Swydd Wag -- Arbenigwr Polisi Treth Incwm

Mae datganoli pwerau codi trethi i Gymru wedi rhoi cyfle i Lywodraeth Cymru ystyried sut y gall ddefnyddio’r pwerau newydd hynny i godi adnoddau angenrheidiol i dalu am wasanaethau cyhoeddus hanfodol a diwallu anghenion ei dinasyddion. Ers mis Ebrill 2018, mae Llywodraeth Cymru yn gyfrifol am ddwy dreth ddatganoledig (treth trafodiadau tir a threth gwarediadau tirlenwi) ac ers mis Ebrill 2019, mae’n gyfrifol am rai elfennau o’r dreth incwm.

Trysorlys Cymru sy’n gyfrifol am ddatblygu a chyflwyno polisi trethi Cymru, ac mae’n hollol ganolog i Lywodraeth Cymru. Mae’n adran fach, yn gymysgedd o arbenigwyr medrus a chyffredinolwyr sy'n cefnogi Gweinidogion Cymru a gweddill Llywodraeth Cymru i sicrhau'r llesiant gorau posibl i bobl Cymru. Mae'r adran wedi'i chreu o bedair Is-adran, dan arweiniad Dirprwy Gyfarwyddwr. Mae pob un yn arwain ar elfennau gwahanol ond cysylltiedig o gyd-destun cyllidol Cymru: strategaeth ar gyfer y gyllideb a chyflawni'r gyllideb; cyngor a dadansoddi economaidd; cyllid arloesol; a pholisi, strategaeth ac ymgysylltu ym maes trethi. Fel adran, rydym yn gweithio gyda'n gilydd i sicrhau'r gwerth mwyaf o adnoddau cyllidol Cymru, gan gynyddu faint o gyllid sydd ar gael ar gyfer gwariant cyhoeddus yng Nghymru, a chyflawni strategaeth gyllidol Gweinidogion Cymru.

Fel rhan o Is-adran Drethi: Polisi, Strategaeth ac Ymgysylltu Trysorlys Cymru, chi fydd cynghorydd arweiniol Gweinidogion Cymru ar bolisi treth incwm.

Gyda chryn arbenigedd ar dreth incwm y DU, byddwch yn gallu addasu’ch gwybodaeth gyfredol i’r cyd-destun Cymreig trwy feithrin dealltwriaeth o bwerau treth Cymru, cyd-destun cyllidol a demograffeg Cymru, a strategaeth Gweinidogion Cymru.

Hefyd, bydd angen i chi gyflwyno egwyddorion polisi treth Cymru ynghyd â dealltwriaeth o ryngweithiau ac effeithiau posib cyfraddau treth incwm gwahanol Cymru (o gymharu â Lloegr a Gogledd Iwerddon, a’r Alban) er mwyn helpu i lywio cyngor i Weinidogion Cymru.

Yn ehangach, byddai’r rôl hon yn cyfrannu at ddatblygu ein galluogrwydd polisi treth (yn fewnol ac yn allanol) ac yn llywio’r gwaith ehangach ar drethi newydd, gan gynnwys ardoll gofal cymdeithasol bosib. 

• Darparu arbenigedd technegol er mwyn helpu i ddatblygu polisi treth incwm hirdymor.
• Defnyddio dull seiliedig ar dystiolaeth ar gyfer y broses pennu cyfraddau, a chynghori Gweinidogion yn unol â hynny.
• Gweithio gyda chydweithwyr yn Trysorlys Cymru ac Uned Busnes Cyfarfodydd Llawn Llywodraeth Cymru i weithredu proses flynyddol pennu cyfraddau.
• Sicrhau bod Gweinidogion ac uwch-swyddogion yn gwbl hyddysg am y cynnydd, y cyfleoedd a’r heriau parhaus.
• Arwain ar elfennau allweddol cynllun gwaith polisi treth newydd Cymru, gan reoli a chydlynu gwaith o fewn adrannau perthnasol ar draws Llywodraeth Cymru.
• Meithrin perthynas â phartneriaid allweddol eraill y DU, yn enwedig CThEM a Thrysorlys EM.
• Gweithio gyda chydweithwyr ledled Trysorlys Cymru i gyflwyno ymagwedd arloesol a chadarn at bolisi treth yng Nghymru, deall cyd-destun ehangach y DU a chyfrannu at ddull unigryw a chydlynus mewn perthynas â threthi Cymreig.
• Cyfrannu at ddatblygu galluogrwydd polisi treth yng Nghymru, yn enwedig helpu i lywio gwaith ehangach ar drethi newydd, gan gynnwys ardoll gofal cymdeithasol bosib.

