Swydd Wag -- Swyddog Tribiwnlys x3

Mae ‘Cymru gyfan’ yn golygu bod hyblygrwydd o ran ble gall y swydd gael ei lleoli. Mae hyn yn ddibynnol ar anghenion y busnes.   Nodwch, nid yw bob amser yn bosib i ganiatáu cais am leoliad swyddfa penodol, ond fe fyddwn yn ystyried pob cais.

Rydym yn bwriadu llenwi 3 swydd gweithiwr achos ar draws Uned Tribiwnlysoedd Cymru. Mae Uned Tribiwnlysoedd Cymru (WTU) yn rhan o Lywodraeth Cymru ac yn darparu cymorth gweinyddol ar gyfer chwe thribiwnlys annibynnol a arweinir gan farnwriaeth, sy’n cynnwys: -

• Tribiwnlys Adolygu Iechyd Meddwl Cymru
• Tribiwnlysoedd Eiddo Preswyl Cymru
• Tribiwnlys y Gymraeg
• Tribiwnlys Addysg Cymru
• Panel Dyfarnu Cymru
• Tribiwnlys Tir Amaethyddol Cymru

Bydd deiliaid y swydd yn cael eu dyrannu i dribiwnlys penodol pan gânt eu penodi, fodd bynnag disgwylir dros amser a datblygiad y bydd deiliad y swydd yn hyblyg ac yn barod i weithio i gefnogi unrhyw un o’r tribiwnlysoedd o fewn cylch gorchwyl yr Uned.

• Dadansoddi gwybodaeth – crynhoi a gweithio gyda gwybodaeth gymhleth gan gynnwys rheoliadau a deddfwriaeth y Tribiwnlys.
• Paratoi ffeiliau y tribiwnlysoedd - agor ffeil achos, cwblhau rhestr wirio, aseinio rhif achos, mewnbynnu manylion ar daenlen gwybodaeth apeliadau, anfon llythyr cydnabod, a drafftio llythyrau cofrestru o fewn yr amserlenni gofynnol.
• Trefnu tribiwnlysoedd – sefydlu a chydlynu gwrandawiadau tribiwnlysoedd unigol o fewn amserlenni statudol gan gynnwys trefnu'r farnwriaeth, trefnu a sefydlu gwrandawiadau tribiwnlysoedd o bell a chorfforol, cydgysylltu â holl bartïon perthnasol y tribiwnlys tra'n cynnal cofnodion cywir a chyfredol o wrandawiadau a hysbysu unigolion ac aelodau paneli i derfynau amser gofynnol.
• Adroddiadau – sicrhau bod yr holl adroddiadau perthnasol sy'n berthnasol i'r gwrandawiad yn cael eu coladu a'u dosbarthu i'r holl bartïon ac aelodau'r panel o fewn yr amserlenni gofynnol.
• Taenlenni gwybodaeth - sicrhau bod gwybodaeth a thaenlenni dangosyddion perfformiad allweddol yn cael eu diweddaru ar ôl cwblhau unrhyw gamau gweithredu ar achos.
• Clercio gwrandawiadau pan fo angen – cyfarch partïon a phanel, ymateb yn briodol i gwestiynau, delio â materion gweithdrefnol sy'n codi neu gyfeirio at y panel tribiwnlys a sicrhau bod y gwrandawiad yn rhedeg yn esmwyth.
• Teithio – efallai y bydd angen teithio yn achlysurol ledled Cymru, gan gynnwys rhai arosiadau dros nos.
• Penderfyniadau Tribiwnlys – sicrhau bod copïau o bob penderfyniad newydd yn cael eu hanfon at y partïon perthnasol yn unol â'r amserlenni gofynnol.
• Llinell gymorth tribiwnlysoedd - delio ag ymholiadau ffôn, gan sicrhau bod y wybodaeth a roddir yn gywir ac yn cydymffurfio â pholisïau diogelwch gwybodaeth; cyfeirio ymholiadau cymhleth at y Rheolwr Busnes.
• Rheoli cofnodion – cadw ffeiliau cywir, archifo ffeiliau achos caeëdig a recordiadau gwrandawiad (ar gryno ddisg), cadw cofrestrau electronig, nodi recordiadau sydd i'w dinistrio a – phan gânt eu cymeradwyo – dinistrio eitemau sydd i'w dinistrio.
• Cyllid - ardystio hawliadau treuliau aelodau, gwirio cywirdeb y cais a'i drosglwyddo i'r rheolwr busnes i'w gymeradwyo.
• Cefnogaeth busnes – cynorthwyo gyda pharatoi DPA ac adroddiadau boddhad cwsmeriaid a darparu unrhyw gefnogaeth arall yn ôl yr angen.
• Diogelwch gwybodaeth - cydymffurfio â pholisïau diogelwch LlC bob amser a chwblhau 'r holl hyfforddiant gorfodol cysylltiedig.
• Post - prosesu post sy'n dod i mewn ac yn mynd allan, gan sicrhau bod pob eitem wedi'i gofnodi'n gywir a drafftio cydnabyddiaeth ac ymatebion i ohebiaeth arferol o fewn yr amserlenni gofynnol.

