Swydd Wag -- ~~OPPORTUNITY_TITLE_6ADDFEA1-CE61-4551-A559-9C7DCE6031F7~~

Cefndir:  

Mae'r Gwasanaeth Cynghori a Chynorthwyo Llys i Blant a Theuluoedd (Cafcass Cymru) yn un o isadrannau’r Gyfarwyddiaeth Iechyd a Gwasanaethau Cymdeithasol yn Llywodraeth Cymru.  Cafcass Cymru sy'n gyfrifol am ddiogelu a hyrwyddo llesiant plant sy'n rhan o achosion Llys Teulu.

Diben y Swydd:  

Darparu arweiniad strategol a gweithredol effeithiol i'r gwasanaethau a ddarperir gan y sefydliad o fewn ardal ddaearyddol ddynodedig yng Nghymru.  Rheoli Rheolwyr Ymarfer y sefydliad yn ei ardal ddaearyddol ddynodedig. Rheoli'r defnydd effeithiol o adnoddau a bod yn gyfrifol amdano a sicrhau y caiff yr holl gyfrifoldebau rheoli eu cyflawni yn unol â blaenoriaethau gweithredol a strategol y sefydliad ac o fewn llinellau atebolrwydd priodol. Datblygu cysylltiadau strategol a gweithredol cryf yn yr ardal ddaearyddol ddynodedig â rhanddeiliaid allweddol a sefydliadau partner.

• Cymryd yr awenau a bod yn gyfrifol am arwain perfformiad, ansawdd ac amseroldeb cyffredinol pob agwedd ar y gwasanaethau gweithredol a ddarperir mewn rhanbarth daearyddol dynodedig.
• Arwain y gwaith o sicrhau bod trefniadau effeithiol ar waith ar gyfer diogelu plant ac oedolion sy'n agored i niwed sy'n rhan o Achosion Teuluol.
• Bod yn gyfrifol am reoli ac arwain Rheolwyr Ymarfer yn yr ardal ddaearyddol ddynodedig, gan gynnwys darparu trefniadau cyflenwi ar gyfer Penaethiaid Gweithrediadau eraill yn ôl yr angen.
• Bod yn gyfrifol am arwain y gwaith o ddarparu gwasanaethau gweithredol er mwyn diwallu anghenion plant a theuluoedd sy'n rhan o Achosion Teuluol yn effeithiol ac amserol.
• Arwain y gwaith o sicrhau y caiff adnoddau, cyllidebau a staff yn yr ardal ddaearyddol ddynodedig eu rheoli'n effeithiol a datblygu camau unioni a'u rhoi ar waith os bydd angen.
• Arwain y gwaith o sicrhau y caiff trefniadau sicrhau perfformiad ac ansawdd cadarn eu rhoi ar waith yn yr ardal ddaearyddol ddynodedig a chyfrannu at ddatblygu a gwella trefniadau o'r fath.
• Sicrhau bod trefniadau cadarn ar waith ar gyfer atebolrwydd, cydymffurfiaeth a goruchwyliaeth rheolwyr o safon ac ansawdd ymarfer a darpariaeth gwasanaethau uniongyrchol yn yr ardal weithredol ddynodedig.
• Fel rhan o dîm Uwch-Arweinwyr y sefydliad, cyfrannu at ddatblygu, cydgysylltu ac adolygu polisïau gweithredol, cynlluniau strategol a gweithredol a datblygiadau mewn gwasanaethau.
• Yn yr ardal ddaearyddol ddynodedig, arwain y gwaith o sicrhau bod pob agwedd ar y gwasanaeth a phrosesau darparu gwasanaethau yn cydymffurfio â gofynion Iechyd a Diogelwch perthnasol.
• Sicrhau cydberthnasau gwaith ardderchog rhwng Cafcass Cymru a Chyfarwyddiaethau ac Isadrannau eraill yn Llywodraeth Cymru.
• Sicrhau cydberthnasau gwaith ardderchog a chysylltiadau strategol cryf yn yr ardal ddaearyddol ddynodedig rhwng Cafcass Cymru a rhanddeiliaid allweddol a sefydliadau partner.
• Darparu arweiniad strategol yn genedlaethol ac fel aelod o'r Tîm Uwch-Arweinwyr ar gyfer maes darparu gwasanaeth arbenigol a nodwyd, gan gynnwys cyflawni rôl arwain prosiect ar gyfer prosiectau penodol o bryd i'w gilydd. 
• Arwain y gwaith o roi cyngor, cymorth, gwybodaeth ac adroddiadau i'r Prif Weithredwr/Dirprwy Brif Weithredwr yn ôl y gofyn.
• Cynrychioli'r sefydliad ar lefel uwch-arweinydd yn ôl y gofyn.
• Dirprwyo i'r Dirprwy Brif Weithredwr yn y gofyn.

