Dyma gyfle gwych i ddefnyddio'ch sgiliau a'ch profiad i helpu i greu dull strategol o ddatblygu gweithlu iechyd Cymru yn awr ac yn y dyfodol gan feithrin ymagwedd amlddisgyblaethol at ein gwasanaeth iechyd.
Bydd y Bwrdd yn gyfrifol am sicrhau bod cyfeiriad strategol AaGIC yn canolbwyntio ar nodau llesiant Cymru, ac felly dylai allu rhoi tystiolaeth am yr egwyddorion ar y cyd ac yn unigol. Disgwylir i'r Bwrdd hefyd gadw at saith egwyddor bywyd cyhoeddus Nolan.
Rôl a chyfrifoldebau
Ar y cyd â'r Cadeirydd a'r Uwch Dîm Gweithredol, bydd Aelodau Annibynnol y Bwrdd yn gyfrifol am:
• sefydlu a bwrw ymlaen â nodau ac amcanion strategol AaGIC yn gyson â'i diben cyffredinol ac o fewn y fframwaith polisi ac adnoddau a bennwyd gan Ysgrifennydd y Cabinet dros Iechyd, Llesiant a Chwaraeon;
• sicrhau bod Ysgrifennydd y Cabinet dros Iechyd, Llesiant a Chwaraeon yn cael gwybod am unrhyw newidiadau sy'n debygol o effeithio ar gyfeiriad strategol AaGIC neu ar gyflawni ei thargedau, ac am y camau y mae eu hangen i ddelio â newidiadau o'r fath;
• sicrhau cydymffurfiad ag unrhyw ofynion statudol neu weinyddol mewn perthynas â defnyddio arian cyhoeddus; ei bod yn gweithredu o fewn terfynau ei hawdurdod statudol ac unrhyw awdurdod dirprwyedig y cytunir ag ef â Llywodraeth Cymru, ac yn unol ag unrhyw amodau eraill sy'n ymwneud ag arian cyhoeddus; a'i bod, wrth wneud penderfyniadau, yn cymryd i ystyriaeth canllawiau a gyhoeddir gan Lywodraeth Cymru;
• sicrhau ei bod yn cael, yn adolygu, ac yn craffu'n rheolaidd ar effeithiolrwydd ac effeithlonrwydd yr wybodaeth ariannol ac ansawdd gweithredu yn AaGIC; ei bod yn cael gwybod yn amserol am unrhyw bryderon am weithgareddau AaGIC; a'i bod, lle bo'n gymwys, yn rhoi sicrwydd cadarnhaol i Ysgrifennydd y Cabinet dros Iechyd, Llesiant a Chwaraeon trwy'r Grŵp Iechyd a Gwasanaethau Cymdeithasol bod camau unioni priodol wedi'u cymryd i fynd i'r afael ag unrhyw bryderon o'r fath;
• dangos safonau uchel o lywodraethu corfforaethol bob amser, gan gynnwys trwy helpu Pwyllgorau priodol i helpu'r Bwrdd i dderbyn sicrwydd ac i fynd i'r afael â risgiau ariannol a risgiau eraill;
• sicrhau diwylliant cadarnhaol a hyrwyddo gwerthoedd a safonau ymddygiad i'r sefydliad a'r staff;
• penodi'r Prif Swyddog Gweithredol i'r sefydliad;
• penodi'r Aelodau Gweithredol i'r Bwrdd.
Sgiliau yn y Gymraeg
Manyleb y person
Er mwyn cael eich ystyried, rhaid i chi allu dangos bod gennych brofiad o un o'r meysydd canlynol o leiaf;
• Profiad o'r sector
• Arweinyddiaeth strategol
• Llywodraethiant
• Busnes /cynllunio strategol
• Cyllid/cyfrifyddu
• Dysgu/addysg
• Adnoddau dynol/cynllunio'r gweithlu
• Gwaith gwella
• Cyfathrebu/marchnata
Yn ogystal dylai fod gennych:
• Ddealltwriaeth o'r materion a'r blaenoriaethau a fydd yn bwysig i Addysg a Gwella Iechyd Cymru a'r gallu i ddeall rôl a gwaith Byrddau;
• Y gallu i ddwyn eraill i gyfrif am berfformiad, gan gynnal perthynas adeiladol ar yr un pryd;
• Y gallu i feddwl yn strategol ac i arfer barn gadarn ar faterion cymhleth a sensitif;
• Y gallu i ddadansoddi a dehongli gwybodaeth fanwl, er enghraifft, gynigion polisi manwl neu wybodaeth ystadegol.
• Y gallu i ddangos dealltwriaeth gadarn o Werthoedd Gwasanaeth Cyhoeddus Cymru'n Un ac ymrwymiad iddynt
• Sgiliau cyfathrebu da a'r gallu i weithio mewn partneriaeth â staff, cynrychiolwyr staff a rhanddeiliaid.
Os oes gennych ddiddordeb yn y rôl lle mae'r Gymraeg yn hanfodol, dylech allu deall a chyfrannu at sgyrsiau Cymraeg.
