Swydd Wag -- Uwch-reolwr – Strategaeth, Polisi ac Ymgysylltu

Mae ‘Cymru gyfan’ yn golygu bod hyblygrwydd o ran ble gall y swydd gael ei lleoli. Mae hyn yn ddibynnol ar anghenion y busnes.   Nodwch, nid yw bob amser yn bosib i ganiatáu cais am leoliad swyddfa penodol, ond fe fyddwn yn ystyried pob cais.

AGIC yw’r arolygiaeth a rheoleiddiwr annibynnol ar gyfer gofal iechyd yng Nghymru. Rydym yn gwirio bod cleifion yn derbyn gofal iechyd o ansawdd da.

Bydd deiliad y swydd yn adrodd i'r Pennaeth Strategaeth, Polisi ac Ymgysylltu a bydd yn darparu cyngor a chymorth cyfathrebu integredig i AGIC. Bydd deiliad y swydd yn cynorthwyo'r Pennaeth Strategaeth, Polisi ac Ymgysylltu i gyflawni amcanion strategol a sicrhau bod datblygiadau polisi yn cael eu hystyried wrth gyflawni busnes AGIC. Bydd gwaith cyfathrebu yn cynnwys y cyfryngau, ymgysylltu â'r gymuned, ymgysylltiad digidol, cyfathrebu mewnol, a rheoli rhanddeiliaid.

• Gweithio gyda'r Pennaeth Strategaeth, Polisi ac Ymgysylltu i ddatblygu a gweithredu strategaeth gyfathrebu ac ymgysylltu, gan sicrhau bod pob sianel yn cydweithio i gyflawni amcanion cyfathrebu strategol AGIC, gan ystyried sianeli cyfathrebu newydd fel y bo angen.
• Gweithio gyda'r Pennaeth Strategaeth, Polisi ac Ymgysylltu i sicrhau bod yr holl ddatblygiadau deddfwriaethol a pholisi perthnasol yn cael eu defnyddio i lywio tôn a darpariaeth yr holl gyfathrebu strategol. Gweithio gyda'r Pennaeth Strategaeth, Polisi ac Ymgysylltu i ddrafftio cyfathrebu allweddol i hyrwyddo gwaith AGIC.
• Gweithio'n adeiladol gyda chydweithwyr a phartneriaid polisi i gaffael barn arbenigwyr.
• Llunio strategaethau ymgysylltu â rhanddeiliaid ar gyfer darnau allweddol o waith AGIC, gan sicrhau bod y rhain yn cael eu teilwra i'r gynulleidfa a nodau'r gwaith.
• Arwain ar y gwaith o gyflawni cysylltiadau rhagweithiol ac adweithiol â'r cyfryngau, gan gysylltu â swyddfa'r wasg a’r tîm cyfathrebu canolog yn Llywodraeth Cymru pan fo angen.
• Adolygu cynlluniau cyfathrebu a'r cyfryngau i sicrhau bod gweithgareddau AGIC yn cael eu hadrodd yn briodol ac yn fanwl gywir, gan gael yr hysbysrwydd mwyaf.
• Cyfrannu at welliannau yn y gwaith o lunio a chynllunio cyhoeddiadau AGIC.
• Darparu a hyrwyddo cynnwys ar gyfer sianeli cyfathrebu AGIC, gan sicrhau bod y tôn, iaith a ffurf gyfathrebu yn cael eu targedu'n effeithiol a bod y cynnwys yn hawdd ei gyrchu a'i ddarllen gan ystod o gynulleidfaoedd.
• Cynorthwyo gwaith monitro a gwerthuso cadarn i sicrhau bod gweithgareddau cyfathrebu yn cyfrannu'n uniongyrchol at amcanion strategol AGIC.
• Defnyddio canlyniadau adborth, profion/cynlluniau peilot a dangosyddion effeithiolrwydd i wella cyfathrebu ac ymgysylltu AGIC.
• Sicrhau bod gweithgareddau cyfathrebu AGIC wedi alinio â phartneriaid Arolygu Cymru lle bo'n berthnasol.
• Nodi tueddiadau sy'n dod i'r amlwg yn y cyfryngau digidol a chymdeithasol a chymhwyso'r wybodaeth hon wrth ddatblygu cynnwys a sianeli.
• Cynrychioli AGIC mewn digwyddiadau ymgysylltu fel sy'n briodol.

Bydd yr ymgeisydd llwyddiannus yn rhan o Wasanaeth Cyfathrebu'r Llywodraeth, ac yn cael cyfle i fanteisio ar amrywiaeth o gyfleoedd o ran gyrfa a chyfleoedd datblygu sydd ar gael i staff cyfathrebu ym mhob rhan o Lywodraeth Cymru a Llywodraeth y DU.

