Swydd Wag -- Uwch-arolygydd Gofal Iechyd

Mae ‘Cymru gyfan’ yn golygu bod hyblygrwydd o ran ble gall y swydd gael ei lleoli. Mae hyn yn ddibynnol ar anghenion y busnes.   Nodwch, nid yw bob amser yn bosib i ganiatáu cais am leoliad swyddfa penodol, ond fe fyddwn yn ystyried pob cais.

Casglu a defnyddio gwybodaeth i helpu i sicrhau bod gweithgareddau AGIC yn canolbwyntio ar ddiogelwch cleifion ac ansawdd, a'i bod yn llywio gwelliant mewn gwasanaethau gofal iechyd ledled Cymru (gan gynnwys Iechyd Meddwl).

Sicrhau y caiff rhaglen o weithgarwch arolygu, adolygu a/neu reoleiddio ei chynllunio a'i rheoli, ac yr adroddir arni, mewn modd amserol ac i safon broffesiynol.

Rheoli ac arwain timau (a allai gynnwys staff AGIC a/neu adolygwyr allanol o amrywiaeth o gefndiroedd) i gynnal arolygiadau ac adolygiadau i safon broffesiynol.

Gellir gofyn i Uwch-arolygwyr Gofal Iechyd arwain timau sy'n delio â gwaith arolygu, adolygiadau neu weithgarwch rheoleiddio. Yn ystod eich gyrfa, cewch eich annog a'ch cefnogi i ennill profiad yn yr ystod o swyddogaethau yn AGIC.

Tasgau sy'n benodol i'r swydd (ni fydd y rôl yn cynnwys pob un o'r tasgau hyn o reidrwydd)

Casglu a defnyddio gwybodaeth

• Gweithredu fel Rheolwr Cydberthynas â darparwyr gofal iechyd ledled Cymru, gan gasglu a dadansoddi gwybodaeth a'i hasesu i ganfod themâu allweddol a materion sy'n codi.

• Cydweithio â gweithgareddau arolygu, rheoleiddio ac adolygu eraill, ac â rhanddeiliaid fel y bo'n briodol, i rannu gwybodaeth a datblygu'r sylfaen dystiolaeth ar gyfer gwaith AGIC.

• Ystyried gwybodaeth sy'n peri pryder am ddarpariaeth gofal iechyd (y GIG a Gofal Iechyd Annibynnol) a gyflwynir i AGIC ac argymell camau am fewnbwn pellach gan AGIC.

• Cydgysylltu ag achwynwyr yn uniongyrchol lle y bo'n briodol, a chyfarfod â nhw os oes angen i drafod eu pryderon, fel y gellir casglu'r wybodaeth sydd ganddynt a phenderfynu a yw eu gwybodaeth yn peri pryderon uniongyrchol o ran diogelu a/neu ddiogelwch cleifion, neu'n darparu tystiolaeth o fethiant systemig.

• Mynd ati'n barhaus i ddefnyddio'r wybodaeth a gesglir gan amrywiaeth o ffynonellau i gynnal asesiadau risg o'r systemau a'r gwasanaethau sy'n gweithredu ar wahanol lefelau ledled GIG Cymru, Byrddau Iechyd ac Ymddiriedolaethau, Sefydliadau Gofal Iechyd Annibynnol a gwasanaethau, er mwyn argymell camau i'w cymryd gan AGIC. Gall y camau hyn gynnwys atgyfeirio pryderon at gorff arall sydd mewn gwell sefyllfa i fynd i'r afael â'r mater neu'r maes sy'n peri pryder.

Cynllunio a chyflenwi

Mynd ati'n rhagweithiol i ddatblygu, cynllunio, goruchwylio a sicrhau ansawdd y rhaglen flynyddol o weithgareddau y cytunwyd arni ar gyfer y tîm. Gallai hyn gynnwys:

• arolygiadau arferol o wasanaethau'r GIG a Gwasanaethau Gofal Iechyd Annibynnol mewn perthynas â'r Safonau Gofynnol Cenedlaethol / Safonau Gofal Iechyd perthnasol.

• prosesau a systemau ar gyfer cofrestriadau, amrywiadau, ymholiadau a datgofrestriadau darparwyr gofal iechyd preifat a gwirfoddol.

