Swydd Wag -- Swyddog Cymorth Is-adran (Y Rhwydwaith Ffyrdd Strategol)

Gweithio i'r Gwasanaeth Sifil

Mae prosesau recriwtio Llywodraeth Cymru wedi’u seilio ar yr egwyddor o ddethol ar gyfer penodiad yn ôl teilyngdod ar sail cystadleuaeth deg ac agored fel yr amlinellir yn Egwyddorion Recriwtio Comisiwn y Gwasanaeth Sifil (Saesneg yn unig).

Mae Cod y Gwasanaeth Sifil (Saesneg yn unig) yn nodi'r safonau ymddygiad a ddisgwylir gan weision sifil.

Manylion y Swydd

Y Grŵp Newid Hinsawdd a Materion Gwledig
Y Rhwydwaith Ffyrdd Strategol
EO - £26,900 - £30,610
26,900
Amser llawn (croesewir ceisiadau gan bobl sydd am weithio'n llawn amser, rhan-amser neu rannu'r swydd)
Parhaol
Caerdydd, Cymru gyfan
'I' w gadarnhau'

Pwrpas y swydd

Braslun o'r rôl

Dyma gyfle gyffrous i gyflawni rôl hanfodol yng nghanol Is-adran Rhwydwaith Ffyrdd Strategol Llywodraeth Cymru. 

Mae'r Is-adran yn gyfrifol am gynllunio, gweithredu, cynnal a chadw a gwella'r rhwydwaith traffyrdd a chefnffyrdd yng Nghymru, ar ran Gweinidogion Cymru.  Dyma un o asedau seilwaith pwysicaf Cymru. Mae'n werth dros £18 biliwn ac yn hanfodol ar gyfer cefnogi Gweledigaeth Llywodraeth Cymru ar gyfer Cymru gynaliadwy a ffyniannus.

Mae'r Is-adran yn lle cyfeillgar a chefnogol i weithio, gyda'r tîm yn canolbwyntio ar weithio gyda'i gilydd er mwyn gwneud ei waith yn dda.

Bydd deiliad y swydd yn gyfrifol am ddarparu cymorth uniongyrchol i Ddirprwy Gyfarwyddwr yr Is-adran, sydd â 70 staff parhaol, cyllideb cyfalaf o tua £190 miliwn y flwyddyn a chyllideb refeniw o tua £70 miliwn y flwyddyn.

Wrth gynorthwyo'r Dirprwy Gyfarwyddwr, bydd angen i ddeiliad y swydd gysylltu â Chyfarwyddwr Trafnidiaeth y Chysylltedd Digidol a'r swyddfa gysylltiedig, peirianwyr Llywodraeth Cymru yn ogystal â chydweithwyr ym maes cyllid a Swyddfeydd Preifat y Gweinidogion. 

Bydd deiliad y swydd hefyd yn rhyngweithio â chyrff allanol fel y pwynt cyswllt cyntaf i'r Dirprwy Gyfarwyddwr, i helpu gyda'r gwaith o reoli ymatebion a/neu ymrwymiadau yn y dyddiadur.  Bydd cyrff allanol yn cynnwys Awdurdodau Lleol, Priffyrdd Cenedlaethol, yr Adran Drafnidiaeth, ymgynghorwyr, contractwyr, cyfreithwyr ac aelodau o'r cyhoedd.

Bydd angen i ddeiliad y swydd ddarparu cymorth ehangach ar draws yr Is-adran, a gall hyn gynnwys meysydd fel cyllid, prosesu hawliadau trydydd parti a rheoli tir. 

Bydd y rôl yn rhoi cyfle unigryw i ennill dealltwriaeth o'r ffordd mae un o'r asedau seilwaith pwysicaf yng Nghymru yn cael ei weithredu a'i gynnal a'i gadw, ac i ddatblygu rhwydwaith eang o gysylltiadau â rhanddeiliaid. 

