Swydd Wag -- Uwch Ddadansoddwr Gwasanaeth TG
Gweithio i'r Gwasanaeth Sifil
Mae prosesau recriwtio Llywodraeth Cymru wedi’u seilio ar yr egwyddor o ddethol ar gyfer penodiad yn ôl teilyngdod ar sail cystadleuaeth deg ac agored fel yr amlinellir yn Egwyddorion Recriwtio Comisiwn y Gwasanaeth Sifil (Saesneg yn unig).
Mae Cod y Gwasanaeth Sifil (Saesneg yn unig) yn nodi'r safonau ymddygiad a ddisgwylir gan weision sifil.
Manylion y Swydd
Pwrpas y swydd
Mae'r proffesiwn Digidol, Data a Thechnoleg yn Llywodraeth Cymru yn cefnogi pob math o wasanaethau digidol ar draws y sefydliad cyfan. Fel rhan o'n proffesiwn Digidol, Data a Thechnoleg, byddwch yn rhan allweddol o'r Is-adran Dysgu Digidol ac yn gwneud cyfraniad sylweddol ac uniongyrchol i bobl Cymru.
Cefndir
Llywodraeth Cymru yw llywodraeth ddatganoledig Cymru sydd â chyllideb flynyddol o tua £15 biliwn. Rydym yn gyfrifol am agweddau allweddol ar fywyd cyhoeddus Cymru gan gynnwys iechyd, addysg, yr economi, trafnidiaeth, amaethyddiaeth a'r amgylchedd. Mae Gweinidogion Cymru yn cael eu cefnogi gan weithlu o 5,000 a mwy o weision sifil gyda swyddfeydd yng Nghymru, Llundain, a thramor.
Mae blaenoriaethau Llywodraeth Cymru yn cael eu hamlinellu yn Symud Cymru Ymlaen ac mae ganddi uchelgais gyffredinol i greu cenedl hunan-hyderus, ffyniannus, iach a chymdeithas sy'n deg i bawb. Mae Llywodraeth Cymru hefyd wedi amlinellu blaenoriaethau clir i Gymru ers i'r DU adael yr Undeb Ewropeaidd.
Rydym yn awyddus i ddenu pobl a all roi cymorth a chyngor rhagorol, sy'n gallu canolbwyntio adnoddau ac yn llawn egni ac arbenigedd. Mae Deddf Llesiant Cenedlaethau'r Dyfodol yn rhoi cyd-destun i'n gwaith.
Mae trawsnewid gwasanaethau cyhoeddus yn ddigidol yn hanfodol er mwyn darparu'r gwasanaethau y mae pobl Cymru yn eu disgwyl a'u hangen. Ar hyn o bryd mae Llywodraeth Cymru'n darparu llawer o wasanaethau digidol i bobl a busnesau ar hyd a lled y wlad. Dan arweiniad ein Prif Swyddog Digidol, mae Llywodraeth Cymru yn darparu mwy a mwy o wasanaethau ar-lein. Mae'r Prif Swyddog Digidol yn darparu gwasanaeth ymgynghori o arbenigedd digidol a data ar draws Llywodraeth Cymru.
Rôl
Rydym yn chwilio am Uwch Ddadansoddwr Gwasanaeth TG i ymuno â'n tîm a chwarae rhan allweddol yn y dasg o ddarparu profiad gwych i'n hystod amrywiol o 550k a mwy o ddefnyddwyr.
Byddwch yn monitro galwadau’r ddesg gwasanaeth, yn cefnogi dadansoddwyr y ddesg gwasanaeth i ddatrys gwasanaethau ac yn ymyrryd os bydd galwadau heriol.
Chi fydd yn ysgrifennu ac yn diweddaru'r sgript ar gyfer dadansoddwyr y ddesg gwasanaeth. Byddwch yn rheoli argaeledd dadansoddwyr y ddesg gwasanaeth, yn eu coetsio ac yn eu datblygu.
Byddwch yn sicrhau:
- bod digwyddiadau a gofnodwyd drwy randdeiliaid yn cael eu blaenoriaethu’n iawn ac yn cael sylw o fewn Cytundebau Lefel Gwasanaeth
- bod lefelau adnoddau yn cael eu rheoli'n briodol, gan ystyried amseroedd gwasanaeth brig
- bod Catalog y Gwasanaeth yn cael ei gynnal yn briodol
- bod cymorth yn cael ei ddarparu i'r timau technegol ehangach
Prif dasgau
- Rheoli swyddogaethau gwasanaeth cwsmeriaid, gan gynnwys ymateb i adroddiadau am broblemau, gwybodaeth a cheisiadau am fynediad.