• adolygiadau uchel eu proffil, a fydd yn cynnwys ystod amrywiol o randdeiliaid megis yr Heddlu, gwasanaethau Prawf, gwasanaethau carchardai ac Awdurdodau Lleol.

Gwneud gwaith fel y bo'n briodol i ymateb i faterion a phryderon newydd mewn perthynas â gofal iechyd yn ystod y flwyddyn, a allai gynnwys:

• cynllunio, trefnu ac arwain adolygiadau ac arolygiadau, gan gynnwys darnau o waith uchel eu proffil.

• sicrhau y caiff unrhyw gamau gorfodi posibl eu cymryd yn unol â'r fframwaith rheoleiddio a chanllawiau perthnasol.

• gweithio gyda'r Adran Gwasanaethau Cyfreithiol i roi unrhyw gamau rheoleiddio neu orfodi ar waith.

• paratoi a, lle y bo'n ofynnol, cyflwyno tystiolaeth i'r Tribiwnlys Safonau Gofal neu'r Llysoedd.

• uwchgyfeirio pryderon i gyrff rheoleiddio proffesiynol megis y Cyngor Meddygol Cyffredinol a'r Cyngor Nyrsio a Bydwreigiaeth.

• cydgysylltu â Llywodraeth Cymru a chyrff y GIG i roi mesurau arbennig ar waith.

Trefnu timau arolygu ac adolygu a sicrhau eu bod yn defnyddio ac yn rheoli mewnbwn priodol gan gymheiriaid ac adolygwyr lleyg sy'n berthnasol i bob agwedd ar waith AGIC, gan gynnwys y gwaith o ddatblygu dulliau newydd, pennu cwmpas gwaith adolygu, cyflawni gwaith maes a pharatoi adolygiadau.

Adrodd a chymryd camau dilynol

• Paratoi a sicrhauansawdd adroddiadau i'w cymeradwyo'n derfynol i'w cyhoeddi, er mwyn sicrhau eu bod o ansawdd uchel a bod rhanddeiliaid allweddol wedi'u hystyried wrth eu hysgrifennu. Ar gyfer llawer o adroddiadau AGIC, gall fod angen darparu fersiynau hawdd eu darllen, neu fformatau amgen sy'n diwallu anghenion unigol.

• Cyfrannu at ddigwyddiadau'r cyfryngau a'r wasg sy'n cyfleu rhaglen waith a chanfyddiadau AGIC.

• Cydweithio ag eraill er mwyn sicrhau y caiff camau dilynol priodol eu cymryd mewn perthynas ag unrhyw ddiffygion a nodir yn ystod adolygiadau ac arolygiadau. 

Effaith bersonol

• Gweithio gyda rhanddeiliaid allweddol, gan gynnwys cydweithwyr yn AGIC, Llywodraeth Cymru, Darparwyr Gofal Iechyd, Arolygiaethau eraill a phroffesiynau gofal iechyd er mwyn rhannu gwybodaeth a chydweithio i wella gwasanaethau gofal iechyd.

• Rhoi cyngor arbenigol i gydweithwyr ac uwch-reolwyr.

Tasgau cyffredin

• Rheoli, helpu ac arfarnu staff drwy brosesau sefydledig Llywodraeth Cymru.

• Cydweithio â chydweithwyr yn AGIC.

• Cyfrannu at weithgareddau corfforaethol AGIC a'u datblygu.

• Rheoli ei ddatblygiad proffesiynol parhaus ei hun a datblygiad aelodau'r tîm.

• Cynnal cenhadaeth, diben, rôl a gwerthoedd AGIC.

Mae'r swydd hon yn rhan o'r Proffesiwn Arolygwyr Gofal Iechyd. Bydd disgwyl i chi lunio, cynnal a dilyn cynllun datblygiad proffesiynol priodol a chwblhau dysgu fel sy'n ofynnol gan AGIC.

27/01/22 16:00

Mae swyddi sy’n rhan o'r ymgyrch recriwtio hon yn agored ar y cyfan i wladolion y DU, y rhai sydd â'r hawl i aros a gweithio yn y DU a'r rhai sy'n bodloni Rheolau Cenedligrwydd y Gwasanaeth Sifil yn unig. Gwiriwch eich cymhwystra yma:

• Fisâu a Mewnfudo y DU - GOV.UK (Saesneg yn unig)
• Rheolau Cenedligrwydd – GOV.UK (Saesneg yn unig)

Cyn cael ei benodi, bydd yn ofynnol i bob ymgeisydd llwyddiannus gyflwyno dogfennau gwreiddiol, derbyniol fel rhan o'r gwiriadau cyn cyflogi. Os daw’n amlwg yn nes ymlaen yn y broses nad ydych chi’n gymwys i wneud cais, bydd eich cais neu’r cynnig yn cael ei dynnu’n ôl.

