Swydd Wag -- Swyddog y Wasg (Sgiliau yn y Gymraeg yn angenrheidiol)

Gweithio i'r Gwasanaeth Sifil

Mae prosesau recriwtio Llywodraeth Cymru wedi’u seilio ar yr egwyddor o ddethol ar gyfer penodiad yn ôl teilyngdod ar sail cystadleuaeth deg ac agored fel yr amlinellir yn Egwyddorion Recriwtio Comisiwn y Gwasanaeth Sifil (Saesneg yn unig).

Mae Cod y Gwasanaeth Sifil (Saesneg yn unig) yn nodi'r safonau ymddygiad a ddisgwylir gan weision sifil.

Manylion y Swydd

Y Grŵp Iechyd a Gwasanaethau Cymdeithasol
Cyfathrebu
HEO - £32,460 - £39,690
£29,100
Amser llawn (croesewir ceisiadau gan bobl sydd am weithio'n llawn amser, rhan-amser neu rannu'r swydd)
Parhaol
Caerdydd
I'w gadarnhau

Pwrpas y swydd

Mae cysylltiadau â’r cyfryngau yn ganolog i waith cyfathrebu’r Llywodraeth. Mae’r cyfryngau’n bartner hollbwysig ar gyfer creu dealltwriaeth o amcanion y Llywodraeth a chael y cyhoedd i ymddiried yn ein polisïau a’n gwasanaethau.
Mae Swyddogion y Wasg yn cyfathrebu ynghylch polisïau a blaenoriaethau Llywodraeth Cymru gan dargedu’r cynulleidfaoedd perthnasol â negeseuon allweddol ar yr amser iawn a thrwy’r sianeli priodol. Mae ffocws cynyddol ar greu cynnwys digidol. Wrth gyfathrebu’n adweithiol, byddwn yn ymateb i ymholiadau oddi wrth newyddiadurwyr, yn monitro'r cyfryngau ac yn gwrthateb unrhyw anghywirdeb. Mae hyn oll yn gofyn am sgil, ymwybyddiaeth dda o’r cyfryngau ac ymdriniaeth ofalus.

Mae ennyn sylw cadarnhaol i Lywodraeth Cymru yn y cyfryngau, gan gynnwys y cyfryngau cymdeithasol, yn rhan allweddol o'r swydd, felly mae ymdeimlad da o'r newyddion ynghyd â chreadigrwydd yn bwysig. Mae'n bwysig hefyd llwyddo i werthu straeon i olygyddion newyddion a newyddiadurwyr sy'n rhoi sylw priodol i faterion.

Prif dasgau

• Bod yn gyswllt yn y cyfryngau ar gyfer Ysgrifenyddion y Cabinet a'r Gweinidogion ar bortffolio penodol.
• Sicrhau bod polisïau a mentrau Llywodraeth Cymru yn cael eu cyfathrebu'n glir drwy'r cyfryngau trwy gyfrwng deunyddiau/ymatebion rhagweithiol ac adweithiol, gan gynnwys datganiadau i’r wasg ac i’r cyfryngau.
• Cwrdd yn rheolaidd ag Ysgrifenyddion y Cabinet a'r Gweinidogion, Ymgynghorwyr Arbennig ac uwch-swyddogion yn ôl y gofyn, i gynllunio gwaith cyfathrebu a’r ymdriniaeth o’r cyfryngau.
• Datblygu cynlluniau cyfathrebu ar gyfer cyhoeddiadau neu faterion allweddol.
• Gwerthuso gweithgarwch yn rheolaidd i’r Ysgrifenyddion Cabinet, Gweinidogion a swyddogion.
• Datblygu a rheoli cynnwys ar sianeli cyfryngau cymdeithasol gan ddefnyddio meddalwedd dadansoddi i werthuso eu heffaith.
• Mynd gydag Ysgrifenyddion y Cabinet a Gweinidogion i ddigwyddiadau gan eu cynghori ynghylch y trefniadau â’r cyfryngau a threfnu a rheoli cyfweliadau.
• Meithrin cysylltiadau cryf â chyfryngau'r DU, Cymru, a’r cyfryngau rhanbarthol ac arbenigol.
• Sefydlu a chynnal perthynas waith dda gydag amryw o unigolion a sefydliadau, gan gynnwys Ysgrifenyddion y Cabinet a Gweinidogion, ymgynghorwyr arbennig, cydweithwyr polisi, adrannau eraill y Llywodraeth, asiantaethau allanol, rhandeiliaid a chontractwyr.
• Cynnal safonau proffesiynol a moesegol uchel, yn enwedig wrth ysgrifennu, prawfddarllen a chyflwyno data.
• Bod yn ymwybodol o’r datblygiadau diweddaraf ym maes cyfathrebu, yn enwedig y ffordd orau o ymgorffori cyfryngau digidol a chymdeithasol mewn cynlluniau cyfathrebu integredig.
• Cydweithio â gweithwyr cyfathrebu mewn disgyblaethau eraill er mwyn cyfathrebu mewn ffordd strategol a thrawsbynciol, a magu gwybodaeth ehangach am bob math o waith cyfathrebu.
• Cymryd rhan yn rota gwaith gyda’r nos a phenwythnos Swyddfa’r Wasg, yn ôl y gofyn.