Y Meini Prawf sy'n Ddymunol:
Y Gymraeg ac amrywiaeth
Nid oes rhaid i aelodau Bwrdd AaGIC allu gwneud y canlynol, ond byddai'n ddefnyddiol pe gallent:
• siarad Cymraeg;
• dangos ymwybyddiaeth o broffil y Gymraeg yng Nghymru a phwysigrwydd cryfhau'r ddarpariaeth o wasanaethau dwyieithog yn y GIG yng Nghymru;
• gafael cadarn ar faterion amrywiaeth a chynhwysiant.
Dyddiadau cyfweliadau
Dyddiad cau
Gwybodaeth ychwanegol
I gael rhagor o wybodaeth am y broses ddethol, cysylltwch â:
Y Ganolfan Cydwasanaethau Corfforaethol
Ffôn: 029 2082 5454
E-bost: DesgGymorthCydwasanaethau@cymru.gsi.gov.uk
I gael rhagor o wybodaeth am rôl AaGIC a rôl yr Aelodau Annibynnol, cysylltwch â David Pritchard, Cyfarwyddwr Rhaglen AaGIC, Llywodraeth Cymru
Ffôn: 0300 025 0172
E-bost: heiw@wales.gsi.gov.uk
Os oes angen rhagor o gymorth arnoch i wneud cais am y swydd hon, cysylltwch â Desg Gymorth Canolfan Cydwasanaethau Corfforaethol Llywodraeth Cymru ar 029 2082 5454 neu anfonwch e-bost i DesgGymorthCydwasanaethau@cymru.gsi.gov.uk
I gael rhagor o wybodaeth am Benodiadau Cyhoeddus yng Nghymru, ewch i www.llyw.cymru/penodiadaucyhoeddus
Sut i wneud cais
I wneud cais am y swydd hon, cliciwch ar y botwm ‘Gwneud cais’ isod. Y tro gyntaf i chi wneud cais am swydd, fe fydd angen i chi lenwi ffurflen gofrestru ar gyfer system ceisiadau ar-lein Llywodraeth Cymru. Dim ond unwaith sydd angen i chi gofrestru, a thrwy wneud hynny, byddwch yn gallu dilyn hynt eich cais, ac unrhyw geisiadau eraill rydych yn eu hanfon, trwy eich cyfrif.
Unwaith i chi gofrestru, fe fyddwch yn gallu cael mynediad at y ffurflen gais. I wneud cais, fe fydd angen i chi gyflwyno dwy ddogfen ategol, sef dogfen sy’n amlinellu sut mae’ch gwybodaeth, sgiliau a’ch profiad yn bodloni gofynion y rôl, sydd wedi’u nodi yn y wybodaeth i ymgeiswyr. Ni ddylai’r ddogfen hon fod yn fwy na dwy dudalen A4. Mae’n bosib caiff eich cais ei wrthod os ydych chi’n mynd dros y terfyn hwn. Yr ail ddogfen fydd angen i chi ei gyflwyno yw CV llawn, cyfredol. Dylech lanlwytho’r ddwy ddogfen ar y dudalen ‘Rhesymau dros ymgeisio’ yn y ffurflen gais ar-lein.
Yn eich cais, fe fydd hefyd angen i chi ddarparu manylion unrhyw weithgareddau sydd wedi eich sydd wedi eich cynorthwyo i ddatblygu sgiliau fyddai’n ddefnyddiol mewn penodiad cyhoeddus, a rhestri’r sefydliadau yr oeddech yn gweithredu ar eu rhan. Rydym hefyd angen gwybod am unrhyw weithgareddau gwleidyddol rydych wedi eu gwneud yn y 5 mlynedd ddiwethaf.
Byddwn yn argymell i chi gofrestru am gyfrif ac agor y ffurflen gais cyn gynted â phosib er mwyn i chi gael golwg dros strwythur y ffurflen gais, cyn i chi gychwyn paratoi eich tystiolaeth. Does dim rhaid i chi gwblhau’r ffurflen gais i gyd mewn un tro. Gallwch gadw’ch atebion, a mewngofnodi ac allgofnodi yn ôl yr angen, tan eich bod yn barod i anfon eich cais - i wneud hyn, dilynwch y cyfarwyddiadau yn y ffurflen gais.
I gwblhau cais yn y Gymraeg, gwnewch yn siŵr eich bod yn pwyso ‘Gwneud cais’ isod ar y dudalen hon (yn hytrach na phwyso ‘Apply’ ar y dudalen Saesneg).
Os oes angen rhagor o gymorth arnoch chi i wneud cais am y rôl hon, cysylltwch â Desg Gymorth Canolfan Cydwasanaethau Corfforaethol Llywodraeth Cymru ar 029 2082 5454 neu drwy anfon e-bost i DesgGymorthCydwasanaethau@cymru.gsi.gov.uk
Am ragor o wybodaeth ynghylch Penodiadau Cyhoeddus yng Nghymru, ewch i www.llyw.cymru/penodiadaucyhoeddus
Mae'r swydd hon ar gau i ymgeiswyr.