Swydd Wag -- Uwch-reolwr Masnachol Cadw

Mae'r swydd hon yn adrodd i'r Pennaeth Marchnata a Datblygu Busnes ac mae'n gyfrifol am yrru ffrydiau cynhyrchu incwm ar draws yr henebion hanesyddol rhagorol sydd yng ngofal Cadw, yn ogystal ag ymchwilio a manteisio ar gyfleoedd masnachol newydd. Bydd deiliad y swydd yn gosod targedau uchelgeisiol o weithgareddau Cadw gyda'r incwm yn cael ei ail-fuddsoddi i ofalu am ac amddiffyn yr amgylchedd hanesyddol.

• Datblygu a gweithredu strategaethau masnachol er mwyn cyflawni targedau uchelgeisiol i gynhyrchu incwm a gwella perfformiad masnachol mewn meysydd penodol megis ffilmio a ffotograffiaeth, gan ddangos ystyriaeth am gostau, amser ac adnoddau sydd eu hangen i ddarparu'n effeithiol a chynnig targedau realistig a rhagfynegiadau incwm
• Rheoli'r ffrydiau cynhyrchu incwm o ddydd i ddydd, gan gynnwys prisio derbyniadau, llogi masnachol, aelodaeth, manwerthu a gweithgareddau eraill
• Paratoi adroddiadau cynhwysfawr ar berfformiad masnachol sy'n dadansoddi perfformiad masnachol a chynnig a gweithredu mesurau newydd i yrru gweithgareddau masnachol ac annog mwy o ddefnydd o henebion Cadw, gan gydnabod y cyfleoedd cyffrous, ond hefyd y cyfyngiadau cadwraethol, sy'n gysylltiedig â safleoedd hanesyddol sydd hefyd yn mwynhau amddiffyniad statudol
• Monitro gwariant y rhaglen gyllideb refeniw fasnachol, gan gynnwys adrodd ar weithgareddau a gwariant, gan nodi cyfleoedd ar gyfer arbedion cost, gan sicrhau cofnodi gwariant yn gywir a sicrhau bod gwariant yn uniongyrchol gysylltiedig â chynlluniau strategol.
• Arwain y tîm sy'n gyfrifol am ddatblygu cynnig manwerthu Cadw, gan gynnwys goruchwylio prynu manwerthu a rheoli categorïau, er mwyn manteisio'n llawn ar gyfleoedd manwerthu ar draws yr ystâd er mwyn gwneud y mwyaf o refeniw masnachol 
• Paratoi cyngor a sesiynau briffio gan Weinidogion i roi gwybod am weithgareddau a materion, ac i gyflwyno opsiynau ac argymell ffyrdd o symud ymlaen mewn meysydd busnes masnachol, yn seiliedig ar ymchwil a dadansoddiad a gyflwynir yn glir 
• Dadansoddi'n barhaus berfformiad gweithrediadau masnachol, gan weithio'n annibynnol ac ar y cyd ag uwch reolwyr i weithredu strategaethau i sicrhau'r defnydd gorau o adnoddau a gwerth am arian yn effeithiol, a sicrhau bod yr holl weithgareddau masnachol yn bwydo i amcanion busnes ehangach ac yn unol â blaenoriaethau'r gweinidogion a chadwraeth Cadw egwyddorion cadwraeth cyhoeddedig 
• Rheoli, hyfforddi a datblygu staff o fewn y tîm i sicrhau bod gweithrediadau o ddydd i ddydd yn cael eu darparu'n effeithiol
• Cefnogi'r Pennaeth Marchnata a Datblygu Busnes i ddarparu mentrau a gweithgareddau marchnata masnachol er mwyn sicrhau y ceir budd mwyaf masnachol o raglenni marchnata
• Arwain ar ddatblygu perthnasoedd masnachol gyda sefydliadau partner gan gynnwys Amgueddfa Cymru, yr Ymddiriedolaeth Genedlaethol ac eraill i wneud y mwyaf o gyfleoedd masnachol a rhannu arferion gorau 
• Datblygu a chynnal dealltwriaeth ardderchog o anghenion busnes a chynulleidfa darged i sicrhau bod yr anghenion yn cael eu diwallu. 
• Arwain tîm sy'n gyfrifol am ymgysylltu'n rhagweithiol, adeiladu perthnasoedd ac ymateb i ymholiadau gan y sefydliadau cyhoeddus, masnachol a sefydliadau eraill ar logi / defnyddio henebion, gan ddangos hyblygrwydd i gwrdd â gofynion y trydydd parti wrth sicrhau ystyriaeth briodol ar gyfer y ffabrig hanesyddol trwy gysylltu â chydweithwyr yn arolygiaeth henebion Cadw, a chysylltu â chydweithwyr perthnasol er mwyn sicrhau bod defnydd masnachol yn cyd-fynd ag adnoddau arfaethedig, gan gynnwys cynnal a chadw, cadwraeth a digwyddiadau eraill 
• Arwain ar reoli a datblygu cynnig masnach teithio Cadw, gan gynnwys arwain ar ymweliadau ymgyfarwyddo, mynychu sioeau masnach teithio, gan sicrhau bod yr holl weithgaredd yn cyd-fynd â Croeso Cymru a gweithredu mesurau monitro a rheoli i ddadansoddi effaith a chanlyniadau a sicrhau bod gwerth am arian yn cael ei gyflawni 
• Nodi cyfleoedd masnachol o raglenni ehangach Cadw gan gynnwys gweithgareddau Digwyddiadau, Dysgu Gydol Oes ac Archeoleg Gymunedol 
• Dirprwyo ar gyfer Pennaeth Marchnata a Datblygu Busnes yn ôl yr angen 