Mae'r swydd hon yn cynnig cyfle i weithio mewn maes proffil uchel o Lywodraeth Cymru, gyda chysylltiadau ar draws adrannau polisi, gan gynnwys Llywodraeth y DU, a weithio'n agos gyda Gweinidogion a rhanddeiliaid allanol. Byddwch yn chwarae rhan allweddol yn y gwaith o wreiddio newid ym mhwerau Gweinidogion Cymru, gan sefydlu dull clir yng Nghymru o ymdrin â pholisi trethu a gweithredu, a sicrhau bod agwedd arfer gorau at bolisi treth o fewn Llywodraeth Cymru o ei gyfnodau cynharaf.

 

24/06/19 16:00

Mae swyddi sy’n rhan o'r ymgyrch recriwtio hon yn agored ar y cyfan i wladolion y DU, y rhai sydd â'r hawl i aros a gweithio yn y DU a'r rhai sy'n bodloni Rheolau Cenedligrwydd y Gwasanaeth Sifil yn unig. Gwiriwch eich cymhwystra yma:

• Fisâu a Mewnfudo y DU - GOV.UK (Saesneg yn unig)
• Rheolau Cenedligrwydd – GOV.UK (Saesneg yn unig)

Cyn cael ei benodi, bydd yn ofynnol i bob ymgeisydd llwyddiannus gyflwyno dogfennau gwreiddiol, derbyniol fel rhan o'r gwiriadau cyn cyflogi. Os daw’n amlwg yn nes ymlaen yn y broses nad ydych chi’n gymwys i wneud cais, bydd eich cais neu’r cynnig yn cael ei dynnu’n ôl.

Mae Llywodraeth Cymru wedi ymrwymo i ddarparu gwasanaethau sy’n croesawu amrywiaeth ac sy’n hyrwyddo cyfle cyfartal. Mae hyn yn seiliedig ar Ddeddf Cydraddoldeb 2010 a bydd yn dilyn hyn ym mhob cam o’r broses recriwtio. Ein nod yw sicrhau bod yr ymrwymiadau hyn hefyd yn cael eu hymwreiddio yn ein harferion gwaith bob dydd gyda’n holl gwsmeriaid, cydweithwyr a phartneriaid.

Rydym wedi ymrwymo i fod yn sefydliad gwrth-hiliol a chynyddu amrywiaeth yn Llywodraeth Cymru, gan ddileu rhwystrau a chefnogi’n holl staff i gyflawni eu potensial. Rydym yn ymroi i recriwtio pobl Dduon, Asiaidd ac Ethnig Lleiafrifol a phobl anabl sydd heb gynrychiolaeth ddigonol yn Llywodraeth Cymru ar hyn o bryd.

Rydym yn croesawu ceisiadau gan bawb waeth beth fo’u hoedran, statws priodasol a phartneriaeth sifil (yn cynnwys yr un rhyw a’r rhyw arall), nam neu gyflwr iechyd, rhywedd, cyfeiriadedd rhywiol, beichiogrwydd a chyfnod mamolaeth, hil, crefydd neu gred, hunaniaeth o ran rhywedd neu fynegiant rhywedd.

Rydym yn Hyrwyddwr Amrywiaeth Stonewall, yn sefydliad Hyderus o Ran Anabledd Lefel 3 (Arweinydd). Mae pump Rhwydwaith Staff a noddir gan y Bwrdd yn allweddol i gefnogi’r gwaith hwn a darparu cefnogaeth i gymheiriaid (Ymwybyddiaeth a Chymorth Anabledd (DAAS); Rhwydwaith Staff o Leiafrifoedd Ethnig (MESN); Materion y Meddwl (Iechyd a lles meddyliol); PRISM (Pobl lesbiaidd, Hoyw, Deurywiol, Trawsryweddol, Rhyngrywiol +) a Menywod Ynghyd.

 

Mae’r swydd wag hon yn rhan o’r fenter Gweithle Gwych i Gyn-Aelodau’r Lluoedd Arfog. 

Mae Llywodraeth Cymru yn sefydliad dwyieithog, ac mae sgiliau Cymraeg yn gaffaeliad i ni.  Rydym yn annog ac yn cefnogi staff i ddysgu, datblygu a defnyddio’u sgiliau Cymraeg yn y gweithle.

 

Seiliwyd y rhestr isod o ofynion iaith y swydd ar asesiad gwrthrychol y rheolwr llinell ar ran Llywodraeth Cymru, o’r sgiliau yn y Gymraeg sy’n angenrheidiol i ymgymryd â dyletswyddau’r swydd benodol hon.

O fewn Llywodraeth Cymru, mae'r berthynas rhwng y cyflogwr a'r undebau llafur yn seiliedig ar bartneriaeth gymdeithasol. Rydyn ni'n credu mai’r ffordd orau o gyflawni ein nodau yw drwy sicrhau bod rheolwyr ac undebau llafur yn cydweithio.

