Swydd Wag -- Dirprwy Brif Arolygydd - Arolygiaeth Gofal Cymru

Mae hwn yn gyfle cyffrous i wneud gwahaniaeth cadarnhaol i bobl sy'n cael gwasanaethau gofal cymdeithasol a gofal plant a chwarae ledled Cymru.

Bydd deiliad y swydd yn ymuno â thîm profiadol, sy'n gyfrifol am ddarparu'r arweiniad strategol i sicrhau bod holl swyddogaethau statudol, rheoleiddio ac arolygu Arolygiaeth Gofal Cymru yn cael eu cyflawni mewn modd effeithiol ac effeithlon ledled Cymru o ddydd i ddydd, yn unol â'r ddeddfwriaeth.

Gan adrodd yn uniongyrchol i'r Prif Arolygydd, bydd deiliad y swydd yn rhannu cyfrifoldeb â'r Dirprwy Brif Arolygydd arall am waith Rheoleiddio a Gorfodi, Arolygu Gwasanaethau Oedolion a Phlant, Arolygu Awdurdodau Lleol, Arolygu Gwasanaethau Gofal Plant a Chwarae, a swyddogaethau Gwasanaethau Cymorth y sefydliad.

Bydd deiliad y swydd hefyd yn gyfrifol am ddarparu arweinyddiaeth strategol i feithrin a chynnal cysylltiadau effeithiol â darparwyr a rhanddeiliaid allweddol, yn ogystal â chydweithwyr allweddol ym maes polisi yn Llywodraeth Cymru.

Bydd deiliaid y swydd yn gwneud y canlynol:

Arweinyddiaeth Strategol

• Gweithredu fel dirprwy i'r Prif Arolygydd o ddydd i ddydd a chymryd cyfrifoldeb am ddirprwyo yn ei habsenoldeb.

• Darparu uwch-arweinyddiaeth a rheolaeth i dîm o bump, gan gynnwys pedwar Pennaeth Gwasanaeth a Phennaeth y Gwasanaethau Cymorth (y mae pob un ohonynt yn rolau Gradd 6), gan sicrhau eu bod yn cyflawni eu cyfrifoldebau mewn modd cyson, effeithiol ac effeithlon i safon uchel.

• Arwain y gwaith o feithrin a chynnal uwch-bartneriaethau effeithiol ym mhob rhan o Lywodraeth Cymru i gyflawni swyddogaethau rheoleiddio ac arolygu AGC yn effeithiol.

• Arwain y gwaith o gyfathrebu a chydweithio'n effeithiol ag amrywiaeth eang o ddarparwyr gwasanaethau a rhanddeiliaid.

• Darparu atebolrwydd ac uwch-arweinyddiaeth weladwy wrth reoli cwynion yn erbyn AGC a/neu ei staff mewn modd effeithiol ac effeithlon.

Arweinyddiaeth Broffesiynol

• Darparu uwch-arweinyddiaeth i sicrhau y caiff holl waith rheoleiddio, arolygu a gorfodi AGC ei gyflawni'n effeithiol, i safon uchel ac yn unol â'r ddeddfwriaeth berthnasol ac arferion gorau.

• Cymryd cyfrifoldeb fel uwch-arweinydd am weithio'n agos gydag arolygiaethau a rheoleiddwyr eraill i gyflawni agenda arolygu a rheoleiddio Llywodraeth Cymru.

• Darparu cyngor a chymorth uwch-arweinydd yn ôl yr angen i'r Prif Arolygydd wrth baratoi cyngor a gwybodaeth friffio i Weinidogion a'u timau polisi ategol.

• Darparu arweinyddiaeth broffesiynol weladwy i staff arbenigol a chymorth y sefydliad, gan hyrwyddo'r gwerthoedd a ddisgwylir gan swyddogion Llywodraeth Cymru, yn arbennig cydraddoldeb, amrywiaeth, dwyieithrwydd a chynaliadwyedd, a dangos ymrwymiad personol i werthoedd a nodau AGC ym mhob agwedd ar ei waith.

Adnoddau, Llywodraethu a Pherfformiad

• Darparu uwch-arweinyddiaeth ledled Cymru i gyflawni swyddogaethau arbenigol, gweithredol a statudol Arolygiaeth Gofal Cymru mewn modd effeithiol ac effeithlon, o fewn yr adnoddau a ddyrannwyd.

• Darparu uwch-arweinyddiaeth weithredol mewn perthynas ag atebolrwydd, llywodraethu a chydymffurfiaeth, gan helpu i bennu blaenoriaethau a chynllunio ar gyfer sicrhau safonau stiwardiaeth uchel wrth ddefnyddio'r adnoddau ariannol a'r adnoddau dynol a ddyrannwyd i AGC.