15/12/21 16:00

Mae swyddi sy’n rhan o'r ymgyrch recriwtio hon yn agored ar y cyfan i wladolion y DU, y rhai sydd â'r hawl i aros a gweithio yn y DU a'r rhai sy'n bodloni Rheolau Cenedligrwydd y Gwasanaeth Sifil yn unig. Gwiriwch eich cymhwystra yma:

• Fisâu a Mewnfudo y DU - GOV.UK (Saesneg yn unig)
• Rheolau Cenedligrwydd – GOV.UK (Saesneg yn unig)

Cyn cael ei benodi, bydd yn ofynnol i bob ymgeisydd llwyddiannus gyflwyno dogfennau gwreiddiol, derbyniol fel rhan o'r gwiriadau cyn cyflogi. Os daw’n amlwg yn nes ymlaen yn y broses nad ydych chi’n gymwys i wneud cais, bydd eich cais neu’r cynnig yn cael ei dynnu’n ôl.

Mae Llywodraeth Cymru wedi ymrwymo i ddarparu gwasanaethau sy’n croesawu amrywiaeth ac sy’n hyrwyddo cyfle cyfartal. Mae hyn yn seiliedig ar Ddeddf Cydraddoldeb 2010 a bydd yn dilyn hyn ym mhob cam o’r broses recriwtio. Ein nod yw sicrhau bod yr ymrwymiadau hyn hefyd yn cael eu hymwreiddio yn ein harferion gwaith bob dydd gyda’n holl gwsmeriaid, cydweithwyr a phartneriaid.

Rydym wedi ymrwymo i fod yn sefydliad gwrth-hiliol a chynyddu amrywiaeth yn Llywodraeth Cymru, gan ddileu rhwystrau a chefnogi’n holl staff i gyflawni eu potensial. Rydym yn ymroi i recriwtio pobl Dduon, Asiaidd ac Ethnig Lleiafrifol a phobl anabl sydd heb gynrychiolaeth ddigonol yn Llywodraeth Cymru ar hyn o bryd.

Rydym yn croesawu ceisiadau gan bawb waeth beth fo’u hoedran, statws priodasol a phartneriaeth sifil (yn cynnwys yr un rhyw a’r rhyw arall), nam neu gyflwr iechyd, rhywedd, cyfeiriadedd rhywiol, beichiogrwydd a chyfnod mamolaeth, hil, crefydd neu gred, hunaniaeth o ran rhywedd neu fynegiant rhywedd.

Rydym yn Hyrwyddwr Amrywiaeth Stonewall, yn sefydliad Hyderus o Ran Anabledd Lefel 3 (Arweinydd). Mae pump Rhwydwaith Staff a noddir gan y Bwrdd yn allweddol i gefnogi’r gwaith hwn a darparu cefnogaeth i gymheiriaid (Ymwybyddiaeth a Chymorth Anabledd (DAAS); Rhwydwaith Staff o Leiafrifoedd Ethnig (MESN); Materion y Meddwl (Iechyd a lles meddyliol); PRISM (Pobl lesbiaidd, Hoyw, Deurywiol, Trawsryweddol, Rhyngrywiol +) a Menywod Ynghyd.

 

Mae’r swydd wag hon yn rhan o’r fenter Gweithle Gwych i Gyn-Aelodau’r Lluoedd Arfog. 

Mae Llywodraeth Cymru yn sefydliad dwyieithog, ac mae sgiliau Cymraeg yn gaffaeliad i ni.  Rydym yn annog ac yn cefnogi staff i ddysgu, datblygu a defnyddio’u sgiliau Cymraeg yn y gweithle.

 

Seiliwyd y rhestr isod o ofynion iaith y swydd ar asesiad gwrthrychol y rheolwr llinell ar ran Llywodraeth Cymru, o’r sgiliau yn y Gymraeg sy’n angenrheidiol i ymgymryd â dyletswyddau’r swydd benodol hon.

O fewn Llywodraeth Cymru, mae'r berthynas rhwng y cyflogwr a'r undebau llafur yn seiliedig ar bartneriaeth gymdeithasol. Rydyn ni'n credu mai’r ffordd orau o gyflawni ein nodau yw drwy sicrhau bod rheolwyr ac undebau llafur yn cydweithio.