- Defnyddio canlyniadau dulliau o fesur boddhad cwsmeriaid er mwyn gwella gwasanaethau a sicrhau cydberthnasau llwyddiannus â chwsmeriaid.
- Cymryd cyfrifoldeb llwyr am broblemau a mynd ati i ddatrys problemau technegol, gan sicrhau bod y datrysiadau yn parhau i gyflawni'r gofynion busnes.
- Atebolrwydd llawn am gamau a gymerir a phenderfyniadau a wneir
- Deall a nodi problemau, gan eu dadansoddi a helpu i ddod o hyd i'r ateb priodol.
- Categoreiddio a blaenoriaethu problemau, cofnodi eu hachosion a gweithredu i'w hunioni.
- Cymryd gwybodaeth reoli a chydgrynhoi dangosyddion perfformiad allweddol y cytunwyd arnynt i fod yn ddulliau o fesur cynhyrchion neu wasanaethau sy'n sail i reoli cynnyrch neu wasanaeth penodol.
- Meddu ar ddealltwriaeth fanwl o egwyddorion a phrosesau fframwaith rheoli gwasanaeth a'r gallu i ddefnyddio'r wybodaeth dechnegol mewn prosiectau neu raglenni.
- Cadw'r ffocws ar holl elfennau darparu gwasanaeth o'r dechrau i'r diwedd - cynllunio, datblygu, darparu a gweithredu.
- Rhoi'r lle blaenaf i ddefnyddwyr a rheoli blaenoriaethau sy'n cystadlu â'i gilydd.
Cyfleoedd datblygu
Dyddiad Cau
Cymhwystra
Mae swyddi sy’n rhan o'r ymgyrch recriwtio hon yn agored ar y cyfan i wladolion y DU, y rhai sydd â'r hawl i aros a gweithio yn y DU a'r rhai sy'n bodloni Rheolau Cenedligrwydd y Gwasanaeth Sifil yn unig. Gwiriwch eich cymhwystra yma:
- Fisâu a Mewnfudo y DU - GOV.UK (Saesneg yn unig)
- Rheolau Cenedligrwydd – GOV.UK (Saesneg yn unig)
Cyn cael ei benodi, bydd yn ofynnol i bob ymgeisydd llwyddiannus gyflwyno dogfennau gwreiddiol, derbyniol fel rhan o'r gwiriadau cyn cyflogi. Os daw’n amlwg yn nes ymlaen yn y broses nad ydych chi’n gymwys i wneud cais, bydd eich cais neu’r cynnig yn cael ei dynnu’n ôl.
Cydraddoldeb ac Amrywiaeth
Mae Llywodraeth Cymru wedi ymrwymo i ddarparu gwasanaethau sy’n croesawu amrywiaeth ac sy’n hyrwyddo cyfle cyfartal. Mae hyn yn seiliedig ar Ddeddf Cydraddoldeb 2010 a bydd yn dilyn hyn ym mhob cam o’r broses recriwtio. Ein nod yw sicrhau bod yr ymrwymiadau hyn hefyd yn cael eu hymwreiddio yn ein harferion gwaith bob dydd gyda’n holl gwsmeriaid, cydweithwyr a phartneriaid.
Rydym wedi ymrwymo i fod yn sefydliad gwrth-hiliol a chynyddu amrywiaeth yn Llywodraeth Cymru, gan ddileu rhwystrau a chefnogi’n holl staff i gyflawni eu potensial. Rydym yn ymroi i recriwtio pobl Dduon, Asiaidd ac Ethnig Lleiafrifol a phobl anabl sydd heb gynrychiolaeth ddigonol yn Llywodraeth Cymru ar hyn o bryd.
Rydym yn croesawu ceisiadau gan bawb waeth beth fo’u hoedran, statws priodasol a phartneriaeth sifil (yn cynnwys yr un rhyw a’r rhyw arall), nam neu gyflwr iechyd, rhywedd, cyfeiriadedd rhywiol, beichiogrwydd a chyfnod mamolaeth, hil, crefydd neu gred, hunaniaeth o ran rhywedd neu fynegiant rhywedd.