Mae Llywodraeth Cymru wedi ymrwymo i ddarparu gwasanaethau sy’n croesawu amrywiaeth ac sy’n hyrwyddo cyfle cyfartal. Mae hyn yn seiliedig ar Ddeddf Cydraddoldeb 2010 a bydd yn dilyn hyn ym mhob cam o’r broses recriwtio. Ein nod yw sicrhau bod yr ymrwymiadau hyn hefyd yn cael eu hymwreiddio yn ein harferion gwaith bob dydd gyda’n holl gwsmeriaid, cydweithwyr a phartneriaid.

Rydym wedi ymrwymo i fod yn sefydliad gwrth-hiliol a chynyddu amrywiaeth yn Llywodraeth Cymru, gan ddileu rhwystrau a chefnogi’n holl staff i gyflawni eu potensial. Rydym yn ymroi i recriwtio pobl Dduon, Asiaidd ac Ethnig Lleiafrifol a phobl anabl sydd heb gynrychiolaeth ddigonol yn Llywodraeth Cymru ar hyn o bryd.

Rydym yn croesawu ceisiadau gan bawb waeth beth fo’u hoedran, statws priodasol a phartneriaeth sifil (yn cynnwys yr un rhyw a’r rhyw arall), nam neu gyflwr iechyd, rhywedd, cyfeiriadedd rhywiol, beichiogrwydd a chyfnod mamolaeth, hil, crefydd neu gred, hunaniaeth o ran rhywedd neu fynegiant rhywedd.

Rydym yn Hyrwyddwr Amrywiaeth Stonewall, yn sefydliad Hyderus o Ran Anabledd Lefel 3 (Arweinydd). Mae pump Rhwydwaith Staff a noddir gan y Bwrdd yn allweddol i gefnogi’r gwaith hwn a darparu cefnogaeth i gymheiriaid (Ymwybyddiaeth a Chymorth Anabledd (DAAS); Rhwydwaith Staff o Leiafrifoedd Ethnig (MESN); Materion y Meddwl (Iechyd a lles meddyliol); PRISM (Pobl lesbiaidd, Hoyw, Deurywiol, Trawsryweddol, Rhyngrywiol +) a Menywod Ynghyd.

 

Mae’r swydd wag hon yn rhan o’r fenter Gweithle Gwych i Gyn-Aelodau’r Lluoedd Arfog. 

Mae Llywodraeth Cymru yn sefydliad dwyieithog, ac mae sgiliau Cymraeg yn gaffaeliad i ni.  Rydym yn annog ac yn cefnogi staff i ddysgu, datblygu a defnyddio’u sgiliau Cymraeg yn y gweithle.

 

Seiliwyd y rhestr isod o ofynion iaith y swydd ar asesiad gwrthrychol y rheolwr llinell ar ran Llywodraeth Cymru, o’r sgiliau yn y Gymraeg sy’n angenrheidiol i ymgymryd â dyletswyddau’r swydd benodol hon.

O fewn Llywodraeth Cymru, mae'r berthynas rhwng y cyflogwr a'r undebau llafur yn seiliedig ar bartneriaeth gymdeithasol. Rydyn ni'n credu mai’r ffordd orau o gyflawni ein nodau yw drwy sicrhau bod rheolwyr ac undebau llafur yn cydweithio.

Ein 3 undeb llafur cydnabyddedig yw:
•         PCS
•         Prospect
•         FDA

Mae cytundeb partneriaeth yn sail i'r berthynas hon. Mae'r cytundeb yn nodi sut y mae ein hundebau yn gweithio gyda Llywodraeth Cymru ar faterion fel:
•         cyflog
•         telerau ac amodau
•         polisïau a gweithdrefnau
•         newid sefydliadol

Mae ein cydweithwyr undebau llafur yn Llywodraeth Cymru yn cydweithio i roi cyfle i'w haelodau gael dweud eu dweud yn y gweithle. Maent yn sicrhau bod buddiannau eu haelodau yn cael eu hyrwyddo a'u diogelu. Maent hefyd yn helpu i leihau anghydraddoldebau a gwella telerau ac amodau.