Cyfleoedd datblygu

Mae hon yn rôl ymestynnol ond yn un sy'n cynnig boddhad mewn maes cyfathrebu allweddol. Mae'r swydd yn cynnig y cyfle i ddatblygu sgiliau ym meysydd y wasg a'r cyfryngau a disgyblaethau cyfathrebu ehangach a fydd yn helpu deiliad y swydd i ddatblygu ystod eang o gymwyseddau.  Bydd cyfle hefyd i ddatblygu sgiliau a gwybodaeth ehangach fel Swyddog y Wasg trwy weithio ar y rota dyletswydd y tu allan i oriau.

Dyddiad Cau

16/04/18 16:00

Cymhwystra

Mae swyddi sy’n rhan o'r ymgyrch recriwtio hon yn agored ar y cyfan i wladolion y DU, y rhai sydd â'r hawl i aros a gweithio yn y DU a'r rhai sy'n bodloni Rheolau Cenedligrwydd y Gwasanaeth Sifil yn unig. Gwiriwch eich cymhwystra yma:

Cyn cael ei benodi, bydd yn ofynnol i bob ymgeisydd llwyddiannus gyflwyno dogfennau gwreiddiol, derbyniol fel rhan o'r gwiriadau cyn cyflogi. Os daw’n amlwg yn nes ymlaen yn y broses nad ydych chi’n gymwys i wneud cais, bydd eich cais neu’r cynnig yn cael ei dynnu’n ôl.

Cydraddoldeb ac Amrywiaeth

Mae Llywodraeth Cymru wedi ymrwymo i ddarparu gwasanaethau sy’n croesawu amrywiaeth ac sy’n hyrwyddo cyfle cyfartal. Mae hyn yn seiliedig ar Ddeddf Cydraddoldeb 2010 a bydd yn dilyn hyn ym mhob cam o’r broses recriwtio. Ein nod yw sicrhau bod yr ymrwymiadau hyn hefyd yn cael eu hymwreiddio yn ein harferion gwaith bob dydd gyda’n holl gwsmeriaid, cydweithwyr a phartneriaid.

Rydym wedi ymrwymo i fod yn sefydliad gwrth-hiliol a chynyddu amrywiaeth yn Llywodraeth Cymru, gan ddileu rhwystrau a chefnogi’n holl staff i gyflawni eu potensial. Rydym yn ymroi i recriwtio pobl Dduon, Asiaidd ac Ethnig Lleiafrifol a phobl anabl sydd heb gynrychiolaeth ddigonol yn Llywodraeth Cymru ar hyn o bryd.

Rydym yn croesawu ceisiadau gan bawb waeth beth fo’u hoedran, statws priodasol a phartneriaeth sifil (yn cynnwys yr un rhyw a’r rhyw arall), nam neu gyflwr iechyd, rhywedd, cyfeiriadedd rhywiol, beichiogrwydd a chyfnod mamolaeth, hil, crefydd neu gred, hunaniaeth o ran rhywedd neu fynegiant rhywedd.

Rydym yn Hyrwyddwr Amrywiaeth Stonewall, yn sefydliad Hyderus o Ran Anabledd Lefel 3 (Arweinydd). Mae pump Rhwydwaith Staff a noddir gan y Bwrdd yn allweddol i gefnogi’r gwaith hwn a darparu cefnogaeth i gymheiriaid (Ymwybyddiaeth a Chymorth Anabledd (DAAS); Rhwydwaith Staff o Leiafrifoedd Ethnig (MESN); Materion y Meddwl (Iechyd a lles meddyliol); PRISM (Pobl lesbiaidd, Hoyw, Deurywiol, Trawsryweddol, Rhyngrywiol +) a Menywod Ynghyd.