Mae'r swydd hon yn cynnig cyfleoedd sylweddol i chwarae rôl arweiniol yn y gwaith o ddatblygu a darparu gwasanaeth i Gymru gyfan, gan gynnwys cydgysylltu ag amrywiaeth o asiantaethau a sefydliadau.

21/02/23 16:00

Mae swyddi sy’n rhan o'r ymgyrch recriwtio hon yn agored ar y cyfan i wladolion y DU, y rhai sydd â'r hawl i aros a gweithio yn y DU a'r rhai sy'n bodloni Rheolau Cenedligrwydd y Gwasanaeth Sifil yn unig. Gwiriwch eich cymhwystra yma:

• Fisâu a Mewnfudo y DU - GOV.UK (Saesneg yn unig)
• Rheolau Cenedligrwydd – GOV.UK (Saesneg yn unig)

Cyn cael ei benodi, bydd yn ofynnol i bob ymgeisydd llwyddiannus gyflwyno dogfennau gwreiddiol, derbyniol fel rhan o'r gwiriadau cyn cyflogi. Os daw’n amlwg yn nes ymlaen yn y broses nad ydych chi’n gymwys i wneud cais, bydd eich cais neu’r cynnig yn cael ei dynnu’n ôl.

Mae Llywodraeth Cymru wedi ymrwymo i ddarparu gwasanaethau sy’n croesawu amrywiaeth ac sy’n hyrwyddo cyfle cyfartal. Mae hyn yn seiliedig ar Ddeddf Cydraddoldeb 2010 a bydd yn dilyn hyn ym mhob cam o’r broses recriwtio. Ein nod yw sicrhau bod yr ymrwymiadau hyn hefyd yn cael eu hymwreiddio yn ein harferion gwaith bob dydd gyda’n holl gwsmeriaid, cydweithwyr a phartneriaid.

Rydym wedi ymrwymo i fod yn sefydliad gwrth-hiliol a chynyddu amrywiaeth yn Llywodraeth Cymru, gan ddileu rhwystrau a chefnogi’n holl staff i gyflawni eu potensial. Rydym yn ymroi i recriwtio pobl Dduon, Asiaidd ac Ethnig Lleiafrifol a phobl anabl sydd heb gynrychiolaeth ddigonol yn Llywodraeth Cymru ar hyn o bryd.

Rydym yn croesawu ceisiadau gan bawb waeth beth fo’u hoedran, statws priodasol a phartneriaeth sifil (yn cynnwys yr un rhyw a’r rhyw arall), nam neu gyflwr iechyd, rhywedd, cyfeiriadedd rhywiol, beichiogrwydd a chyfnod mamolaeth, hil, crefydd neu gred, hunaniaeth o ran rhywedd neu fynegiant rhywedd.

Rydym yn Hyrwyddwr Amrywiaeth Stonewall, yn sefydliad Hyderus o Ran Anabledd Lefel 3 (Arweinydd). Mae pump Rhwydwaith Staff a noddir gan y Bwrdd yn allweddol i gefnogi’r gwaith hwn a darparu cefnogaeth i gymheiriaid (Ymwybyddiaeth a Chymorth Anabledd (DAAS); Rhwydwaith Staff o Leiafrifoedd Ethnig (MESN); Materion y Meddwl (Iechyd a lles meddyliol); PRISM (Pobl lesbiaidd, Hoyw, Deurywiol, Trawsryweddol, Rhyngrywiol +) a Menywod Ynghyd.

 

Mae’r swydd wag hon yn rhan o’r fenter Gweithle Gwych i Gyn-Aelodau’r Lluoedd Arfog. 

Mae Llywodraeth Cymru yn sefydliad dwyieithog, ac mae sgiliau Cymraeg yn gaffaeliad i ni.  Rydym yn annog ac yn cefnogi staff i ddysgu, datblygu a defnyddio’u sgiliau Cymraeg yn y gweithle.

 

Seiliwyd y rhestr isod o ofynion iaith y swydd ar asesiad gwrthrychol y rheolwr llinell ar ran Llywodraeth Cymru, o’r sgiliau yn y Gymraeg sy’n angenrheidiol i ymgymryd â dyletswyddau’r swydd benodol hon.

O fewn Llywodraeth Cymru, mae'r berthynas rhwng y cyflogwr a'r undebau llafur yn seiliedig ar bartneriaeth gymdeithasol. Rydyn ni'n credu mai’r ffordd orau o gyflawni ein nodau yw drwy sicrhau bod rheolwyr ac undebau llafur yn cydweithio.

