Swydd Wag -- Penodi Aelodau i'r Bwrdd - Academi Genedlaethol Arweinyddiaeth Addysgol

Bydd yr Academi Genedlaethol yn gyfrifol am oruchwylio strategol ac am gyfeirio'r hyfforddiant arweinyddiaeth er mwyn diwallu anghenion y system addysg yng Nghymru.

 

Un o'i nodweddion allweddol fydd ei rôl yn sicrhau tegwch o ran  mynediad at gyfleoedd datblygu arweinyddiaeth o safon uchel. Caiff hyn ei sicrhau drwy gefnogi ystod o ddarpariaethau ar gyfer holl lefelau arweinyddiaeth addysg a chomisiynu darpariaeth pan fydd bylchau. 

 

Bydd yr Academi Genedlaethol hefyd yn gyfrifol am ddatblygu a chyflwyno model sicrwydd ansawdd ar gyfer hyfforddiant arweinyddiaeth, datblygu arweinyddiaeth systemau ar draws maes addysg, cyfrannu at gynlluniau arweinyddiaeth y gweithlu strategol, a gweithredu fel dolen gyswllt a chanolbwynt ar gyfer meddwl am bolisïau, casglu tystiolaeth a lledaenu ymchwil o ran arweinyddiaeth addysgol.

 

Bydd yr Academi Genedlaethol yn Gwmni Cyfyngedig drwy Warant. Bydd hyn yn sicrhau ymdeimlad o berchnogaeth ar yr Academi yn y sector a bydd yn cynnwys grŵp a fydd yn cynrychioli'r rhanddeiliaid.

¨  Bydd swyddogaethau craidd yr Academi'n cynnwys:

¨  sicrhau cyflenwad da o raglenni a darpariaeth i feithrin sgiliau a gallu arweinwyr;

¨  comisiynu darpariaeth i lenwi bylchau a sicrhau mynediad eang at ddarpariaeth sy'n helpu i ddatblygu darpar arweinwyr ac arweinwyr presennol
   gan gynnwys mentora a hyfforddi;

¨  sicrhau ansawdd y ddarpariaeth drwy broses gymeradwyo;

¨  comisiynu, defnyddio a rhannu ymchwil i sicrhau bod yr arfer gorau yn genedlaethol ac yn rhyngwladol yn cael ei ledaenu;

¨  cynnig cymorth a chyngor ynghylch llwybrau ar gyfer gyrfeydd mewn arweinyddiaeth a

¨  bod ar gael ar-lein i greu cymuned o gydweithwyr ac i gynnig gwybodaeth a chyngor. 

Bydd disgwyl 'r Bwrdd herio, cefnogi, dod â phersbectif allanol a thynnu ar brofiad. Y nod yw cael Bwrdd sy'n cwmpasu amrywiaeth eang o sgiliau perthnasol a phrofiadau bywyd fel y gall ffurfio barn ar faterion, gan ysgogi gwelliant parhaus o fewn y sefydliad er lles ei gwsmeriaid a chymdeithas yn ehangach.

Felly, rydym yn chwilio am Fwrdd sy'n seiliedig ar sgiliau ac mae rhestr o arbenigeddau penodol sydd eu hangen ar gael isod. Bydd angen i Aelodau'r Bwrdd ddarparu cefnogaeth ac arbenigedd i sefydliad newydd, gan roi cyfeiriad a phwrpas clir iddo.  Bydd angen iddynt fod ag amgyffrediad da o rôl, cylch gwaith a chwmpas posibl yr Academi Genedlaethol a'i swyddogaeth bwysig yn y gwaith o ddiwygio addysg yng Nghymru.

Disgwylir y bydd holl aelodau'r bwrdd yn:

1. Rhoi cyfeiriad ac arweinyddiaeth strategol, gan hyrwyddo perfformiad uchel a dwyn yr Academi Genedlaethol i gyfrif yng ngoleuni ei chynlluniau strategol a chorfforaethol.
2. Sicrhau priodoldeb, rheoleidd-dra, darbodusrwydd, effeithlonrwydd ac effeithiolrwydd yng ngwaith y corff ac y dilynir 7 egwyddor bywyd cyhoeddus (egwyddorion Nolan).
3. Sicrhau, ynghyd ag aelodau eraill y Bwrdd, bod yr Academi Genedlaethol yn cyflawni ei nodau a'i hamcanion a'i chefnogi i wneud hynny.
4. Gweithredu fel hyrwyddwr i’r sefydliad, a'i nodau a'i amcanion. Bod yn fodel i staff a rhanddeiliaid ei efelychu.
5. Cydweithio i feithrin cydberthnasau â'r holl randdeiliaid ac i sicrhau bod llais y rhanddeiliaid i'w glywed yn glir yn systemau'r Academi Genedlaethol.
   
