Swydd Wag -- Aelod o'r Bwrdd (Cymraeg hanfodol)

Chwaraeon Cymru yw'r sefydliad cenedlaethol sy'n gyfrifol am ddatblygu a hyrwyddo chwaraeon a ffyrdd egnïol o fyw.  Corff a Noddir gan Lywodraeth y Cynulliad yw Cyngor Chwaraeon Cymru, ac fe'i hariennir yn bennaf trwy gymorth grant oddi wrth Lywodraeth Cymru. Mae hefyd yn gyfrifol am ddosbarthu cyllid o'r Loteri Genedlaethol i chwaraeon yng Nghymru.

 

Sefydlwyd Chwaraeon Cymru ym 1972 drwy Siarter Frenhinol. Y pedwar amcan a nodwyd pan sefydlwyd Cyngor Chwaraeon Cymru (a adwaenir bellach fel Chwaraeon Cymru) yw :

 

• Cynyddu'r niferoedd sy'n cymryd rhan mewn chwaraeon a gweithgareddau hamdden egnïol;

• Codi safonau mewn perfformiad a rhagoriaeth;

• Gwella'r ddarpariaeth o ran cyfleusterau chwaraeon;

• Darparu gwybodaeth a chyngor technegol am chwaraeon, hamdden a ffyrdd egnïol o fyw.

 

I weld y Siarter Frenhinol, cliciwch yma:  www.sport.wales/media/128780/royal charter.doc

 

Mae Cyngor Chwaraeon Cymru yn berchen ar ddwy ganolfan genedlaethol;  Athrofa Chwaraeon Cymru yng Nghaerdydd a Chanolfan Genedlaethol Chwaraeon Dŵr Plas Menai yn y Gogledd. 

 

Mae blaenoriaethau gweithredol a thargedau perfformiad Chwaraeon Cymru yn seiliedig ar lythyr cylch gwaith blynyddol y Gweinidog Diwylliant, Twristiaeth a Chwaraeon ac maent yn ymateb iddo. Mae'r llythyr hwn yn amlinellu ei flaenoriaethau strategol, unrhyw bolisïau a chynlluniau gweithredol penodol, ynghyd â pholisïau a blaenoriaethau ehangach Llywodraeth Cymru.

 

Mae Chwaraeon Cymru yn cefnogi gweledigaeth Llywodraeth Cymru ar gyfer gwlad sy'n gorfforol egnïol ac sy'n cymryd rhan mewn chwaraeon, yn unol â'r strategaethau Dringo'n Uwch a Creu Cymru Egnïol.

 

Nod Chwaraeon Cymru yw gwella lefel y gyfranogaeth mewn chwaraeon ar lawr gwlad ond gan roi'r gefnogaeth y mae ei hangen hefyd ar athletwyr uchelgeisiol i gystadlu'n llwyddiannus ar lwyfan y byd.

Bwrdd Chwaraeon Cymru sy'n arwain ac yn llywodraethu Chwaraeon Cymru ac yn gwneud y gwaith pwysig o graffu ar holl fuddsoddiadau a gweithgareddau Chwaraeon Cymru. Y Bwrdd hefyd sy'n pennu amcanion y dyfodol.

 

Bydd Aelodau'r Bwrdd yn atebol yn unigol ac ar y cyd i Lywodraeth Cymru drwy'r Dirprwy Weinidog Diwylliant, Chwaraeon a Thwristiaeth.