• Bod yn atebol am berfformiad y sefydliad yn erbyn dangosyddion perfformiad allweddol a mesurau wedi'u targedu'n benodol at gyrraedd safonau uchel a darparu gwasanaeth amserol.

• Ysgwyddo cyfrifoldeb uwch-arweinydd am sicrhau gwelliant a dysgu parhaus ym mhob agwedd ar gyfrifoldebau a swyddogaethau AGC.

Arwain a Rheoli Rhaglenni Newid Mawr

• Gweithredu, yn ôl yr angen, fel Uwch-swyddog Cyfrifol ar gyfer prosiectau datblygu mawr y sefydliad, gan sicrhau y darperir gwasanaeth amserol o safon uchel o fewn yr adnoddau sydd ar gael.

Mae Llywodraeth Cymru wedi ymrwymo i ddarparu gwasanaethau sy’n croesawu amrywiaeth ac sy’n hyrwyddo cyfle cyfartal. Mae hyn yn seiliedig ar Ddeddf Cydraddoldeb 2010 a bydd yn dilyn hyn ym mhob cam o’r broses recriwtio. Ein nod yw sicrhau bod yr ymrwymiadau hyn hefyd yn cael eu hymwreiddio yn ein harferion gwaith bob dydd gyda’n holl gwsmeriaid, cydweithwyr a phartneriaid.

Rydym wedi ymrwymo i fod yn sefydliad gwrth-hiliol a chynyddu amrywiaeth yn Llywodraeth Cymru, gan ddileu rhwystrau a chefnogi’n holl staff i gyflawni eu potensial. Rydym yn ymroi i recriwtio pobl Dduon, Asiaidd ac Ethnig Lleiafrifol a phobl anabl sydd heb gynrychiolaeth ddigonol yn Llywodraeth Cymru ar hyn o bryd.

Rydym yn croesawu ceisiadau gan bawb waeth beth fo’u hoedran, statws priodasol a phartneriaeth sifil (yn cynnwys yr un rhyw a’r rhyw arall), nam neu gyflwr iechyd, rhywedd, cyfeiriadedd rhywiol, beichiogrwydd a chyfnod mamolaeth, hil, crefydd neu gred, hunaniaeth o ran rhywedd neu fynegiant rhywedd.

Rydym yn Hyrwyddwr Amrywiaeth Stonewall, yn sefydliad Hyderus o Ran Anabledd Lefel 3 (Arweinydd). Mae pump Rhwydwaith Staff a noddir gan y Bwrdd yn allweddol i gefnogi’r gwaith hwn a darparu cefnogaeth i gymheiriaid (Ymwybyddiaeth a Chymorth Anabledd (DAAS); Rhwydwaith Staff o Leiafrifoedd Ethnig (MESN); Materion y Meddwl (Iechyd a lles meddyliol); PRISM (Pobl lesbiaidd, Hoyw, Deurywiol, Trawsryweddol, Rhyngrywiol +) a Menywod Ynghyd.

Mae Llywodraeth Cymru yn derbyn y diffiniad cymdeithasol o anabledd, sy'n cydnabod bod rhwystrau mewn cymdeithas yn gweithredu mewn modd sy'n analluogi pobl sydd â nam neu gyflwr iechyd, neu sy'n defnyddio Iaith Arwyddion Prydain. Rydym wedi ymrwymo i ddileu rhwystrau fel y gall pawb (neu'r rheini sy’n aelodau posibl o staff) berfformio ar eu gorau. Mae Deddf Cydraddoldeb 2010 yn defnyddio'r diffiniad meddygol o anabledd ("nam corfforol neu feddyliol sy'n cael effaith sylweddol a hirdymor ar allu person i gyflawni gweithgareddau arferol o ddydd i ddydd").

Rydym yn gwarantu y byddwn yn cynnig cyfweliad i unrhyw un sy'n anabl os bydd ei gais yn bodloni’r meini prawf sylfaenol ar gyfer y swydd. Mae bodloni’r ‘meini prawf sylfaenol’ yn golygu bod yn rhaid ichi ddarparu tystiolaeth yn eich cais i ddangos eich bod yn bodloni’r lefel ofynnol ar gyfer pob cymhwysedd. Mae’n rhaid ichi hefyd feddu ar unrhyw gymwysterau, sgiliau neu brofiadau sydd wedi eu nodi fel rhai hanfodol. Rydym wedi ymrwymo i gyflogi pobl anabl ac i hwyluso datblygiad eu gyrfa.

Os oes gennych nam neu gyflwr iechyd, neu'n defnyddio Iaith Arwyddion Prydain, ac yn dymuno trafod addasiadau rhesymol ar gyfer unrhyw ran o'r broses recriwtio hon, neu drafod sut y byddem yn eich cefnogi pe baech yn llwyddiannus, e-bostiwch DesgCymorthCydwasanaethau@llyw.Cymru cyn gynted â phosibl, a bydd aelod o'r tîm yn cysylltu â chi i drafod eich gofynion ac i ateb eich cwestiynau.