Prif dasgau

Prif dasgau

  • Rheoli dyddiadur a mewnflwch y Dirprwy Gyfarwyddwr yn annibynnol, gan asesu pan fydd yn briodol cyfeirio e-byst i sicrhau ymatebion prydlon.
  • Ateb e-byst y Dirprwy Gyfarwyddwr yn uniongyrchol pan fydd hynny'n briodol.
  • Rheoli ffeiliau a chofnodion ar gyfer meysydd allweddol o fewn yr Is-adran.
  • Gweithio'n agos gyda pheirianwyr, awdurdodau cefnffyrdd, peirianwyr ymgynghori a chontractwyr mewn perthynas ag ymholiadau.
  • Helpu gyda gweithdrefnau llywodraethu, gan gynnwys ceisiadau Rhyddid Gwybodaeth a Chyflwyniadau Cyngor Gweinidogol.
  • Gwneud cofnodion.
  • Cynnal siartiau sefydliadol a chofnodion adnoddau ar gyfer yr Is-adran.
  • Cydlynu datganiadau corfforol, gan gynnwys archwiliadau a phwyllgorau.
  • Darparu cymorth ar draws yr Is-adran, gan helpu timau sy'n profi beichiau gwaith drwm.

Cyfleoedd datblygu

Mae'r rôl hon yn rhoi'r cyfle i ddatblygu gwybodaeth ac ennill profiad o reoli a chynnal a chadw'r Rhwydwaith Cefnffyrdd yng Nghymru, gan weithio o fewn adran Llywodraeth Cymru sy'n canolbwyntio ar gyflawni. 

Bydd y swydd yn cynnig y cyfle i ddatblygu rhwydwaith helaeth o gysylltiadau â rhanddeiliaid yn y sector seilwaith – o fewn Llywodraeth Cymru a'r tu allan. 

Dyddiad Cau

16/06/23 16:00

Cymhwystra

Mae swyddi sy’n rhan o'r ymgyrch recriwtio hon yn agored ar y cyfan i wladolion y DU, y rhai sydd â'r hawl i aros a gweithio yn y DU a'r rhai sy'n bodloni Rheolau Cenedligrwydd y Gwasanaeth Sifil yn unig. Gwiriwch eich cymhwystra yma:

Cyn cael ei benodi, bydd yn ofynnol i bob ymgeisydd llwyddiannus gyflwyno dogfennau gwreiddiol, derbyniol fel rhan o'r gwiriadau cyn cyflogi. Os daw’n amlwg yn nes ymlaen yn y broses nad ydych chi’n gymwys i wneud cais, bydd eich cais neu’r cynnig yn cael ei dynnu’n ôl.

Cydraddoldeb ac Amrywiaeth

Mae Llywodraeth Cymru wedi ymrwymo i ddarparu gwasanaethau sy’n croesawu amrywiaeth ac sy’n hyrwyddo cyfle cyfartal. Mae hyn yn seiliedig ar Ddeddf Cydraddoldeb 2010 a bydd yn dilyn hyn ym mhob cam o’r broses recriwtio. Ein nod yw sicrhau bod yr ymrwymiadau hyn hefyd yn cael eu hymwreiddio yn ein harferion gwaith bob dydd gyda’n holl gwsmeriaid, cydweithwyr a phartneriaid.

Rydym wedi ymrwymo i fod yn sefydliad gwrth-hiliol a chynyddu amrywiaeth yn Llywodraeth Cymru, gan ddileu rhwystrau a chefnogi’n holl staff i gyflawni eu potensial. Rydym yn ymroi i recriwtio pobl Dduon, Asiaidd ac Ethnig Lleiafrifol a phobl anabl sydd heb gynrychiolaeth ddigonol yn Llywodraeth Cymru ar hyn o bryd.

Rydym yn croesawu ceisiadau gan bawb waeth beth fo’u hoedran, statws priodasol a phartneriaeth sifil (yn cynnwys yr un rhyw a’r rhyw arall), nam neu gyflwr iechyd, rhywedd, cyfeiriadedd rhywiol, beichiogrwydd a chyfnod mamolaeth, hil, crefydd neu gred, hunaniaeth o ran rhywedd neu fynegiant rhywedd.