Rydym yn Hyrwyddwr Amrywiaeth Stonewall, yn sefydliad Hyderus o Ran Anabledd Lefel 3 (Arweinydd). Mae pump Rhwydwaith Staff a noddir gan y Bwrdd yn allweddol i gefnogi’r gwaith hwn a darparu cefnogaeth i gymheiriaid (Ymwybyddiaeth a Chymorth Anabledd (DAAS); Rhwydwaith Staff o Leiafrifoedd Ethnig (MESN); Materion y Meddwl (Iechyd a lles meddyliol); PRISM (Pobl lesbiaidd, Hoyw, Deurywiol, Trawsryweddol, Rhyngrywiol +) a Menywod Ynghyd.
Hyderus o ran Anabledd
Gweithle Gwych i Gyn-Aelodau’r Lluoedd Arfog
Mae’r swydd wag hon yn rhan o’r fenter Gweithle Gwych i Gyn-Aelodau’r Lluoedd Arfog.
Sgiliau yn y Gymraeg
Mae Llywodraeth Cymru yn sefydliad dwyieithog, ac mae sgiliau Cymraeg yn gaffaeliad i ni. Rydym yn annog ac yn cefnogi staff i ddysgu, datblygu a defnyddio’u sgiliau Cymraeg yn y gweithle.
Seiliwyd y rhestr isod o ofynion iaith y swydd ar asesiad gwrthrychol y rheolwr llinell ar ran Llywodraeth Cymru, o’r sgiliau yn y Gymraeg sy’n angenrheidiol i ymgymryd â dyletswyddau’r swydd benodol hon.
Partneriaeth Gymdeithasol
O fewn Llywodraeth Cymru, mae'r berthynas rhwng y cyflogwr a'r undebau llafur yn seiliedig ar bartneriaeth gymdeithasol. Rydyn ni'n credu mai’r ffordd orau o gyflawni ein nodau yw drwy sicrhau bod rheolwyr ac undebau llafur yn cydweithio.
Ein 3 undeb llafur cydnabyddedig yw:
• PCS
• Prospect
• FDA
Mae cytundeb partneriaeth yn sail i'r berthynas hon. Mae'r cytundeb yn nodi sut y mae ein hundebau yn gweithio gyda Llywodraeth Cymru ar faterion fel:
• cyflog
• telerau ac amodau
• polisïau a gweithdrefnau
• newid sefydliadol
Mae ein cydweithwyr undebau llafur yn Llywodraeth Cymru yn cydweithio i roi cyfle i'w haelodau gael dweud eu dweud yn y gweithle. Maent yn sicrhau bod buddiannau eu haelodau yn cael eu hyrwyddo a'u diogelu. Maent hefyd yn helpu i leihau anghydraddoldebau a gwella telerau ac amodau.
Mae gan Lywodraeth Cymru hanes blaenorol rhagorol o weithio mewn partneriaeth gyda'i hundebau llafur. Rydyn ni'n annog staff i gymryd rhan. Rydyn ni'n eich cefnogi i ymuno ag undeb llafur cydnabyddedig, i sicrhau bod eich llais yn cael ei glywed yn y gweithle ac i ddysgu mwy am undebau llafur a gwaith partneriaeth.
Cymwyseddau / Meini prawf penodol i'r swydd
Ymddygiadau a Sgiliau
Byddwn yn asesu Ymddygiadau a Sgiliau yn ystod y cyfweliad.
Yn ystod y cyfweliad gofynnir cwestiynau i chi a fydd yn caniatáu i chi ddarparu tystiolaeth (gan gynnwys enghreifftiau penodol) i ddangos sut rydych chi'n bodloni pob un o'r Ymddygiad a Sgiliau sydd eu hangen ar gyfer y rôl hon.
Ymddygiadau'r Gwasanaeth Sifil
- Cyfathrebu a Dylanwadu. Cyfathrebu mewn ffordd syml, onest ac ymgysylltiedig, gan ddewis arddulliau priodol i wneud y mwyaf o ddealltwriaeth ac effaith.
- Gwneud Penderfyniadau Effeithiol. Dadansoddi a defnyddio ystod o wybodaeth berthnasol, gredadwy o ffynonellau mewnol ac allanol i gefnogi penderfyniadau.
Sgiliau Digidol, Data a Thechnoleg
- Rheoli gwasanaethau cwsmeriaid. Byddwch yn cynnal lefel uchel o wasanaeth cwsmeriaid, gyda'r hyder i ddelio â chwynion cymhleth
- Gwella gwasanaethau'n barhaus. Gallwch nodi cyfleoedd i sicrhau bod pob proses ar ei gorau a chynnig arweiniad a chyfrannu at y gwaith o weithredu’r atebion arfaethedig.