Mae hon yn swydd heriol ond boddhaol gyda deiliad y swydd yn gosod targedau ariannol uchelgeisiol i'w daro. Arwain y tîm Manwerthu a Masnachol bydd deiliad y swydd yn gyfrifol am nodi cyfleoedd masnachol o raglenni ehangach Cadw gan gynnwys gweithgareddau Digwyddiadau, Dysgu Gydol Oes a Archaeoleg Cymunedol.

03/12/18 16:00

Mae swyddi sy’n rhan o'r ymgyrch recriwtio hon yn agored ar y cyfan i wladolion y DU, y rhai sydd â'r hawl i aros a gweithio yn y DU a'r rhai sy'n bodloni Rheolau Cenedligrwydd y Gwasanaeth Sifil yn unig. Gwiriwch eich cymhwystra yma:

• Fisâu a Mewnfudo y DU - GOV.UK (Saesneg yn unig)
• Rheolau Cenedligrwydd – GOV.UK (Saesneg yn unig)

Cyn cael ei benodi, bydd yn ofynnol i bob ymgeisydd llwyddiannus gyflwyno dogfennau gwreiddiol, derbyniol fel rhan o'r gwiriadau cyn cyflogi. Os daw’n amlwg yn nes ymlaen yn y broses nad ydych chi’n gymwys i wneud cais, bydd eich cais neu’r cynnig yn cael ei dynnu’n ôl.

Mae Llywodraeth Cymru wedi ymrwymo i ddarparu gwasanaethau sy’n croesawu amrywiaeth ac sy’n hyrwyddo cyfle cyfartal. Mae hyn yn seiliedig ar Ddeddf Cydraddoldeb 2010 a bydd yn dilyn hyn ym mhob cam o’r broses recriwtio. Ein nod yw sicrhau bod yr ymrwymiadau hyn hefyd yn cael eu hymwreiddio yn ein harferion gwaith bob dydd gyda’n holl gwsmeriaid, cydweithwyr a phartneriaid.

Rydym wedi ymrwymo i fod yn sefydliad gwrth-hiliol a chynyddu amrywiaeth yn Llywodraeth Cymru, gan ddileu rhwystrau a chefnogi’n holl staff i gyflawni eu potensial. Rydym yn ymroi i recriwtio pobl Dduon, Asiaidd ac Ethnig Lleiafrifol a phobl anabl sydd heb gynrychiolaeth ddigonol yn Llywodraeth Cymru ar hyn o bryd.

Rydym yn croesawu ceisiadau gan bawb waeth beth fo’u hoedran, statws priodasol a phartneriaeth sifil (yn cynnwys yr un rhyw a’r rhyw arall), nam neu gyflwr iechyd, rhywedd, cyfeiriadedd rhywiol, beichiogrwydd a chyfnod mamolaeth, hil, crefydd neu gred, hunaniaeth o ran rhywedd neu fynegiant rhywedd.

Rydym yn Hyrwyddwr Amrywiaeth Stonewall, yn sefydliad Hyderus o Ran Anabledd Lefel 3 (Arweinydd). Mae pump Rhwydwaith Staff a noddir gan y Bwrdd yn allweddol i gefnogi’r gwaith hwn a darparu cefnogaeth i gymheiriaid (Ymwybyddiaeth a Chymorth Anabledd (DAAS); Rhwydwaith Staff o Leiafrifoedd Ethnig (MESN); Materion y Meddwl (Iechyd a lles meddyliol); PRISM (Pobl lesbiaidd, Hoyw, Deurywiol, Trawsryweddol, Rhyngrywiol +) a Menywod Ynghyd.

 

Mae’r swydd wag hon yn rhan o’r fenter Gweithle Gwych i Gyn-Aelodau’r Lluoedd Arfog. 

Mae Llywodraeth Cymru yn sefydliad dwyieithog, ac mae sgiliau Cymraeg yn gaffaeliad i ni.  Rydym yn annog ac yn cefnogi staff i ddysgu, datblygu a defnyddio’u sgiliau Cymraeg yn y gweithle.

 

Seiliwyd y rhestr isod o ofynion iaith y swydd ar asesiad gwrthrychol y rheolwr llinell ar ran Llywodraeth Cymru, o’r sgiliau yn y Gymraeg sy’n angenrheidiol i ymgymryd â dyletswyddau’r swydd benodol hon.