Mae disgwyl i aelodau: 

• Ddeall a mynd ati i hyrwyddo manteision chwaraeon a gweithgarwch corfforol a'u manteision positif i gymdeithas amrywiol Cymru, yn unol â gweledigaeth Chwaraeon Cymru fel y corff sy'n cyflawni polisïau y Llywodraeth ar chwaraeon.
• Sicrhau bod Chwaraeon Cymru yn cael gwerth am arian ac yn cyfrannu yn y broses cynllunio corfforaethol, gan gynnwys cytuno ar gynlluniau cyllido blynyddol;
• Gweithredu mewn ffordd sy'n hyrwyddo safonau uchel mewn meysydd gan gynnwys gwarchod cyllid cyhoeddus; a gwerthfawrogi neu gael dealltwriaeth o bwysigrwydd cyfrifoldeb gorfforaethol a rheoli risg i sicrhau bod gweithgareddau Chwaraeon Cymru yn cael eu cynnal yn effeithiol ac effeithlon;
• Cymryd rhan wrth awgrymu aelodau y bwrdd a'r genhedlaeth nesaf o aelodau'r bwrdd;
• Gallu herio staff Chwaraeon Cymru yn effeithiol, i sicrhau eu bod yn bodloni eu hamcanion, eu nodau a'u targedau perfformiad;
• Holi cwestiynau, sgiliau gwrando da a'r gallu i ddeall sefyllfaoedd/adroddiadau cymhleth;
• Bod yn barod ac ymrwymo i fod yn bresennol yng nghyfarfodydd y Bwrdd a chymryd rhan ynddynt a gweithgareddau allweddol rhwng cyfarfodydd;
• Deall ac ymrwymo i swydd gyhoeddus, fel a ddiffinnir yn Saith Egwyddor Bywyd Cyhoeddus Nolan a nodir ar dudalen 9.  

 

 

 

 

Mae Llywodraeth Cymru yn cydnabod pwysigrwydd datblygu a chynyddu sgiliau dwyieithog o fewn apwyntiadau cyhoeddus, ac yn croesawu ceisiadau gan ymgeiswyr sy’n medru gweithio yn y Gymraeg a’r Saesneg.  Seiliwyd y rhestr isod o ofynion iaith y swydd ar asesiad gwrthrychol y corff sy'n recriwtio o’r sgiliau yn y Gymraeg sy’n angenrheidiol i ymgymryd â dyletswyddau’r swydd benodol hon.

Bwrdd Chwaraeon Cymru sy'n arwain ac yn llywodraethu Chwaraeon Cymru ac yn gwneud y gwaith pwysig o graffu ar holl fuddsoddiadau a gweithgareddau Chwaraeon Cymru. Y Bwrdd hefyd sy'n pennu amcanion y dyfodol. 

Bydd Aelodau'r Bwrdd yn atebol yn unigol ac ar y cyd i Lywodraeth Cymru drwy'r Dirprwy Weinidog Diwylliant, Chwaraeon a Thwristiaeth.
 

Mae disgwyl i aelodau:

• Ddeall a mynd ati i hyrwyddo manteision chwaraeon a gweithgarwch corfforol a'u manteision positif i gymdeithas amrywiol Cymru, yn unol â gweledigaeth Chwaraeon Cymru fel y corff sy'n cyflawni polisïau y Llywodraeth ar chwaraeon.
• Sicrhau bod Chwaraeon Cymru yn cael gwerth am arian ac yn cyfrannu yn y broses cynllunio corfforaethol, gan gynnwys cytuno ar gynlluniau cyllido blynyddol;
• Gweithredu mewn ffordd sy'n hyrwyddo safonau uchel mewn meysydd gan gynnwys gwarchod cyllid cyhoeddus; a gwerthfawrogi neu gael dealltwriaeth o bwysigrwydd cyfrifoldeb gorfforaethol a rheoli risg i sicrhau bod gweithgareddau Chwaraeon Cymru yn cael eu cynnal yn effeithiol ac effeithlon;
• Cymryd rhan wrth awgrymu aelodau y bwrdd a'r genhedlaeth nesaf o aelodau'r bwrdd;
• Gallu herio staff Chwaraeon Cymru yn effeithiol, i sicrhau eu bod yn bodloni eu hamcanion, eu nodau a'u targedau perfformiad;
• Holi cwestiynau, sgiliau gwrando da a'r gallu i ddeall sefyllfaoedd/adroddiadau cymhleth;
• Bod yn barod ac ymrwymo i fod yn bresennol yng nghyfarfodydd y Bwrdd a chymryd rhan ynddynt a gweithgareddau allweddol rhwng cyfarfodydd;
• Deall ac ymrwymo i swydd gyhoeddus, fel a ddiffinnir yn Saith Egwyddor Bywyd Cyhoeddus Nolan a nodir ar dudalen 9.  