Ein 3 undeb llafur cydnabyddedig yw:
•         PCS
•         Prospect
•         FDA

Mae cytundeb partneriaeth yn sail i'r berthynas hon. Mae'r cytundeb yn nodi sut y mae ein hundebau yn gweithio gyda Llywodraeth Cymru ar faterion fel:
•         cyflog
•         telerau ac amodau
•         polisïau a gweithdrefnau
•         newid sefydliadol

Mae ein cydweithwyr undebau llafur yn Llywodraeth Cymru yn cydweithio i roi cyfle i'w haelodau gael dweud eu dweud yn y gweithle. Maent yn sicrhau bod buddiannau eu haelodau yn cael eu hyrwyddo a'u diogelu. Maent hefyd yn helpu i leihau anghydraddoldebau a gwella telerau ac amodau.

Mae gan Lywodraeth Cymru hanes blaenorol rhagorol o weithio mewn partneriaeth gyda'i hundebau llafur. Rydyn ni'n annog staff i gymryd rhan. Rydyn ni'n eich cefnogi i ymuno ag undeb llafur cydnabyddedig, i sicrhau bod eich llais yn cael ei glywed yn y gweithle ac i ddysgu mwy am undebau llafur a gwaith partneriaeth.

• Oni nodir fel arall yn y darn 'cyflog cychwynnol gwirioneddol', bydd pob ymgeisydd yn dechrau ar isafswm y raddfa gyflog y penodir iddi (mae hwn yn cynnwys gweision sifil presennol). Does dim modd trafod hyn.
• Oni nodir fel arall yn 'math o gyfle', nid yw'r hysbyseb recriwtio hon ar agor ar sail Benthyciad neu Secondiad.
• Am ragor o wybodaeth am y meini prawf cymhwystra ac amodau a thelerau swyddi Benthyciad a Secondiad yn Llywodraeth Cymru, gweler canllawiau allanol yr ymgeiswyr recriwtio.
• Oni nodir fel arall yn 'Lleoliad y Swydd' dim ond yn y DU y gellir gweithio yn y rôl/rolau y recriwtir iddynt drwy’r ymgyrch hon, ac ni cheir gwneud hynny dramor.

I wneud cais am y swydd yma, bydd angen i chi gyflwyno CV a datganiad personol sy'n dangos profiad mewn perthynas â disgrifiad y radd a gaiff ei rhestri o dan cymwyseddau / meini prawf penodol i'r swydd yn yr hysbyseb.

Ni ddylai'r CV fod yn hirach na dwy ochr A4 ac ni ddylai'r datganiad personol fod yn hirach na phedair ochr A4.

Dylai pob cais ar gyfer y swydd hon gael ei gyflwyno ar-lein, gan ddefnyddio system ymgeisio ar-lein Llywodraeth Cymru.  Os oes gennych anabledd sy’n golygu nad ydych chi’n gallu cyflwyno cais ar-lein, e-bostiwch DesgGymorthCydwasanaethau@llyw.cymru i ofyn am becyn ymgeisio mewn fformat gwahanol, neu i ofyn am addasiad rhesymol yn gysylltiedig ag anabledd, er mwyn cyflwyno’ch cais.

I gyflwyno cais, fe fydd angen i chi gofrestru am gyfrif. I wneud hyn, cliciwch ar y botwm ‘Gwneud cais’ isod.  Os oes gennych chi gyfrif yn barod, rhowch eich manylion mewngofnodi.  Os nad oes gennych chi gyfrif, pwyswch ‘Cofrestru’.  Dim ond ychydig funudau mae’n cymryd i lenwi’r ffurflen cofrestru, sydd angen cyfeiriad e-bost er mwyn ei chyflawni.  Unwaith i chi gofrestru a mewngofnodi, bydd y ffurflen gais yn agor ar y sgrin.  Mae angen i chi gwblhau’r ffurflen yn llwyr a’i hanfon erbyn yr amser terfyn ar y dyddiau cau. 

I gwblhau cais yn y Gymraeg, gwnewch yn siŵr eich bod yn pwyso ‘Gwneud cais’ isod ar y dudalen hon (yn hytrach na phwyso ‘Apply’ ar y dudalen Saesneg).

Am ragor o wybodaeth ynglyn a gwithio i Lywodraeth Cymru, gwelwch ein Pecyn Recriwtio.

Am manylion ynghylch wneud cais, gwelir Canllaw i Ymgeiswyr.

Dylai unrhyw un sy’n credu ei fod wedi’i drin yn annheg, neu sydd â chwyn am sut y cynhaliwyd y broses naill ai ysgrifennu at y Pennaeth Adnoddau, Llywodraeth Cymru, Parc Cathays 2, Caerdydd CF10 3NQ neu e-bostio desggymorthcydwasanaethau@llyw.cymru. Os ydych chi’n anhapus â chanlyniad y gŵyn a godwyd gyda Llywodraeth Cymru ac yn teimlo nad yw egwyddorion penodi ar sail teilyngdod drwy gystadleuaeth deg ac agored wedi’u bodloni gallwch gyflwyno’ch cwyn i Gomisiwn y Gwasanaeth Sifil (Saesneg yn unig).