Ein 3 undeb llafur cydnabyddedig yw:
•         PCS
•         Prospect
•         FDA

Mae cytundeb partneriaeth yn sail i'r berthynas hon. Mae'r cytundeb yn nodi sut y mae ein hundebau yn gweithio gyda Llywodraeth Cymru ar faterion fel:
•         cyflog
•         telerau ac amodau
•         polisïau a gweithdrefnau
•         newid sefydliadol

Mae ein cydweithwyr undebau llafur yn Llywodraeth Cymru yn cydweithio i roi cyfle i'w haelodau gael dweud eu dweud yn y gweithle. Maent yn sicrhau bod buddiannau eu haelodau yn cael eu hyrwyddo a'u diogelu. Maent hefyd yn helpu i leihau anghydraddoldebau a gwella telerau ac amodau.

Mae gan Lywodraeth Cymru hanes blaenorol rhagorol o weithio mewn partneriaeth gyda'i hundebau llafur. Rydyn ni'n annog staff i gymryd rhan. Rydyn ni'n eich cefnogi i ymuno ag undeb llafur cydnabyddedig, i sicrhau bod eich llais yn cael ei glywed yn y gweithle ac i ddysgu mwy am undebau llafur a gwaith partneriaeth.

• Oni nodir fel arall yn y darn 'cyflog cychwynnol gwirioneddol', bydd pob ymgeisydd yn dechrau ar isafswm y raddfa gyflog y penodir iddi (mae hwn yn cynnwys gweision sifil presennol). Does dim modd trafod hyn.
• Oni nodir fel arall yn 'math o gyfle', nid yw'r hysbyseb recriwtio hon ar agor ar sail Benthyciad neu Secondiad.
• Am ragor o wybodaeth am y meini prawf cymhwystra ac amodau a thelerau swyddi Benthyciad a Secondiad yn Llywodraeth Cymru, gweler canllawiau allanol yr ymgeiswyr recriwtio.
• Oni nodir fel arall yn 'Lleoliad y Swydd' dim ond yn y DU y gellir gweithio yn y rôl/rolau y recriwtir iddynt drwy’r ymgyrch hon, ac ni cheir gwneud hynny dramor.

Dylai pob cais ar gyfer y swydd hon gael ei gyflwyno ar-lein, gan ddefnyddio system ymgeisio ar-lein Llywodraeth Cymru.  Os oes gennych nam sy’n golygu nad ydych chi’n gallu cyflwyno cais ar-lein, e-bostiwch DesgGymorthCydwasanaethau@llyw.cymru i ofyn am becyn ymgeisio mewn fformat gwahanol, neu i ofyn am addasiad rhesymol yn gysylltiedig a nam, er mwyn cyflwyno’ch cais.

I gyflwyno cais, fe fydd angen i chi gofrestru am gyfrif. I wneud hyn, cliciwch ar y botwm ‘Gwneud cais’ isod.  Os oes gennych chi gyfrif yn barod, rhowch eich manylion mewngofnodi.  Os nad oes gennych chi gyfrif, pwyswch ‘Cofrestru’.  Dim ond ychydig funudau mae’n cymryd i lenwi’r ffurflen cofrestru, sydd angen cyfeiriad e-bost er mwyn ei chyflawni.  Unwaith i chi gofrestru a mewngofnodi, bydd y ffurflen gais yn agor ar y sgrin.  Mae angen i chi gwblhau’r ffurflen yn llwyr a’i hanfon erbyn yr amser terfyn ar y dyddiau cau. 

I gwblhau cais yn y Gymraeg, gwnewch yn siŵr eich bod yn pwyso ‘Gwneud cais’ isod ar y dudalen hon (yn hytrach na phwyso ‘Apply’ ar y dudalen Saesneg).

Am ragor o wybodaeth ynghylch proses recriwtio Llywodraeth Cymru, gwelwch y Canllaw Recriwtio i Ymgeiswyr Allanol (dolen).

Wrth ddarparu tystiolaeth o’ch addasrwydd ar gyfer y swydd, rydym yn argymell eich bod yn cyfeirio at Fframwaith Cymwyseddau’r Gwasanaeth Sifil (dolen).

Dylai unrhyw un sy’n credu ei fod wedi’i drin yn annheg, neu sydd â chwyn am sut y cynhaliwyd y broses naill ai ysgrifennu at y Pennaeth Adnoddau, Llywodraeth Cymru, Parc Cathays 2, Caerdydd CF10 3NQ neu e-bostio desggymorthcydwasanaethau@llyw.cymru. Os ydych chi’n anhapus â chanlyniad y gŵyn a godwyd gyda Llywodraeth Cymru ac yn teimlo nad yw egwyddorion penodi ar sail teilyngdod drwy gystadleuaeth deg ac agored wedi’u bodloni gallwch gyflwyno’ch cwyn i Gomisiwn y Gwasanaeth Sifil (Saesneg yn unig).