Mae gan Lywodraeth Cymru hanes blaenorol rhagorol o weithio mewn partneriaeth gyda'i hundebau llafur. Rydyn ni'n annog staff i gymryd rhan. Rydyn ni'n eich cefnogi i ymuno ag undeb llafur cydnabyddedig, i sicrhau bod eich llais yn cael ei glywed yn y gweithle ac i ddysgu mwy am undebau llafur a gwaith partneriaeth.

• Oni nodir fel arall yn y darn 'cyflog cychwynnol gwirioneddol', bydd pob ymgeisydd yn dechrau ar isafswm y raddfa gyflog y penodir iddi (mae hwn yn cynnwys gweision sifil presennol). Does dim modd trafod hyn.
• Oni nodir fel arall yn 'math o gyfle', nid yw'r hysbyseb recriwtio hon ar agor ar sail Benthyciad neu Secondiad.
• Am ragor o wybodaeth am y meini prawf cymhwystra ac amodau a thelerau swyddi Benthyciad a Secondiad yn Llywodraeth Cymru, gweler canllawiau allanol yr ymgeiswyr recriwtio.
• Oni nodir fel arall yn 'Lleoliad y Swydd' dim ond yn y DU y gellir gweithio yn y rôl/rolau y recriwtir iddynt drwy’r ymgyrch hon, ac ni cheir gwneud hynny dramor.

Dylai pob cais ar gyfer y swydd hon gael ei gyflwyno ar-lein, gan ddefnyddio system ymgeisio ar-lein Llywodraeth Cymru.  Os oes gennych nam sy’n golygu nad ydych chi’n gallu cyflwyno cais ar-lein, e-bostiwch DesgGymorthCydwasanaethau@llyw.cymru i ofyn am becyn ymgeisio mewn fformat gwahanol, neu i ofyn am addasiad rhesymol yn gysylltiedig a nam, er mwyn cyflwyno’ch cais.

I gyflwyno cais, fe fydd angen i chi gofrestru am gyfrif. I wneud hyn, cliciwch ar y botwm ‘Gwneud cais’ isod.  Os oes gennych chi gyfrif yn barod, rhowch eich manylion mewngofnodi.  Os nad oes gennych chi gyfrif, pwyswch ‘Cofrestru’.  Dim ond ychydig funudau mae’n cymryd i lenwi’r ffurflen cofrestru, sydd angen cyfeiriad e-bost er mwyn ei chyflawni.  Unwaith i chi gofrestru a mewngofnodi, bydd y ffurflen gais yn agor ar y sgrin.  Mae angen i chi gwblhau’r ffurflen yn llwyr a’i hanfon erbyn yr amser terfyn ar y dyddiau cau. 

I gwblhau cais yn y Gymraeg, gwnewch yn siŵr eich bod yn pwyso ‘Gwneud cais’ isod ar y dudalen hon (yn hytrach na phwyso ‘Apply’ ar y dudalen Saesneg).

Am ragor o wybodaeth ynghylch proses recriwtio Llywodraeth Cymru, gwelwch y Canllaw Recriwtio i Ymgeiswyr Allanol (dolen).

Wrth ddarparu tystiolaeth o’ch addasrwydd ar gyfer y swydd, rydym yn argymell eich bod yn cyfeirio at Fframwaith Cymwyseddau’r Gwasanaeth Sifil (dolen).

Dylai unrhyw un sy’n credu ei fod wedi’i drin yn annheg, neu sydd â chwyn am sut y cynhaliwyd y broses naill ai ysgrifennu at y Pennaeth Adnoddau, Llywodraeth Cymru, Parc Cathays 2, Caerdydd CF10 3NQ neu e-bostio desggymorthcydwasanaethau@llyw.cymru. Os ydych chi’n anhapus â chanlyniad y gŵyn a godwyd gyda Llywodraeth Cymru ac yn teimlo nad yw egwyddorion penodi ar sail teilyngdod drwy gystadleuaeth deg ac agored wedi’u bodloni gallwch gyflwyno’ch cwyn i Gomisiwn y Gwasanaeth Sifil (Saesneg yn unig).