22/05/19 16:00

Am ragor o wybodaeth am rôl Chwaraeon Cymru a rôl ei Aelodau, cysylltwch â Pippa Britton (is-gadeirydd) e-bost  pippa.britton@sport.wales

 Os oes angen rhagor o gymorth arnoch i wneud cais am y rôl hon, cysylltwch â'r Uned Penodiadau Cyhoeddus - penodiadaucyhoeddus@llyw.cymru

I wneud cais am y swydd hon, cliciwch ar y botwm ‘Gwneud cais’ isod. Y tro gyntaf i chi wneud cais am swydd, fe fydd angen i chi lenwi ffurflen gofrestru ar gyfer system ceisiadau ar-lein Llywodraeth Cymru.  Dim ond unwaith sydd angen i chi gofrestru, a thrwy wneud hynny, byddwch yn gallu dilyn hynt eich cais, ac unrhyw geisiadau eraill rydych yn eu hanfon, trwy eich cyfrif.

Unwaith i chi gofrestru, fe fyddwch yn gallu cael mynediad at y ffurflen gais.  I wneud cais, fe fydd angen i chi gyflwyno dwy ddogfen ategol, sef dogfen sy’n amlinellu sut mae’ch gwybodaeth, sgiliau a’ch profiad yn bodloni gofynion y rôl, sydd wedi’u nodi yn y wybodaeth i ymgeiswyr.  Ni ddylai’r ddogfen hon fod yn fwy na dwy dudalen A4.  Mae’n bosib caiff eich cais ei wrthod os ydych chi’n mynd dros y terfyn hwn.  Yr ail ddogfen fydd angen i chi ei gyflwyno yw CV llawn, cyfredol.  Dylech lanlwytho’r ddwy ddogfen ar y dudalen ‘Rhesymau dros ymgeisio’ yn y ffurflen gais ar-lein.

Yn eich cais, fe fydd hefyd angen i chi ddarparu manylion unrhyw weithgareddau sydd wedi eich  sydd wedi eich cynorthwyo i ddatblygu sgiliau fyddai’n ddefnyddiol mewn penodiad cyhoeddus, a rhestri’r sefydliadau yr oeddech yn gweithredu ar eu rhan.  Rydym hefyd angen gwybod am unrhyw weithgareddau gwleidyddol rydych wedi eu gwneud yn y 5 mlynedd ddiwethaf. 

Byddwn yn argymell i chi gofrestru am gyfrif ac agor y ffurflen gais cyn gynted â phosib er mwyn i chi gael golwg dros strwythur y ffurflen gais, cyn i chi gychwyn paratoi eich tystiolaeth.  Does dim rhaid i chi gwblhau’r ffurflen gais i gyd mewn un tro.  Gallwch gadw’ch atebion, a mewngofnodi ac allgofnodi yn ôl yr angen, tan eich bod yn barod i anfon eich cais - i wneud hyn, dilynwch y cyfarwyddiadau yn y ffurflen gais.

I gwblhau cais yn y Gymraeg, gwnewch yn siŵr eich bod yn pwyso ‘Gwneud cais’ isod ar y dudalen hon (yn hytrach na phwyso ‘Apply’ ar y dudalen Saesneg).

Os oes angen rhagor o gymorth arnoch chi i wneud cais am y rôl hon, cysylltwch â  Tĩm Penodiadau Cyhoeddus, Llywodraeth Cymru ar e-bost i PenodiadauCyhoeddus@llyw.cymru.

Am ragor o wybodaeth ynghylch Penodiadau Cyhoeddus yng Nghymru, ewch i www.llyw.cymru/penodiadaucyhoeddus