Mae'r swydd yn cynnig cyfle i ddatblygu sgiliau trefnu a chyfathrebu mewn maes proffil uchel sy'n cynnwys rhyngweithio ag ystod eang o randdeiliaid.

25/05/22 16:00

Mae swyddi sy’n rhan o'r ymgyrch recriwtio hon yn agored ar y cyfan i wladolion y DU, y rhai sydd â'r hawl i aros a gweithio yn y DU a'r rhai sy'n bodloni Rheolau Cenedligrwydd y Gwasanaeth Sifil yn unig. Gwiriwch eich cymhwystra yma:

• Fisâu a Mewnfudo y DU - GOV.UK (Saesneg yn unig)
• Rheolau Cenedligrwydd – GOV.UK (Saesneg yn unig)

Cyn cael ei benodi, bydd yn ofynnol i bob ymgeisydd llwyddiannus gyflwyno dogfennau gwreiddiol, derbyniol fel rhan o'r gwiriadau cyn cyflogi. Os daw’n amlwg yn nes ymlaen yn y broses nad ydych chi’n gymwys i wneud cais, bydd eich cais neu’r cynnig yn cael ei dynnu’n ôl.

Mae Llywodraeth Cymru wedi ymrwymo i ddarparu gwasanaethau sy’n croesawu amrywiaeth ac sy’n hyrwyddo cyfle cyfartal. Mae hyn yn seiliedig ar Ddeddf Cydraddoldeb 2010 a bydd yn dilyn hyn ym mhob cam o’r broses recriwtio. Ein nod yw sicrhau bod yr ymrwymiadau hyn hefyd yn cael eu hymwreiddio yn ein harferion gwaith bob dydd gyda’n holl gwsmeriaid, cydweithwyr a phartneriaid.

Rydym wedi ymrwymo i fod yn sefydliad gwrth-hiliol a chynyddu amrywiaeth yn Llywodraeth Cymru, gan ddileu rhwystrau a chefnogi’n holl staff i gyflawni eu potensial. Rydym yn ymroi i recriwtio pobl Dduon, Asiaidd ac Ethnig Lleiafrifol a phobl anabl sydd heb gynrychiolaeth ddigonol yn Llywodraeth Cymru ar hyn o bryd.

Rydym yn croesawu ceisiadau gan bawb waeth beth fo’u hoedran, statws priodasol a phartneriaeth sifil (yn cynnwys yr un rhyw a’r rhyw arall), nam neu gyflwr iechyd, rhywedd, cyfeiriadedd rhywiol, beichiogrwydd a chyfnod mamolaeth, hil, crefydd neu gred, hunaniaeth o ran rhywedd neu fynegiant rhywedd.

Rydym yn Hyrwyddwr Amrywiaeth Stonewall, yn sefydliad Hyderus o Ran Anabledd Lefel 3 (Arweinydd). Mae pump Rhwydwaith Staff a noddir gan y Bwrdd yn allweddol i gefnogi’r gwaith hwn a darparu cefnogaeth i gymheiriaid (Ymwybyddiaeth a Chymorth Anabledd (DAAS); Rhwydwaith Staff o Leiafrifoedd Ethnig (MESN); Materion y Meddwl (Iechyd a lles meddyliol); PRISM (Pobl lesbiaidd, Hoyw, Deurywiol, Trawsryweddol, Rhyngrywiol +) a Menywod Ynghyd.

 

Mae’r swydd wag hon yn rhan o’r fenter Gweithle Gwych i Gyn-Aelodau’r Lluoedd Arfog. 

Mae Llywodraeth Cymru yn sefydliad dwyieithog, ac mae sgiliau Cymraeg yn gaffaeliad i ni.  Rydym yn annog ac yn cefnogi staff i ddysgu, datblygu a defnyddio’u sgiliau Cymraeg yn y gweithle.

 

Seiliwyd y rhestr isod o ofynion iaith y swydd ar asesiad gwrthrychol y rheolwr llinell ar ran Llywodraeth Cymru, o’r sgiliau yn y Gymraeg sy’n angenrheidiol i ymgymryd â dyletswyddau’r swydd benodol hon.

O fewn Llywodraeth Cymru, mae'r berthynas rhwng y cyflogwr a'r undebau llafur yn seiliedig ar bartneriaeth gymdeithasol. Rydyn ni'n credu mai’r ffordd orau o gyflawni ein nodau yw drwy sicrhau bod rheolwyr ac undebau llafur yn cydweithio.

