Cofrestru am system e-recriwtio Llywodraeth Cymru

Diogelu a Phreifatrwydd Data

Mae Llywodraeth Cymru wedi ymrwymo i barchu eich preifatrwydd.   Bydd unrhyw wybodaeth rydych yn ei ddarparu mewn perthynas â'ch cais yn cael eu prosesu yn unol â deddfwriaeth Diogelu Data.  

Rydym yn cymeryd ein hymrwymiadau o dan ddeddfwriaeth diogelu data o ddifrif: mae'r rhain yn ei gwneud yn ofynnol inni egluro sut y gellid defnyddio'r data rydych yn eu darparu i ni fel rhan o'r broses ymgeisio ac unrhyw ddata personol arall a allai gael eu creu mewn cysylltiad â'ch cais.  Bydd unrhyw ddata amdanoch yn cael eu cadw yn ddiogel, gyda mynediad iddynt wedi'i gyfyngu i'r rhai hynny sydd eu hangen mewn cysylltiad â delio â'ch cais a'ch dethol (sef y rhai sy'n rhan o swyddogaethau'r broses ddethol, recriwtio a  chyflogi).  Gellir defnyddio data hefyd at ddibenion monitro effeithiolrwydd y broses ddethol, ond o dan yr amgylchiadau hyn, byddai pob data yn ddi-enw.  Bydd y data personol sy'n gysylltiedig â'ch cais yn cael eu cadw yn ddiogel am hyd at dair blynedd os byddwch yn aflwyddiannus.  Os cewch eich apwyntio i swydd, caiff y data eu trosglwyddo i'ch cofnod gwaith gyda Llywodraeth Cymru.  Ni fydd yn bosibl inni brosesu eich cais os na chawn ddefnyddio eich data personol yn y ffyrdd a ddisgrifir uchod.

Mae dolen i Hysbysiad Preifatrwydd Llywodraeth Cymru ar gyfer ymgeiswyr allanol i'w gael yma (dolen).  

Mae dolen i Hysbysiad Preifatrwydd Adnoddau Dynol ar gyfer ymgeiswyr mewnol i'w gael yma (dolen).

Trwy ddewis cofrestru, rydych yn cytuno i'ch data personol gael eu defnyddio fel a nodir uchod.