Rydym yn Hyrwyddwr Amrywiaeth Stonewall, yn sefydliad Hyderus o Ran Anabledd Lefel 3 (Arweinydd). Mae pump Rhwydwaith Staff a noddir gan y Bwrdd yn allweddol i gefnogi’r gwaith hwn a darparu cefnogaeth i gymheiriaid (Ymwybyddiaeth a Chymorth Anabledd (DAAS); Rhwydwaith Staff o Leiafrifoedd Ethnig (MESN); Materion y Meddwl (Iechyd a lles meddyliol); PRISM (Pobl lesbiaidd, Hoyw, Deurywiol, Trawsryweddol, Rhyngrywiol +) a Menywod Ynghyd.

 

Hyderus o ran Anabledd

Gweithle Gwych i Gyn-Aelodau’r Lluoedd Arfog 

Mae’r swydd wag hon yn rhan o’r fenter Gweithle Gwych i Gyn-Aelodau’r Lluoedd Arfog


Sgiliau yn y Gymraeg

Mae Llywodraeth Cymru yn sefydliad dwyieithog, ac mae sgiliau Cymraeg yn gaffaeliad i ni.  Rydym yn annog ac yn cefnogi staff i ddysgu, datblygu a defnyddio’u sgiliau Cymraeg yn y gweithle.

 

Seiliwyd y rhestr isod o ofynion iaith y swydd ar asesiad gwrthrychol y rheolwr llinell ar ran Llywodraeth Cymru, o’r sgiliau yn y Gymraeg sy’n angenrheidiol i ymgymryd â dyletswyddau’r swydd benodol hon.

Ddim yn angenrheidiol i gyflawni dyletswyddau'r gwaith hwn

Partneriaeth Gymdeithasol

O fewn Llywodraeth Cymru, mae'r berthynas rhwng y cyflogwr a'r undebau llafur yn seiliedig ar bartneriaeth gymdeithasol. Rydyn ni'n credu mai’r ffordd orau o gyflawni ein nodau yw drwy sicrhau bod rheolwyr ac undebau llafur yn cydweithio.

Ein 3 undeb llafur cydnabyddedig yw:
•         PCS
•         Prospect
•         FDA

Mae cytundeb partneriaeth yn sail i'r berthynas hon. Mae'r cytundeb yn nodi sut y mae ein hundebau yn gweithio gyda Llywodraeth Cymru ar faterion fel:
•         cyflog
•         telerau ac amodau
•         polisïau a gweithdrefnau
•         newid sefydliadol

Mae ein cydweithwyr undebau llafur yn Llywodraeth Cymru yn cydweithio i roi cyfle i'w haelodau gael dweud eu dweud yn y gweithle. Maent yn sicrhau bod buddiannau eu haelodau yn cael eu hyrwyddo a'u diogelu. Maent hefyd yn helpu i leihau anghydraddoldebau a gwella telerau ac amodau.

Mae gan Lywodraeth Cymru hanes blaenorol rhagorol o weithio mewn partneriaeth gyda'i hundebau llafur. Rydyn ni'n annog staff i gymryd rhan. Rydyn ni'n eich cefnogi i ymuno ag undeb llafur cydnabyddedig, i sicrhau bod eich llais yn cael ei glywed yn y gweithle ac i ddysgu mwy am undebau llafur a gwaith partneriaeth.

Cymwyseddau / Meini prawf penodol i'r swydd

Cymwyseddau

Gosod y Trywydd – Gweld y Darlun Cyflawn

  • Bod yn ymwybodol o’r wybodaeth ddiweddaraf am gyfres o faterion cyffredinol sy’n berthnasol i waith yr Adran.

Ymwneud â Phobl – Gweithio ar y cyd ac mewn Partneriaeth

  • Bod yn barod i nodi cyfleoedd i rannu gwybodaeth a dysgu a gwella drwy weithio gyda chydweithwyr.

Gwireddu Canlyniadau – Rheoli Gwasanaeth Safonol

  • Egluro’n glir i gwsmeriaid yr hyn y gellir ei wneud.

Gwireddu Canlyniadau – Cyflawni'n Brydlon

  • Bod yn atebol am fynd i’r afael â phroblemau yn y maes rydych yn gyfrifol amdano.

Meini Prawf Penodol i’r Swydd

  • Sgiliau trefnu da gyda'r gallu i flaenoriaethu.
  • Y gallu i weithio gyda chydweithwyr a rhanddeiliaid ar bob lefel.
  • Cyfeillgar a chwrtais wrth ymdrin â phobl.