O fewn Llywodraeth Cymru, mae'r berthynas rhwng y cyflogwr a'r undebau llafur yn seiliedig ar bartneriaeth gymdeithasol. Rydyn ni'n credu mai’r ffordd orau o gyflawni ein nodau yw drwy sicrhau bod rheolwyr ac undebau llafur yn cydweithio.

Ein 3 undeb llafur cydnabyddedig yw:
•         PCS
•         Prospect
•         FDA

Mae cytundeb partneriaeth yn sail i'r berthynas hon. Mae'r cytundeb yn nodi sut y mae ein hundebau yn gweithio gyda Llywodraeth Cymru ar faterion fel:
•         cyflog
•         telerau ac amodau
•         polisïau a gweithdrefnau
•         newid sefydliadol

Mae ein cydweithwyr undebau llafur yn Llywodraeth Cymru yn cydweithio i roi cyfle i'w haelodau gael dweud eu dweud yn y gweithle. Maent yn sicrhau bod buddiannau eu haelodau yn cael eu hyrwyddo a'u diogelu. Maent hefyd yn helpu i leihau anghydraddoldebau a gwella telerau ac amodau.

Mae gan Lywodraeth Cymru hanes blaenorol rhagorol o weithio mewn partneriaeth gyda'i hundebau llafur. Rydyn ni'n annog staff i gymryd rhan. Rydyn ni'n eich cefnogi i ymuno ag undeb llafur cydnabyddedig, i sicrhau bod eich llais yn cael ei glywed yn y gweithle ac i ddysgu mwy am undebau llafur a gwaith partneriaeth.

• Oni nodir fel arall yn y darn 'cyflog cychwynnol gwirioneddol', bydd pob ymgeisydd yn dechrau ar isafswm y raddfa gyflog y penodir iddi (mae hwn yn cynnwys gweision sifil presennol). Does dim modd trafod hyn.
• Oni nodir fel arall yn 'math o gyfle', nid yw'r hysbyseb recriwtio hon ar agor ar sail Benthyciad neu Secondiad.
• Am ragor o wybodaeth am y meini prawf cymhwystra ac amodau a thelerau swyddi Benthyciad a Secondiad yn Llywodraeth Cymru, gweler canllawiau allanol yr ymgeiswyr recriwtio.
• Oni nodir fel arall yn 'Lleoliad y Swydd' dim ond yn y DU y gellir gweithio yn y rôl/rolau y recriwtir iddynt drwy’r ymgyrch hon, ac ni cheir gwneud hynny dramor.

Dylai pob cais ar gyfer y swydd hon gael ei gyflwyno ar-lein, gan ddefnyddio system ymgeisio ar-lein Llywodraeth Cymru.  Os oes gennych anabledd sy’n golygu nad ydych chi’n gallu cyflwyno cais ar-lein, e-bostiwch DesgGymorthCydwasanaethau@llyw.cymru i ofyn am becyn ymgeisio mewn fformat gwahanol, neu i ofyn am addasiad rhesymol yn gysylltiedig ag anabledd, er mwyn cyflwyno’ch cais.

I gyflwyno cais, fe fydd angen i chi gofrestru am gyfrif. I wneud hyn, cliciwch ar y botwm ‘Gwneud cais’ isod.  Os oes gennych chi gyfrif yn barod, rhowch eich manylion mewngofnodi.  Os nad oes gennych chi gyfrif, pwyswch ‘Cofrestru’.  Dim ond ychydig funudau mae’n cymryd i lenwi’r ffurflen cofrestru, sydd angen cyfeiriad e-bost er mwyn ei chyflawni.  Unwaith i chi gofrestru a mewngofnodi, bydd y ffurflen gais yn agor ar y sgrin.  Mae angen i chi gwblhau’r ffurflen yn llwyr a’i hanfon erbyn yr amser terfyn ar y dyddiau cau. 

I gwblhau cais yn y Gymraeg, gwnewch yn siŵr eich bod yn pwyso ‘Gwneud cais’ isod ar y dudalen hon (yn hytrach na phwyso ‘Apply’ ar y dudalen Saesneg).

Am ragor o wybodaeth ynghylch proses recriwtio Llywodraeth Cymru, gwelwch y Canllaw Recriwtio i Ymgeiswyr Allanol (dolen).

Wrth ddarparu tystiolaeth o’ch addasrwydd ar gyfer y swydd, rydym yn argymell eich bod yn cyfeirio at Fframwaith Cymwyseddau’r Gwasanaeth Sifil (dolen).

Dylai unrhyw un sy’n credu ei fod wedi’i drin yn annheg, neu sydd â chwyn am sut y cynhaliwyd y broses naill ai ysgrifennu at y Pennaeth Adnoddau, Llywodraeth Cymru, Parc Cathays 2, Caerdydd CF10 3NQ neu e-bostio desggymorthcydwasanaethau@llyw.cymru. Os ydych chi’n anhapus â chanlyniad y gŵyn a godwyd gyda Llywodraeth Cymru ac yn teimlo nad yw egwyddorion penodi ar sail teilyngdod drwy gystadleuaeth deg ac agored wedi’u bodloni gallwch gyflwyno’ch cwyn i Gomisiwn y Gwasanaeth Sifil (Saesneg yn unig).