I gael rhagor o wybodaeth am Ymddygiadau'r Gwasanaeth Sifil a'r hyn sy'n ofynnol ar gyfer pob gradd, trowch i Proffiliau Llwyddiant: Ymddygiadau Gwasanaeth Sifil.
I gael rhagor o wybodaeth am y sgiliau digidol, data a thechnoleg sydd eu hangen ar gyfer y rôl hon, darllenwch Fframwaith Gallu ym maes DDaT.
Meini Prawf Penodol i’r Swydd
Bydd Meini Prawf Penodol y Swydd yn cael eu hasesu yn ystod y cam sifftio CV a'r cyfweliad.
Yn eich CV, rhowch dystiolaeth (gan gynnwys enghreifftiau penodol) i ddangos sut rydych chi'n bodloni pob un o Feini Prawf Penodol y Swydd ar gyfer y rôl hon.
Hefyd, yn ystod y cyfweliad, byddwn yn gofyn cwestiynau a fydd yn caniatáu i chi ddarparu tystiolaeth (gan gynnwys enghreifftiau penodol) o sut rydych chi'n bodloni pob un o Feini Prawf Penodol y Swydd sy'n ofynnol ar gyfer y swydd hon.
- Profiad o weithio ar Ddesg Gwasanaeth TG, gan sicrhau bod lefelau’r adnoddau yn cael eu rheoli'n briodol, gan ystyried amseroedd gwasanaeth brig.
- Profiad o berchnogi problemau a mynd ati’n rhagweithiol i’w datrys neu eu huwchgyfeirio, gan sicrhau bod atebion yn bodloni gofynion busnes.
- Profiad o reoli cysylltiadau heriol gyda thimau a chyflenwyr mewnol ac allanol.
Proses Asesu
Mae 4 cam i'r broses ymgeisio ac asesu:
Cam 1 – Cwblhau cais ar-lein a chyflwyno CV (dim mwy na 2 dudalen)
Uwchlwythwch eich CV.
Sylwch y byddwn yn asesu eich CV yn erbyn y Meini Prawf Penodol i’r Swydd a restrir yn yr hysbyseb yn unig. Gallwch ddod o hyd i'r rhain yn yr adran Meini Prawf Penodol i’r Swydd yn yr hysbyseb.
RHAID i'ch CV ddangos sut rydych chi'n bodloni pob un o'r Meini Prawf Penodol i’r Swydd ar gyfer y rôl, gan gynnwys enghreifftiau. Os na fyddwch chi’n rhoi enghreifftiau manwl, caiff eich cais ei wrthod yn ystod y sifft.
Sicrhewch fod gan eich CV adran wedi'i marcio'n glir sy'n nodi sut rydych chi'n bodloni'r Meini Prawf Penodol i’r Swydd (tua 300 o eiriau ar gyfer pob maen prawf).
Cam 2 – Sifftio CV
Ar ôl y dyddiad cau, bydd CVs yr holl ymgeiswyr yn cael eu hasesu.
Bydd ymgeiswyr sy'n dangos yn llwyddiannus eu bod yn bodloni’r Meini Prawf Penodol gofynnol i’r Swydd yn derbyn prawf sgiliau ysgrifenedig.
Cam 3 – Prawf sgiliau (ar-lein)
Bydd prawf sgiliau yn cael ei drefnu o 21 Ebrill 2023 a bydd gennych 7 diwrnod calendr i gwblhau'r prawf hwn.
Os llwyddwch chi basio’r prawf sgiliau ar-lein, byddwn yn gofyn ichi ddod i gyfweliad.
Bydd cyfweliadau yn cael eu trefnu ar gyfer yr wythnos sy’n dechrau i'w gadarnhau.
Cam 4 – Cyfweliad
Bydd y cyfweliadau'n seiliedig ar yr Ymddygiadau/Sgiliau a’r Meini Prawf Penodol i’r Swydd a ddisgrifir yn yr adrannau perthnasol o’r hysbyseb hon. Bydd y cyfweliadau'n cael eu cynnal yn rhithiol.
Yn y cyfweliad gofynnir cwestiynau i chi a fydd yn caniatáu ichi ddarparu tystiolaeth (gan gynnwys enghreifftiau penodol) o sut rydych chi'n bodloni pob un o'r Meini Prawf Penodol i’r Swydd a’r Ymddygiadau a’r Sgiliau sydd eu hangen ar gyfer y rôl hon.