 

Hyderus o ran Anabledd

Gweithle Gwych i Gyn-Aelodau’r Lluoedd Arfog 

Mae’r swydd wag hon yn rhan o’r fenter Gweithle Gwych i Gyn-Aelodau’r Lluoedd Arfog


Sgiliau yn y Gymraeg

Mae Llywodraeth Cymru yn sefydliad dwyieithog, ac mae sgiliau Cymraeg yn gaffaeliad i ni.  Rydym yn annog ac yn cefnogi staff i ddysgu, datblygu a defnyddio’u sgiliau Cymraeg yn y gweithle.

 

Seiliwyd y rhestr isod o ofynion iaith y swydd ar asesiad gwrthrychol y rheolwr llinell ar ran Llywodraeth Cymru, o’r sgiliau yn y Gymraeg sy’n angenrheidiol i ymgymryd â dyletswyddau’r swydd benodol hon.

Hanfodol
Deall pob deunydd mewn sefyllfa waith yn iawn
Rhugl
Deall sgyrsiau ym mhob sefyllfa waith
Gallu paratoi deunydd ysgrifenedig ar gyfer pob sefyllfa waith

Partneriaeth Gymdeithasol

O fewn Llywodraeth Cymru, mae'r berthynas rhwng y cyflogwr a'r undebau llafur yn seiliedig ar bartneriaeth gymdeithasol. Rydyn ni'n credu mai’r ffordd orau o gyflawni ein nodau yw drwy sicrhau bod rheolwyr ac undebau llafur yn cydweithio.

Ein 3 undeb llafur cydnabyddedig yw:
•         PCS
•         Prospect
•         FDA

Mae cytundeb partneriaeth yn sail i'r berthynas hon. Mae'r cytundeb yn nodi sut y mae ein hundebau yn gweithio gyda Llywodraeth Cymru ar faterion fel:
•         cyflog
•         telerau ac amodau
•         polisïau a gweithdrefnau
•         newid sefydliadol

Mae ein cydweithwyr undebau llafur yn Llywodraeth Cymru yn cydweithio i roi cyfle i'w haelodau gael dweud eu dweud yn y gweithle. Maent yn sicrhau bod buddiannau eu haelodau yn cael eu hyrwyddo a'u diogelu. Maent hefyd yn helpu i leihau anghydraddoldebau a gwella telerau ac amodau.

Mae gan Lywodraeth Cymru hanes blaenorol rhagorol o weithio mewn partneriaeth gyda'i hundebau llafur. Rydyn ni'n annog staff i gymryd rhan. Rydyn ni'n eich cefnogi i ymuno ag undeb llafur cydnabyddedig, i sicrhau bod eich llais yn cael ei glywed yn y gweithle ac i ddysgu mwy am undebau llafur a gwaith partneriaeth.

Cymwyseddau / Meini prawf penodol i'r swydd

1. Y Clwstwr Strategol – Gosod y Trywydd (Gwneud Penderfyniadau Effeithiol)
Gwneud penderfyniadau pan fo angen, hyd yn oed os ydynt yn rhai anodd neu amhoblogaidd.

2. Y Clwstwr Strategol - Gosod y Trywydd (Gweld y Darlun Cyflawn)
Bod yn effro i faterion a thueddiadau newydd a allai effeithio ar eu gwaith eu hunain a'u tîm, neu a allai fod o fudd i'r gwaith hwnnw.

2. Y Clwstwr Perfformiad – Gwireddu Canlyniadau (Cyflawni'n Brydlon)
Cynllunio ymlaen llaw ond gan ailystyried llwythau gwaith a blaenoriaethau os bydd sefyllfaoedd yn newid neu os bydd y galwadau ar unigolion yn gwrthdaro.

4. Y Clwstwr Pobl – Ymwneud â Phobl
Cyfathrebu’n brydlon drwy ddefnyddio arddulliau a chyfryngau priodol, gan gynnwys sianeli digidol, er mwyn sicrhau bod gymaint o ddealltwriaeth ac effaith â phosibl.