Proses Asesu

Ar ôl i'r ceisiadau gael eu sifftio, caiff yr ymgeiswyr llwyddiannus eu gwahodd i gyfweliad.

Gwybodaeth arall

  • Oni nodir fel arall yn y darn 'cyflog cychwynnol gwirioneddol', bydd pob ymgeisydd yn dechrau ar isafswm y raddfa gyflog y penodir iddi (mae hwn yn cynnwys gweision sifil presennol). Does dim modd trafod hyn.
  • Oni nodir fel arall yn 'math o gyfle', nid yw'r hysbyseb recriwtio hon ar agor ar sail Benthyciad neu Secondiad.
  • Am ragor o wybodaeth am y meini prawf cymhwystra ac amodau a thelerau swyddi Benthyciad a Secondiad yn Llywodraeth Cymru, gweler canllawiau allanol yr ymgeiswyr recriwtio.
  • Oni nodir fel arall yn 'Lleoliad y Swydd' dim ond yn y DU y gellir gweithio yn y rôl/rolau y recriwtir iddynt drwy’r ymgyrch hon, ac ni cheir gwneud hynny dramor.
Nicci Hunter

Sut i wneud cais

Dylai pob cais ar gyfer y swydd hon gael ei gyflwyno ar-lein, gan ddefnyddio system ymgeisio ar-lein Llywodraeth Cymru.  Os oes gennych nam sy’n golygu nad ydych chi’n gallu cyflwyno cais ar-lein, e-bostiwch DesgGymorthCydwasanaethau@llyw.cymru i ofyn am becyn ymgeisio mewn fformat gwahanol, neu i ofyn am addasiad rhesymol yn gysylltiedig a nam, er mwyn cyflwyno’ch cais.

I gyflwyno cais, fe fydd angen i chi gofrestru am gyfrif. I wneud hyn, cliciwch ar y botwm ‘Gwneud cais’ isod.  Os oes gennych chi gyfrif yn barod, rhowch eich manylion mewngofnodi.  Os nad oes gennych chi gyfrif, pwyswch ‘Cofrestru’.  Dim ond ychydig funudau mae’n cymryd i lenwi’r ffurflen cofrestru, sydd angen cyfeiriad e-bost er mwyn ei chyflawni.  Unwaith i chi gofrestru a mewngofnodi, bydd y ffurflen gais yn agor ar y sgrin.  Mae angen i chi gwblhau’r ffurflen yn llwyr a’i hanfon erbyn yr amser terfyn ar y dyddiau cau. 

I gwblhau cais yn y Gymraeg, gwnewch yn siŵr eich bod yn pwyso ‘Gwneud cais’ isod ar y dudalen hon (yn hytrach na phwyso ‘Apply’ ar y dudalen Saesneg).

Am ragor o wybodaeth ynghylch proses recriwtio Llywodraeth Cymru, gwelwch y Canllaw Recriwtio i Ymgeiswyr Allanol (dolen).

Wrth ddarparu tystiolaeth o’ch addasrwydd ar gyfer y swydd, rydym yn argymell eich bod yn cyfeirio at Fframwaith Cymwyseddau’r Gwasanaeth Sifil (dolen).

Anghydfod a Chwynion

Dylai unrhyw un sy’n credu ei fod wedi’i drin yn annheg, neu sydd â chwyn am sut y cynhaliwyd y broses naill ai ysgrifennu at y Pennaeth Adnoddau, Llywodraeth Cymru, Parc Cathays 2, Caerdydd CF10 3NQ neu e-bostio desggymorthcydwasanaethau@llyw.cymru. Os ydych chi’n anhapus â chanlyniad y gŵyn a godwyd gyda Llywodraeth Cymru ac yn teimlo nad yw egwyddorion penodi ar sail teilyngdod drwy gystadleuaeth deg ac agored wedi’u bodloni gallwch gyflwyno’ch cwyn i Gomisiwn y Gwasanaeth Sifil (Saesneg yn unig).

Mae'r swydd hon ar gau i ymgeiswyr.