Gwybodaeth arall
- Oni nodir fel arall yn y darn 'cyflog cychwynnol gwirioneddol', bydd pob ymgeisydd yn dechrau ar isafswm y raddfa gyflog y penodir iddi (mae hwn yn cynnwys gweision sifil presennol). Does dim modd trafod hyn.
- Oni nodir fel arall yn 'math o gyfle', nid yw'r hysbyseb recriwtio hon ar agor ar sail Benthyciad neu Secondiad.
- Am ragor o wybodaeth am y meini prawf cymhwystra ac amodau a thelerau swyddi Benthyciad a Secondiad yn Llywodraeth Cymru, gweler canllawiau allanol yr ymgeiswyr recriwtio.
- Oni nodir fel arall yn 'Lleoliad y Swydd' dim ond yn y DU y gellir gweithio yn y rôl/rolau y recriwtir iddynt drwy’r ymgyrch hon, ac ni cheir gwneud hynny dramor.
Byddwn yn cadw rhestr wrth gefn am 12 mis rhag ofn y bydd unrhyw swyddi gwag yn codi yn y dyfodol.
Amrywiaeth a chynhwysiant
Mae proffesiwn Digidol, Data a Thechnoleg Llywodraeth Cymru wedi ymrwymo i ddileu'r rhwystrau sy'n atal grwpiau heb gynrychiolaeth ddigonol rhag camu ymlaen i'r maes hwn ac oddi fewn iddo. Mae'r proffesiwn yn cydnabod pwysigrwydd hyrwyddo rôl fodelau o gefndiroedd amrywiol, ac mae'n canolbwyntio ar gynyddu amrywiaeth ein gweithlu digidol fel ei fod yn adlewyrchu poblogaeth ehangach ein gwlad.
Manteision gweithio yn Llywodraeth Cymru
Lle alla i weithio?
Ar gyfer llawer o rolau, rydym yn gweithredu dull hybrid o weithio - a elwir yn 'Gweithio'n Glyfar'; mae hyn yn cynnwys cyfuniad o weithio gartref ac mewn swyddfa. Efallai y cewch gyfle i weithio o gartref yn dibynnu ar yr anghenion busnes a'r ymrwymiadau i'ch tîm. Cewch gyfle i drafod a chytuno ar drefniadau gwaith gyda'ch rheolwr llinell wrth ymuno.
Byddwn ni'n ystyried ceisiadau i weithio mewn lleoliadau penodol yn seiliedig ar amgylchiadau personol fel cyfrifoldebau gofal neu nam neu gyflwr iechyd. Cofiwch nodi'ch hoff leoliadau ym mlwch ‘Dewisiadau lleoliad' eich CV.
Drwy wneud cais am y rôl hon, byddwch yn barod i weithio yn un o'r lleoliadau canlynol fel eich prif swyddfa:
- Caerdydd, Bedwas, Merthyr Tudful, Abertawe, Aberystwyth, Llandudno, Caerfyrddin
Beth yw’r manteision?
Mae gweithio i Lywodraeth Cymru yn arwain at fanteision di-ri, gan gynnwys:
- Yr amrediad cyflog ar gyfer y radd hon yw £32,460 i £39,690.
- Byddwch yn ennill £32,460 am y 12 mis cyntaf, ac wedyn yn cael cynnydd blynyddol hyd nes y byddwch yn cyrraedd uchafswm y radd (yn amodol ar basio'r cyfnod prawf).
- DS: Efallai y bydd ymgeiswyr eithriadol yn gymwys am gyflog cychwynnol ymhellach yn uwch i fyny'r raddfa.
- Cewch 31 diwrnod o wyliau a 10 diwrnod cyhoeddus a braint.
- Rydym yn cynnig trefniadau gweithio hyblyg er mwyn eich helpu i gael y cydbwysedd cywir rhwng bywyd a gwaith.