Meini Prawf Penodol i'r Swydd

  • Sgiliau ysgrifennu effeithiol y gellir eu haddasu wrth ddrafftio llinellau i'r cyfryngau, ysgrifennu datganiadau i'r wasg a drafftio erthyglau hirach i'w cyhoeddi mewn papurau newydd, y wasg arbenigol ac yn y cyfryngau digidol, e.e. blogiau.
  • Gallu briffio a rhoi cyngor am y cyfryngau i unigolion ar lefel uchel, gan gynnwys trefnu a chynllunio cyfleoedd i gael sylw yn y cyfryngau.
  • Gallu paratoi strategaethau cyfathrebu a chynlluniau ymdrin â'r cyfryngau ar gyfer cyhoeddiadau polisi, ymgyrchoedd a straeon newydd - gan gynnwys nodi’r sianeli perthnasol yn y cyfryngau a’r cyfryngau cymdeithasol a datblygu amryw o ddeunyddiau PR gan gynnwys datganiadau i'r wasg, erthyglau, fideos, ffeithluniau a chynnwys i’r cyfryngau cymdeithasol.

Proses Asesu

Gwybodaeth arall

  • Oni nodir fel arall yn y darn 'cyflog cychwynnol gwirioneddol', bydd pob ymgeisydd yn dechrau ar isafswm y raddfa gyflog y penodir iddi (mae hwn yn cynnwys gweision sifil presennol). Does dim modd trafod hyn.
  • Oni nodir fel arall yn 'math o gyfle', nid yw'r hysbyseb recriwtio hon ar agor ar sail Benthyciad neu Secondiad.
  • Am ragor o wybodaeth am y meini prawf cymhwystra ac amodau a thelerau swyddi Benthyciad a Secondiad yn Llywodraeth Cymru, gweler canllawiau allanol yr ymgeiswyr recriwtio.
  • Oni nodir fel arall yn 'Lleoliad y Swydd' dim ond yn y DU y gellir gweithio yn y rôl/rolau y recriwtir iddynt drwy’r ymgyrch hon, ac ni cheir gwneud hynny dramor.
Simon Jenkins - Simon.Jenkins@gov.wales

Sut i wneud cais

Dylai pob cais ar gyfer y swydd hon gael ei gyflwyno ar-lein, gan ddefnyddio system ymgeisio ar-lein Llywodraeth Cymru.  Os oes gennych anabledd sy’n golygu nad ydych chi’n gallu cyflwyno cais ar-lein, e-bostiwch DesgGymorthCydwasanaethau@llyw.cymru i ofyn am becyn ymgeisio mewn fformat gwahanol, neu i ofyn am addasiad rhesymol yn gysylltiedig ag anabledd, er mwyn cyflwyno’ch cais.

I gyflwyno cais, fe fydd angen i chi gofrestru am gyfrif. I wneud hyn, cliciwch ar y botwm ‘Gwneud cais’ isod.  Os oes gennych chi gyfrif yn barod, rhowch eich manylion mewngofnodi.  Os nad oes gennych chi gyfrif, pwyswch ‘Cofrestru’.  Dim ond ychydig funudau mae’n cymryd i lenwi’r ffurflen cofrestru, sydd angen cyfeiriad e-bost er mwyn ei chyflawni.  Unwaith i chi gofrestru a mewngofnodi, bydd y ffurflen gais yn agor ar y sgrin.  Mae angen i chi gwblhau’r ffurflen yn llwyr a’i hanfon erbyn yr amser terfyn ar y dyddiau cau. 

I gwblhau cais yn y Gymraeg, gwnewch yn siŵr eich bod yn pwyso ‘Gwneud cais’ isod ar y dudalen hon (yn hytrach na phwyso ‘Apply’ ar y dudalen Saesneg).

Am ragor o wybodaeth ynghylch proses recriwtio Llywodraeth Cymru, gwelwch y Canllaw Recriwtio i Ymgeiswyr Allanol (dolen).

Wrth ddarparu tystiolaeth o’ch addasrwydd ar gyfer y swydd, rydym yn argymell eich bod yn cyfeirio at Fframwaith Cymwyseddau’r Gwasanaeth Sifil (dolen).

Anghydfod a Chwynion

Dylai unrhyw un sy’n credu ei fod wedi’i drin yn annheg, neu sydd â chwyn am sut y cynhaliwyd y broses naill ai ysgrifennu at y Pennaeth Adnoddau, Llywodraeth Cymru, Parc Cathays 2, Caerdydd CF10 3NQ neu e-bostio desggymorthcydwasanaethau@llyw.cymru. Os ydych chi’n anhapus â chanlyniad y gŵyn a godwyd gyda Llywodraeth Cymru ac yn teimlo nad yw egwyddorion penodi ar sail teilyngdod drwy gystadleuaeth deg ac agored wedi’u bodloni gallwch gyflwyno’ch cwyn i Gomisiwn y Gwasanaeth Sifil (Saesneg yn unig).

Mae'r swydd hon ar gau i ymgeiswyr.