   

Rôl a Chyfrifoldebau

Bydd y rhain yn cynnwys:

• Cefnogi datblygiad yr Academi Genedlaethol yn y dyddiau cynnar, gan gynnwys cymryd rhan yn y gwaith o gymeradwyo hyfforddiant
• Craffu ar berfformiad a'i fonitro yn erbyn cynlluniau busnes strategol a chorfforaethol
• Darparu gwasanaeth craffu a llywodraethiant effeithiol yn unol ag arfer gorau
• Cynrychioli'r Academi Genedlaethol yn allanol a meithrin cysylltiadau gwaith clòs â rhanddeiliaid allweddol, gan gynnwys y grŵp cynrychiolwyr rhanddeiliaid.

Ceisio creu cysylltiadau â rhannau eraill o'r system addysg, gan sicrhau bod yr Academi Genedlaethol yn datblygu ar y cyd â diwygiadau addysgol

Mae Llywodraeth Cymru yn cydnabod pwysigrwydd datblygu a chynyddu sgiliau dwyieithog o fewn apwyntiadau cyhoeddus, ac yn croesawu ceisiadau gan ymgeiswyr sy’n medru gweithio yn y Gymraeg a’r Saesneg.  Seiliwyd y rhestr isod o ofynion iaith y swydd ar asesiad gwrthrychol y corff sy'n recriwtio o’r sgiliau yn y Gymraeg sy’n angenrheidiol i ymgymryd â dyletswyddau’r swydd benodol hon.

Bydd angen i bob ymgeisydd ddangos eu bod yn meddu ar y canlynol:

• Sgiliau dadansoddi ardderchog a gallu deallusol, ynghyd â'r gallu i wneud penderfyniadau ac i gyfrannu'n effeithiol at farn ynghylch materion strategol ac ymarferol;

     

• Sgiliau cyfathrebu gwych a'r gallu i gynrychioli Academi Genedlaethol Arweinyddiaeth Addysgol yn gyhoeddus ac i ymgysylltu â rhanddeiliaid allweddol;

 

• Y gallu i gynnig syniadau newydd i drafodaethau ac i sicrhau ar yr un pryd bod yr Academi Genedlaethol yn glynu at ei nodau  a bod ganddi drefniadau llywodraethiant effeithiol;

 

• Ymrwymiad i hyrwyddo amrywiaeth

 

 

Rydym yn chwilio'n arbennig am ymgeiswyr sydd â gwybodaeth a/neu brofiad yn un neu fwy o'r meysydd canlynol:

 

• Arbenigedd, profiad a chymwysterau ariannol

 

• Cefndir, profiad a chymwysterau cyfreithiol

 

• Arbenigedd mewn archwilio a/neu reoli risg

 

• Arbenigedd o ran y cyfryngau a chyfathrebu

 

• Profiad ymarferwr mewn unrhyw faes addysg perthnasol

 

• Gwybodaeth o TG a Thechnoleg a'i rôl mewn dysgu proffesiynol

 

• Arbenigedd mewn Adnoddau Dynol

 

• Y gallu i siarad Cymraeg

 

• Arbenigedd ar faterion cyfrwng Cymraeg

 

Os oes gennych arbenigedd yn un neu fwy o'r meysydd hyn, dangoswch hynny'n glir ar eich cais.

 

 

Y Gymraeg

 

Mae sgiliau yn y Gymraeg yn hanfodol ar gyfer o leiaf un Aelod Bwrdd ac yn ddymunol ar gyfer y gweddill.

 

Sgiliau a phrofiad - dymunol

 

• Dealltwriaeth o gyd-destun y sector cyhoeddus, ac ymrwymiad i egwyddorion bywyd cyhoeddus
• Dealltwriaeth o ddiwylliant a threftadaeth Cymru ac ymrwymiad i sicrhau eu bod, ynghyd â'i hiaith, yn cael eu hadlewyrchu o fewn systemau'r corff

Cymhwysedd

 

Nid ydych yn gymwys ar gyfer y swydd hon os ydych:

 

1) wedi’ch  anghymhwyso rhag bod yn gyfarwyddwr cwmni
2) yn fethdalwr

Byddwn yn gwirio hyn gyda Thŷ'r Cwmnïau cyn cadarnhau unrhyw benodiadau er mwyn sicrhau eich bod yn gymwys, a bydd yn ofynnol i chi gael eich fetio i lefel Cliriad Diogelwch.