- Byddwch hefyd yn gymwys i fod yn aelod o Gynllun Pensiwn y Gwasanaeth Sifil
Manteision eraill
- Gweithio hyblyg – rydym yn cefnogi staff i reoli eu cydbwysedd rhwng bywyd a gwaith trwy weithio gartref (yn amodol ar anghenion y busnes ac os yw'n briodol ar gyfer y rôl)
- Patrymau gwaith – mae dewisiadau gwahanol ar gael: llawn amser, rhan-amser, rhannu swyddi, oriau cywasgedig, yn ystod y tymor ac ati. (yn amodol ar angen busnes ac os yw'n briodol ar gyfer y rôl)
- Cynllun Car Gwyrdd – sy'n eich galluogi i brydlesu car allyriadau carbon isel newydd sbon a thalu amdano trwy aberth cyflog
- Cyllid cefnogol – benthyciadau cyflog ymlaen llaw tuag at bob math o sefyllfaoedd fel: tocynnau teithio tymor, gofal llygaid, offer TG, Cycle2Work a mwy
- Absenoldeb Rhiant – 26 wythnos o absenoldeb mamolaeth/mabwysiadu ar gyflog llawn a 15 diwrnod o absenoldeb tadolaeth
- Amser llesiant – awr lesiant benodol bob wythnos i'w defnyddio yn ystod oriau swyddfa. Boed yn gyfle i fynd am dro bach i'r parc, ioga, amser i fyfyrio neu yn y gampfa, eich amser chi yw hwn
- Cyflog – cynyddrannau cystadleuol ar draws y bandiau cyflog
- Hyfforddiant a chamu ymlaen yn eich gyrfa - cyfleoedd datblygu a hyfforddiant wedi'u teilwra i’ch rôl.
- Cynhwysiant ac amrywiaeth – rydym yn annog gweithle cyfoethog ac amrywiol, lle mae pawb yn teimlo y gallan nhw fod yn nhw eu hunain a lle nad oes unrhyw un yn teimlo bod rhywun yn gwahaniaethu yn ei erbyn
- Ymgysylltu â staff – mae gennym ystod eang o rwydweithiau bywiog a chroesawgar iawn gan gynnwys: Awtistiaeth, Gofalwyr, Menywod Ynghyd, PRISM (ein rhwydwaith LGBTQ+) a llawer mwy
- Diogelwch ac Iechyd Galwedigaethol - timau ymroddedig i ddarparu’r help a’r gefnogaeth sydd eu hangen fwyaf ar staff
- Iechyd meddwl – rhaglen Cymorth i Weithwyr a llinell gymorth arbennig er mwyn helpu saff i reoli eu hiechyd meddwl
- Y cyfarpar TG diweddaraf - bydd gliniaduron gydag Office 365 yn rhoi mwy o hyblygrwydd i chi o ran pryd, sut a lle rydych chi'n gweithio
- Mae Llywodraeth Cymru yn gweithio mewn partneriaeth â'r Undebau Llafur canlynol: PCS, Prospect a FDA
Sut i wneud cais
Dylai pob cais ar gyfer y swydd hon gael ei gyflwyno ar-lein, gan ddefnyddio system ymgeisio ar-lein Llywodraeth Cymru. Os oes gennych nam sy’n golygu nad ydych chi’n gallu cyflwyno cais ar-lein, e-bostiwch DesgGymorthCydwasanaethau@llyw.cymru i ofyn am becyn ymgeisio mewn fformat gwahanol, neu i ofyn am addasiad rhesymol yn gysylltiedig a nam, er mwyn cyflwyno’ch cais.
I gyflwyno cais, fe fydd angen i chi gofrestru am gyfrif. I wneud hyn, cliciwch ar y botwm ‘Gwneud cais’ isod. Os oes gennych chi gyfrif yn barod, rhowch eich manylion mewngofnodi. Os nad oes gennych chi gyfrif, pwyswch ‘Cofrestru’. Dim ond ychydig funudau mae’n cymryd i lenwi’r ffurflen cofrestru, sydd angen cyfeiriad e-bost er mwyn ei chyflawni. Unwaith i chi gofrestru a mewngofnodi, bydd y ffurflen gais yn agor ar y sgrin. Mae angen i chi gwblhau’r ffurflen yn llwyr a’i hanfon erbyn yr amser terfyn ar y dyddiau cau.
I gwblhau cais yn y Gymraeg, gwnewch yn siŵr eich bod yn pwyso ‘Gwneud cais’ isod ar y dudalen hon (yn hytrach na phwyso ‘Apply’ ar y dudalen Saesneg).
Am ragor o wybodaeth ynghylch proses recriwtio Llywodraeth Cymru, gwelwch y Canllaw Recriwtio i Ymgeiswyr Allanol (dolen).
Wrth ddarparu tystiolaeth o’ch addasrwydd ar gyfer y swydd, rydym yn argymell eich bod yn cyfeirio at Fframwaith Cymwyseddau’r Gwasanaeth Sifil (dolen).
Anghydfod a Chwynion
Mae'r swydd hon ar gau i ymgeiswyr.