Ein 3 undeb llafur cydnabyddedig yw:
•         PCS
•         Prospect
•         FDA

Mae cytundeb partneriaeth yn sail i'r berthynas hon. Mae'r cytundeb yn nodi sut y mae ein hundebau yn gweithio gyda Llywodraeth Cymru ar faterion fel:
•         cyflog
•         telerau ac amodau
•         polisïau a gweithdrefnau
•         newid sefydliadol

Mae ein cydweithwyr undebau llafur yn Llywodraeth Cymru yn cydweithio i roi cyfle i'w haelodau gael dweud eu dweud yn y gweithle. Maent yn sicrhau bod buddiannau eu haelodau yn cael eu hyrwyddo a'u diogelu. Maent hefyd yn helpu i leihau anghydraddoldebau a gwella telerau ac amodau.

Mae gan Lywodraeth Cymru hanes blaenorol rhagorol o weithio mewn partneriaeth gyda'i hundebau llafur. Rydyn ni'n annog staff i gymryd rhan. Rydyn ni'n eich cefnogi i ymuno ag undeb llafur cydnabyddedig, i sicrhau bod eich llais yn cael ei glywed yn y gweithle ac i ddysgu mwy am undebau llafur a gwaith partneriaeth.

• Oni nodir fel arall yn y darn 'cyflog cychwynnol gwirioneddol', bydd pob ymgeisydd yn dechrau ar isafswm y raddfa gyflog y penodir iddi (mae hwn yn cynnwys gweision sifil presennol). Does dim modd trafod hyn.
• Oni nodir fel arall yn 'math o gyfle', nid yw'r hysbyseb recriwtio hon ar agor ar sail Benthyciad neu Secondiad.
• Am ragor o wybodaeth am y meini prawf cymhwystra ac amodau a thelerau swyddi Benthyciad a Secondiad yn Llywodraeth Cymru, gweler canllawiau allanol yr ymgeiswyr recriwtio.
• Oni nodir fel arall yn 'Lleoliad y Swydd' dim ond yn y DU y gellir gweithio yn y rôl/rolau y recriwtir iddynt drwy’r ymgyrch hon, ac ni cheir gwneud hynny dramor.

Dylai pob cais ar gyfer y swydd hon gael ei gyflwyno ar-lein, gan ddefnyddio system ymgeisio ar-lein Llywodraeth Cymru.  Os oes gennych nam sy’n golygu nad ydych chi’n gallu cyflwyno cais ar-lein, e-bostiwch DesgGymorthCydwasanaethau@llyw.cymru i ofyn am becyn ymgeisio mewn fformat gwahanol, neu i ofyn am addasiad rhesymol yn gysylltiedig a nam, er mwyn cyflwyno’ch cais.

I gyflwyno cais, fe fydd angen i chi gofrestru am gyfrif. I wneud hyn, cliciwch ar y botwm ‘Gwneud cais’ isod.  Os oes gennych chi gyfrif yn barod, rhowch eich manylion mewngofnodi.  Os nad oes gennych chi gyfrif, pwyswch ‘Cofrestru’.  Dim ond ychydig funudau mae’n cymryd i lenwi’r ffurflen cofrestru, sydd angen cyfeiriad e-bost er mwyn ei chyflawni.  Unwaith i chi gofrestru a mewngofnodi, bydd y ffurflen gais yn agor ar y sgrin.  Mae angen i chi gwblhau’r ffurflen yn llwyr a’i hanfon erbyn yr amser terfyn ar y dyddiau cau. 

I gwblhau cais yn y Gymraeg, gwnewch yn siŵr eich bod yn pwyso ‘Gwneud cais’ isod ar y dudalen hon (yn hytrach na phwyso ‘Apply’ ar y dudalen Saesneg).

Am ragor o wybodaeth ynghylch proses recriwtio Llywodraeth Cymru, gwelwch y Canllaw Recriwtio i Ymgeiswyr Allanol (dolen).

Wrth ddarparu tystiolaeth o’ch addasrwydd ar gyfer y swydd, rydym yn argymell eich bod yn cyfeirio at Fframwaith Cymwyseddau’r Gwasanaeth Sifil (dolen).

Dylai unrhyw un sy’n credu ei fod wedi’i drin yn annheg, neu sydd â chwyn am sut y cynhaliwyd y broses naill ai ysgrifennu at y Pennaeth Adnoddau, Llywodraeth Cymru, Parc Cathays 2, Caerdydd CF10 3NQ neu e-bostio desggymorthcydwasanaethau@llyw.cymru. Os ydych chi’n anhapus â chanlyniad y gŵyn a godwyd gyda Llywodraeth Cymru ac yn teimlo nad yw egwyddorion penodi ar sail teilyngdod drwy gystadleuaeth deg ac agored wedi’u bodloni gallwch gyflwyno’ch cwyn i Gomisiwn y Gwasanaeth Sifil (Saesneg yn unig).