 

Gwrthdaro o ran buddiannau

Gofynnir i chi ddatgan unrhyw fuddiannau preifat a allai wrthdaro, neu roi argraff o wrthdaro â rôl a chyfrifoldebau Aelod o Fwrdd Academi Genedlaethol Arweinyddiaeth Addysgol, gan gynnwys unrhyw fuddiannau busnes a swyddi o awdurdod y tu allan i'r rôl yn yr Academi Genedlaethol.

 

Trafodir unrhyw wrthdaro buddiannau yn y cyfweliad. Os cewch eich penodi, bydd hefyd yn ofynnol i chi ddatgan y buddiannau hyn ar gofrestr sydd ar gael i'r cyhoedd.

 

Safonau mewn Bywyd Cyhoeddus

Bydd disgwyl i chi ddangos safonau uchel o ran ymddygiad corfforaethol a phersonol. Gofynnir i bob ymgeisydd llwyddiannus danysgrifio i'r Cod Ymddygiad ar gyfer Aelodau o Fyrddau Cyrff Cyhoeddus, ac mae'r ddogfen hon ar gael yma:

 

http://www.bl.uk/aboutus/governance/blboard/Board%20Code%20of%20Practice%202011.pdf

11/02/18 16:00

I wneud cais am y swydd hon, cliciwch ar y botwm ‘Gwneud cais’ isod. Y tro gyntaf i chi wneud cais am swydd, fe fydd angen i chi lenwi ffurflen gofrestru ar gyfer system ceisiadau ar-lein Llywodraeth Cymru.  Dim ond unwaith sydd angen i chi gofrestru, a thrwy wneud hynny, byddwch yn gallu dilyn hynt eich cais, ac unrhyw geisiadau eraill rydych yn eu hanfon, trwy eich cyfrif.

Unwaith i chi gofrestru, fe fyddwch yn gallu cael mynediad at y ffurflen gais.  I wneud cais, fe fydd angen i chi gyflwyno dwy ddogfen ategol, sef dogfen sy’n amlinellu sut mae’ch gwybodaeth, sgiliau a’ch profiad yn bodloni gofynion y rôl, sydd wedi’u nodi yn y wybodaeth i ymgeiswyr.  Ni ddylai’r ddogfen hon fod yn fwy na dwy dudalen A4.  Mae’n bosib caiff eich cais ei wrthod os ydych chi’n mynd dros y terfyn hwn.  Yr ail ddogfen fydd angen i chi ei gyflwyno yw CV llawn, cyfredol.  Dylech lanlwytho’r ddwy ddogfen ar y dudalen ‘Rhesymau dros ymgeisio’ yn y ffurflen gais ar-lein.

Yn eich cais, fe fydd hefyd angen i chi ddarparu manylion unrhyw weithgareddau sydd wedi eich  sydd wedi eich cynorthwyo i ddatblygu sgiliau fyddai’n ddefnyddiol mewn penodiad cyhoeddus, a rhestri’r sefydliadau yr oeddech yn gweithredu ar eu rhan.  Rydym hefyd angen gwybod am unrhyw weithgareddau gwleidyddol rydych wedi eu gwneud yn y 5 mlynedd ddiwethaf. 

Byddwn yn argymell i chi gofrestru am gyfrif ac agor y ffurflen gais cyn gynted â phosib er mwyn i chi gael golwg dros strwythur y ffurflen gais, cyn i chi gychwyn paratoi eich tystiolaeth.  Does dim rhaid i chi gwblhau’r ffurflen gais i gyd mewn un tro.  Gallwch gadw’ch atebion, a mewngofnodi ac allgofnodi yn ôl yr angen, tan eich bod yn barod i anfon eich cais - i wneud hyn, dilynwch y cyfarwyddiadau yn y ffurflen gais.

I gwblhau cais yn y Gymraeg, gwnewch yn siŵr eich bod yn pwyso ‘Gwneud cais’ isod ar y dudalen hon (yn hytrach na phwyso ‘Apply’ ar y dudalen Saesneg).

Os oes angen rhagor o gymorth arnoch chi i wneud cais am y rôl hon, cysylltwch â Desg Gymorth Canolfan Cydwasanaethau Corfforaethol Llywodraeth Cymru ar 03000 255454 neu drwy anfon e-bost i DesgGymorthCydwasanaethau@llyw.cymru.

Am ragor o wybodaeth ynghylch Penodiadau Cyhoeddus yng Nghymru, ewch i www.llyw.cymru/penodiadaucyhoeddus