Mae’r swydd wag hon yn rhan o’r fenter Gweithle Gwych i Gyn-Aelodau’r Lluoedd Arfog. 

Mae Llywodraeth Cymru yn sefydliad dwyieithog, ac mae sgiliau Cymraeg yn gaffaeliad i ni.  Rydym yn annog ac yn cefnogi staff i ddysgu, datblygu a defnyddio’u sgiliau Cymraeg yn y gweithle.

Seiliwyd y rhestr isod o ofynion iaith y swydd ar asesiad gwrthrychol y rheolwr llinell ar ran Llywodraeth Cymru, o’r sgiliau yn y Gymraeg sy’n angenrheidiol i ymgymryd â dyletswyddau’r swydd benodol hon.

O fewn Llywodraeth Cymru, mae'r berthynas rhwng y cyflogwr a'r undebau llafur yn seiliedig ar bartneriaeth gymdeithasol. Rydyn ni'n credu mai’r ffordd orau o gyflawni ein nodau yw drwy sicrhau bod rheolwyr ac undebau llafur yn cydweithio.

Ein 3 undeb llafur cydnabyddedig yw:
•         PCS
•         Prospect
•         FDA

Mae cytundeb partneriaeth yn sail i'r berthynas hon. Mae'r cytundeb yn nodi sut y mae ein hundebau yn gweithio gyda Llywodraeth Cymru ar faterion fel:
•         cyflog
•         telerau ac amodau
•         polisïau a gweithdrefnau
•         newid sefydliadol

Mae ein cydweithwyr undebau llafur yn Llywodraeth Cymru yn cydweithio i roi cyfle i'w haelodau gael dweud eu dweud yn y gweithle. Maent yn sicrhau bod buddiannau eu haelodau yn cael eu hyrwyddo a'u diogelu. Maent hefyd yn helpu i leihau anghydraddoldebau a gwella telerau ac amodau.

Mae gan Lywodraeth Cymru hanes blaenorol rhagorol o weithio mewn partneriaeth gyda'i hundebau llafur. Rydyn ni'n annog staff i gymryd rhan. Rydyn ni'n eich cefnogi i ymuno ag undeb llafur cydnabyddedig, i sicrhau bod eich llais yn cael ei glywed yn y gweithle ac i ddysgu mwy am undebau llafur a gwaith partneriaeth.

Dylid cyflwyno ffurflen gais wedi'i llenwi, CV diweddar, ynghyd â datganiad personol o'ch addasrwydd ar gyfer y swydd erbyn y dyddiad cau.  Dylai pob cais ar gyfer y swydd hon gael ei gyflwyno ar-lein, gan ddefnyddio system ymgeisio ar-lein Llywodraeth Cymru.  Os oes gennych nam sy’n golygu nad ydych chi’n gallu cyflwyno cais ar-lein, e-bostiwch RecriwtioUWS@llyw.cymru i ofyn am becyn ymgeisio mewn fformat gwahanol, neu i ofyn am addasiad rhesymol yn gysylltiedig a nam, er mwyn cyflwyno’ch cais.

I gyflwyno cais, fe fydd angen i chi gofrestru am gyfrif. I wneud hyn, cliciwch ar y botwm ‘Gwneud cais’ isod.  Os oes gennych chi gyfrif yn barod, rhowch eich manylion mewngofnodi.  Os nad oes gennych chi gyfrif, pwyswch ‘Cofrestru’.  Dim ond ychydig funudau mae’n cymryd i lenwi’r ffurflen cofrestru.  Fe fydd angen cyfeiriad e-bost arnoch i gofrestru.  Unwaith i chi gofrestru a mewngofnodi, bydd y ffurflen gais yn agor ar y sgrin.  Mae angen i chi gwblhau’r ffurflen yn llwyr a’i hanfon erbyn yr amser terfyn ar y dyddiau cau. 

I gwblhau cais yn y Gymraeg, gwnewch yn siŵr eich bod yn pwyso ‘Gwneud cais’ isod ar y dudalen hon (yn hytrach na phwyso ‘Apply’ ar y dudalen Saesneg).

Am ragor o wybodaeth ynghylch proses recriwtio’r Uwch Wasanaeth Sifil o fewn Llywodraeth Cymru, gwelwch y Canllaw Recriwtio i Ymgeiswyr Allanol yr Uwch Wasanaeth Sifil (dolen).  Mae canllawiau pellach ar Baratoi eich Datganiad Personol (dolen) hefyd ar gael.

Wrth ddarparu tystiolaeth o’ch addasrwydd ar gyfer y swydd, rydym yn argymell eich bod yn cyfeirio at Fframwaith Cymwyseddau’r Gwasanaeth Sifil (dolen).