Ein 3 undeb llafur cydnabyddedig yw:
•         PCS
•         Prospect
•         FDA

Mae cytundeb partneriaeth yn sail i'r berthynas hon. Mae'r cytundeb yn nodi sut y mae ein hundebau yn gweithio gyda Llywodraeth Cymru ar faterion fel:
•         cyflog
•         telerau ac amodau
•         polisïau a gweithdrefnau
•         newid sefydliadol

Mae ein cydweithwyr undebau llafur yn Llywodraeth Cymru yn cydweithio i roi cyfle i'w haelodau gael dweud eu dweud yn y gweithle. Maent yn sicrhau bod buddiannau eu haelodau yn cael eu hyrwyddo a'u diogelu. Maent hefyd yn helpu i leihau anghydraddoldebau a gwella telerau ac amodau.

Mae gan Lywodraeth Cymru hanes blaenorol rhagorol o weithio mewn partneriaeth gyda'i hundebau llafur. Rydyn ni'n annog staff i gymryd rhan. Rydyn ni'n eich cefnogi i ymuno ag undeb llafur cydnabyddedig, i sicrhau bod eich llais yn cael ei glywed yn y gweithle ac i ddysgu mwy am undebau llafur a gwaith partneriaeth.

• Oni nodir fel arall yn y darn 'cyflog cychwynnol gwirioneddol', bydd pob ymgeisydd yn dechrau ar isafswm y raddfa gyflog y penodir iddi (mae hwn yn cynnwys gweision sifil presennol). Does dim modd trafod hyn.
• Oni nodir fel arall yn 'math o gyfle', nid yw'r hysbyseb recriwtio hon ar agor ar sail Benthyciad neu Secondiad.
• Am ragor o wybodaeth am y meini prawf cymhwystra ac amodau a thelerau swyddi Benthyciad a Secondiad yn Llywodraeth Cymru, gweler canllawiau allanol yr ymgeiswyr recriwtio.
• Oni nodir fel arall yn 'Lleoliad y Swydd' dim ond yn y DU y gellir gweithio yn y rôl/rolau y recriwtir iddynt drwy’r ymgyrch hon, ac ni cheir gwneud hynny dramor.

Dylai pob cais ar gyfer y swydd hon gael ei gyflwyno ar-lein, gan ddefnyddio system ymgeisio ar-lein Llywodraeth Cymru.  Os oes gennych nam sy’n golygu nad ydych chi’n gallu cyflwyno cais ar-lein, e-bostiwch DesgGymorthCydwasanaethau@llyw.cymru i ofyn am becyn ymgeisio mewn fformat gwahanol, neu i ofyn am addasiad rhesymol yn gysylltiedig a nam, er mwyn cyflwyno’ch cais.

I gyflwyno cais, fe fydd angen i chi gofrestru am gyfrif. I wneud hyn, cliciwch ar y botwm ‘Gwneud cais’ isod.  Os oes gennych chi gyfrif yn barod, rhowch eich manylion mewngofnodi.  Os nad oes gennych chi gyfrif, pwyswch ‘Cofrestru’.  Dim ond ychydig funudau mae’n cymryd i lenwi’r ffurflen cofrestru, sydd angen cyfeiriad e-bost er mwyn ei chyflawni.  Unwaith i chi gofrestru a mewngofnodi, bydd y ffurflen gais yn agor ar y sgrin.  Mae angen i chi gwblhau’r ffurflen yn llwyr a’i hanfon erbyn yr amser terfyn ar y dyddiau cau. 

I gwblhau cais yn y Gymraeg, gwnewch yn siŵr eich bod yn pwyso ‘Gwneud cais’ isod ar y dudalen hon (yn hytrach na phwyso ‘Apply’ ar y dudalen Saesneg).

Am ragor o wybodaeth ynghylch proses recriwtio Llywodraeth Cymru, gwelwch y Canllaw Recriwtio i Ymgeiswyr Allanol (dolen).

Wrth ddarparu tystiolaeth o’ch addasrwydd ar gyfer y swydd, rydym yn argymell eich bod yn cyfeirio at Fframwaith Cymwyseddau’r Gwasanaeth Sifil (dolen).

Dylai unrhyw un sy’n credu ei fod wedi’i drin yn annheg, neu sydd â chwyn am sut y cynhaliwyd y broses naill ai ysgrifennu at y Pennaeth Adnoddau, Llywodraeth Cymru, Parc Cathays 2, Caerdydd CF10 3NQ neu e-bostio desggymorthcydwasanaethau@llyw.cymru. Os ydych chi’n anhapus â chanlyniad y gŵyn a godwyd gyda Llywodraeth Cymru ac yn teimlo nad yw egwyddorion penodi ar sail teilyngdod drwy gystadleuaeth deg ac agored wedi’u bodloni gallwch gyflwyno’ch cwyn i Gomisiwn y Gwasanaeth Sifil (Saesneg yn unig).